200.000 pertsona baino gehiago deitu dituzte Nafarroan gripearen eta covidaren aurkako txertoa jartzera
Gizon bat, Barañaingo Osasun Zentroan txertoa hartzen. Argazkia: Nafarroako Gobernua.
Nafarroan bizi diren 200.000 pertsona baino gehiago daude deituta gripearen eta covidaren aurkako kanpainan txertoa jartzera, bereziki, 60 urtetik gorakoak, konplikazioak izateko arriskua dutenak, haurdun dauden emakumeak eta 5 urtetik beherako haurrak.
Helburua da pertsona zaurgarrienen eta pertsonal sanitario eta soziosanitarioaren babesa indartzea, gaixotasun horiek pertsonen osasunean duten eragina murrizteko eta zerbitzuen arreta-gaitasunean ahalik eta gutxien eragiteko.
Hala azaldu dute Osasun Saileko arduradunek, Fernando Dominguez kontseilaria ere bertan zela, kanpainari hasiera emateko egin duten ekitaldian. Barañainen egin da, osasun-zentro batean, eta bertako bizilagunak izan dira txertoa jasotzen lehenak.
Marian Nuin Nafarroako Osasun Publikoaren eta Lan Osasunaren Institutuko zuzendari kudeatzaileak azpimarratu du komeni dela pertsona zaurgarriei eta profesional sanitario eta soziosanitarioei txertoa jartzea.
Oro har, egokia da 70 urtetik gorakoek bi dosiak jasotzea: gripearen eta covidaren arukako txertoak. Era berean, egoitza-zentroetan eta desgaitasun-zentroetan daudenentzat, gaixo kronikoentzat eta haurdun dauden emakumeentzat ere gomendatzen da.
Bestalde, gripearen arukako txertoa hartzea komeni zaie 60 eta 69 urte bitartekoei, baita 6 hilabete eta 5 urte bitarteko haurrei ere, osasun langile, adineko zaintzaile eta bizikideei, haurtzaindegietako langileei eta animaliekin harreman zuzena dutenei ere.
Gripearen aurkako 2025-2026 denboraldiko txertaketa kanpainan, Nafarroako Osasun Publikoaren eta Lan Osasunaren Institutuak lortu nahi du txertaketa 60 urtetik gorako biztanleen % 75era iristea, egoitzetan bizi direnei arreta berezia jarriz, eta haurdun dauden emakumeen eta 6 eta 59 hilabete arteko haurren kasuan, % 60k jar dezatela txertoa.
Covidaren kasuan, % 75eko estaldura lortu nahi du 70 urte edo gehiagoko pertsonen kasuan, eta % 60koa, haurdunenean.
Gizarteari buruzko albiste gehiago
Irunen desagertutako 17 urteko neska baten bila ari dira
Ertzaintzak igandean ekin zion adingabearen bilaketari, salaketa jaso eta gero. Frantziako tokiren batean egon daitekeela susmatzen dute. Informazioa izan dezakeen oro eurekin harremanetan jartzeko eskatu dute.
Tolosako Ospitalea 2031n zabalduko dute, eta bertan 3.600 ebakuntza egitea aurreikustan da urtean
Osasun Sailak gaur goizean eman ditu ospitale berriari buruzko xehetasunak, eskualdeko alkate, zinegotzi, sindikatu eta auzo-plataformen aurrean egindako agerraldian. Arratsaldean, proiektua herritarren aurrean aurkeztuko da.
Laguntza eskatu dute Panticosan hildako mendizale nafarraren txakurra aurkitzeko
Larunbatean irten zen mendizale gaztea ibilbide bat egitera bere bi txakurrekin. Erreskate taldeek mendizalearen eta animalietako baten gorpuak aurkitu zituzten Neveras mendiaren magalean. Bigarren zakurraren arrastorik ez dago.
Lau gazte atxilotu dituzte gerrikoaz eta beirazko botilaz kuadrilla bati eraso egiteagatik
Lekuko baten eta biktimaren beraren arabera, Gasteizko 'vending' makina batean erostera zihoazela eraso egin zieten.
Lottu deituko da EAEko aldiriko trenen zerbitzua
Hain zuzen ere, Mugikortasun Jasangarrirako Sailak sustatutako inkesta bi aste egon da martxan Irekia webgunean, eta parte hartu duten herritarren % 55ek baino gehiagok egin dute Lottu aukeraren alde, Lurbil (% 30,4) eta Besaide (% 14,4) izenen aurretik.
Euskal Herrian izan den arte lapurreta entzutetsuenetako bat: Aralarko San Migeleko erretaulua
Lapurreta handi eta entzutetsuak ez dira ohikoak Euskal Herrian, baina batek zalaparta handia sortu zuen: “Erik Belgiarra” izeneko lapurrak Aralarko San Migel santutegiko XII. mendeko erretaula ostu zuen 1979an. Hamabi urtez agertu barik egon ostean, santutegira itzuli zen.
Epai batek jaiotza eta zaintzagatiko baimen gehigarria aitortu die Bizkaiko Foru Aldundiko guraso bakarreko familiei
Epai batek berretsi du "lau aste gehigarriak hobekuntza konbentzional bat direla, oso-osorik aplikatu beharrekoa, eta ezin dela ezabatu edo murriztu, ondoren izandako lege-aldaketen arabera".
Segurtasun-botoiak jarri ditu Bizkaiko Aldundiak bere babespean dauden adingebeen pisuetan
Uztailean hezitzaileetako batek erasoa jasan ostean hartu zen erabakia. Gainera, langileen eta Aldundiaren arteko batzorde mistoa eratu da, epe ertain eta luzerako segurtasun-protokoloak lantzeko.
Sanchezek ordutegi-aldaketarekin behin betiko amaitzea proposatu dio EBri: "Gaur egun ez du zentzurik"
X sare sozialean zabaldutako bideo batean, Espainiako Gobernuko presidenteak azpimarratu du ordutegi-aldaketak oso gutxi laguntzen duela energia aurrezten, eta "eragin negatiboa" duela jendearen osasunean eta bizimoduan.