Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Guardia Zibila eta Esquadra Mossoak elkarrekin aritu dira operazio honetan. Argazkia: Europa Press
Nafarroako adingabe bat Lleidako bikote bati semearekin ezkontzera behartzeko ustez saldu izana ikertzen ari zen epaileak auzia behin-behinean artxibatzeko agindu du, neskak esan baitu bere borondatez joan dela Kataluniara.
Ikerketako iturrien esanetan, epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen testigantza gainerako zantzuak baino garrantzitsuagoa dela iritzita.
Guardia Zibilak larunbatean jakinarazi zuen guraso batzuk atxilotu dituztela Nafarroan, 14 urteko alaba 5.000 euro, bost botila whiski eta janariaren truke Lleidako senar-emazte batzuei saldu izana egotzita. Ustezko salerosketa alaba Lleidako bikotearen 20 urteko semearekin ezkontzera behartzeko egin zutela uste du Guardia Zibilak.
Guardia Zibilaren arabera, neskatoa urtarrilean "saldu" zuten, Nafarroako Erriberako herri batean. Gurasoek alaba Mollerussako (Lleida) familia bati eskaini ziotela uste dute, semearekin ezkontzeko.
"Salmenta" itxi ondoren, Kataluniara eraman zuten, Guardia Zibilaren hitzetan, eta "familia eroslearen kontrolpean egon da, ezkontza behartua gauzatzeko asmoz".
Aipatu iturrien esanetan, nerabea ez zegoen eskolatuta, eta eskean aritzera behartu dute, familia harentzat dirua biltzeko.
Urrian, Esquadra Mossoek Les Borges Blanques herrian aurkitu zuten neskatoa, merkataritza-gune batean eskean ari zela, eta senar-emazte batzuk atxilotu zituzten Mollerussan.
Behartutako ezkontza bat egiteko gizaki bat salerosi izana egotzi diete guztiei: Lleidako bikoteari, bikote horren 20 urteko semeari eta neskatoaren gurasoei.
Biktimaren gurasoak Tuterako guardiako epaitegiaren esku utzi dituzte, eta Katalunian atxilotutako hiru pertsonak Lleidako Lehen Auzialdiko eta Instrukzioko Epaitegiaren esku.
Hala ere, ikerketako iturriek adierazi dutenez, agerraldi judizialean adingabeak adierazi du bere borondatez eta gurasoen baimenarekin bizi zela Lleidan, eta ukatu egin du gurasoek bikotearen semearekin ezkontzera behartu izana.
Zure interesekoa izan daiteke
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitza tasatua da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestu bat eskuratzeko baremoen gainetik dago, baina merkatu libreko prezioen azpitik".
Normaltasuna berreskuratu dute Bi-30 errepidean, auto-istripu batek Avanzadan eta Txorierrin hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten den iruzurrarekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago iruzurra egitea babes ofizialeko etxebizitzak saltzean, eta ezkutuan erosleari gainbalio bat eskatzea. Babes ofizialeko etxeak espekulazioaren aurka egiteko sortu zirela defendatu du eta praktika horien aurka gogor egingo dutela jakinarazi du.
40 urteko gizon bat atxilotu dute bikotekideari eta Gasteizko taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.
Lukas Aguirre kasuko fiskalak esan du "hiltzeko asmoarekin" labankatu zutela gazte hernaniarra
22na urteko kartzela-zigorra eskatu du labankaden ustezko egile materialarentzat eta labana eman zion gizonarentzat. Gogorarazi du biktimak ez zuela ebakirik eskuetan, ezta "defentsa-zauririk" ere.
Maialen Mazonen senarra espetxean artatu zuen medikuak esan du ez zuela buru nahasmendu zantzurik
Azaldu duenez, atxilotu zuten delituaren ezaugarriengatik sartu zuten Jaime Roca auzipetua suzidioak prebenitzeko programan, ez bere buruaz beste egiteko arriskua zegoenik detektatu zutelako. Epaiketaren seigarren saioa hartu du gaur Arabako Lurralde Auzitegiak.