Lau lagun zauritu dira, eta bat larri dago, ihes egin nahian leihotik erorita, Barakaldon izandako sute batean
Lau gizon zauritu dira, eta horietako bat larri dago, gaur goizaldean Barakaldoko Carmen kaleko etxebizitza batean izandako sutean. Sua itzali dute, eta eraikineko hainbat bizilagun etxetik atera behar izan dituzte.
46 eta 60 urte bitarteko lau gizon zauritu dira, eta bat larri dago, Barakaldoko (Bizkaia) etxebizitza batean izandako sutean, Eusko Jaurlaritzako Segurtasun Sailak jakinarazi duenez. Sua itzalita dago.
05:50ak aldera hasi da, Barakaldoko Carmen kaleko eraikin bateko hirugarren solairuko etxebizitza batean. Suhiltzaileak, Ertzaintzaren eta Udaltzaingoaren patruilak eta osasun-zerbitzuak bertaratu dira.
48 urteko gizon bat, etxebizitzako bizilaguna, larri eraman dute Gurutzetako Ospitalera. Leihotik behera erori da, sugarretatik ihes egin nahian, Segurtasun Sailak azaldu duenez.
Etxebizitza barruan zeuden beste hiru gizon ere, 46, 48 eta 60 urtekoak, Barakaldoko osasun-zentroetara eraman behar izan dituzte; bat, Gurutzetako Ospitalera, eta beste biak, San Eloy Ospitalera.
Gainera, eraikineko zortzi bizilagun etxetik atera behar izan dira sua itzali ahal izateko, baina etxera itzuli dira honezkero.
Goizean zehar, Ertzaintzak begi-ikuskapena egingo du etxean, sutearen nondik norakoak argitzeko.
Lege-aholkularitza
Amaia del Campo Barakaldoko alkateak jakinarazi du kaltetutako etxebizitza ez dagoela inor bertan bizitzeko moduan, eta Udaleko langileek zigilatu egingo dutela, inor sartu ez dadin. Halaber, azaldu du suteak ez duela beste etxebizitzarik kaltetu.
Larrialdietako zerbitzuen lana "eskertu" ondoren, zaurituei elkartasuna adierazi die.
Udalak lege-aholkularitza eskainiko die zerbitzu hori behar duten bizilagunei.
Bizilagunen salaketa
Kaltetutako eraikineko bizilagunek salatu dute su hartu duen etxebizitzako maizterrekin "arazoak ohikoak" direla, "duela 20 urtetik". Azaldu dutenez, jabeak "orduka alokatzen du etxebizitza".
Eusko Jaurlaritzari eskatu diote egoera bideratu dezala.
Zure interesekoa izan daiteke
21 urteko mutil bat hil da Nafarroan, nitazenoa kontsumitu ondoren
2024ko abuztuan hil zen, eta Nafarroako Ospitale Unibertsitarioak orain egiaztatu du nitazenoek eragindako heriotza izan zela. Opioide sintetiko horri lotutako lehen heriotza da Euskal Herrian eta Estatu espainiarrean.
El Bocaleko pasaguneko ezbeharra gertatu aurretik, Poliziak 112ra deitzeko protokolorik zuen ala ez ikertzen ari da epailea
Agintariak, agenteak eta teknikariak deituko ditu deklaratzera, eta ikerketa-lerro bat abiatu du, materialen eta pasabidearen mantentze-lanen inguruan.
Erreskate ugari izan dira Aste Santuan euskal kostaldean
Jai egunak lausotzetik gertu izan diren egoerak bizi izan dira egunotan, eta erreskate ugari egin behar izan dira itsasoan, bai marearen igoerak ezustean harrapatu dituen pertsonenak, bai korronteek arrastan eramandako edo olatuek harrapatutako pertsonenak. Zorionez, ez da biktimarik izan.
25 eta 28 urteko bi gizon atxilotu dituzte Gasteizen, bikotekideari eta bikotekide ohiari eraso egitea egotzita
Gasteizko Udaltzaingoak pasa den ostegunean eta ostiralean egin zituen atxiloketak, astearte honetan jakitera eman duenez.
Martinezek esan du garrantzi handikoa dela ohitura osasungarriak izatea, osasunari eragiten dioten faktoreen % 50 baitira
Osasun sailburuak ariketa fisikoa egitera, elikadura zaintzera eta alkohol eta kalamu kontsumoa murriztera animatu ditu herritarrak, Osasunaren Nazioarteko Eguna dela eta.
Mugikorrak alboratu eta familiaz gozatzeko gonbita, apirilaren 18an, EAEko hiriburuetan
Eusko Jaurlaritzak antolatuta, Mugikorrik Gabeko Eguna Familian izango da Donostian, Bilbon eta Gasteizen. Familia inguruan teknologiaren erabilera kontzienteagoa sustatzea du helburu egitasmoak. “Ongizate emozionala zaintzeko eta senideekin egotearen balioa berreskuratzeko keinu txiki” gisa aurkeztu du Nerea Melgosa Ongizate, Gazteria eta Erronka Demografikoko sailburuak.
Bizkaitik Nafarroara droga eramaten zuen gaizkile sare bat desegin dute: lau lagun atxilotu eta 22 kilo speed atzeman dituzte
Ortuellako etxebizitza batetik Nafarroara banatzen zen, eta droga 76 urteko gizon batek garraiatzen zuen.
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.