Antxoa gazteak ugari dira Bizkaiko Golkoan eta batezbesteko historikoa bikoiztu dute
Aurten Juvena kanpainak estimatutako kopuruak —38.160 itsas milia karratuko azalera hartu du aztergai— udaberrian jaiotako ale gazteek bikain biziraun dutela utzi du agerian, eta larba- eta gazte-faseen garapenerako baldintza ozeanografiko eta ekoizgarri oso onuragarriak egon direla erakusten du.
Antxoa gaztea ugari da Bizkaiko Golkoan, eta batezbesteko historikoa bikoizten du. Emaitza horiek agerian uzten dute 2026ko kostaldeko denboraldian erreklutamendu ona izango dela, eta espeziea sasoian dagoela.
Hori baieztatzen dute Bizkaiko Golkoko antxoa populazio gaztearen ebaluazioa ondu duen Juvena 2025 kanpaina zientifikoak, Eusko Jaurlaritzako Arrantza Sailak bultzatu eta AZTI zentro teknologikoak koordinatua.
Kalkuluen arabera, ugaritasun-maila handia da, eta antxoa gazteen biomasa 544.781 tonakoa da. Zifra horrek azken hogei urteetako batezbesteko historikoa bikoizten du, eta igoera nabarmena da 2024an erregistratutako 255.344 tonekin alderatuta.
Aurten JUVENA kanpainak estimatutako kopuruak —38.160 itsas milia karratuko azalera hartu du aztergai— agerian jarri du udaberrian jaiotako ale gazteek bikain biziraun dutela, eta larba- eta gazte-faseak garatzeko baldintza ozeanografiko oso onuragarriak egon direla erakusten du.
"Antxoa europarra bizi-ziklo laburreko eta urtez urteko aldakortasun handiko espeziea da, eta Bizkaiko Golkoaren baldintza ozeanografikoen mende dago. Bi eta hiru urte arteko bizi-zikloa du, eta ugalketa faktore hauek mugatzen dute: uraren tenperatura, elikagai-eskuragarritasuna eta ozeano-korronteak, besteak beste. Horregatik alda daiteke (biomasa) horrenbeste urtetik urtera", azaldu du Rogelio Pozo AZTIren zuzendari nagusiak.
Aztertutako antxoa gazteen batez besteko luzera 6,3 zentimetrokoa izan da, seriearen batezbestekoaren azpitik; eta hori ohikoa da askok bizirauten duten urteetan.
Indize hori oinarri izango da harrapaketara bideratutako gomendioetarako eta 2026rako Harrapaketen Guztizko Onargarria kalkulatzeko.
Aurtengo kosteran euskal arrantzaleei esleitutako kuota 8,05 milioi kilokoa izan zen, baina ez ziren agortu, euskal flotak 7,2 milioi kilo arrantzatu baitzituen (kuotaren % 90); lonjako batez besteko prezioa 2,05 euro/kg izan zen, 2024koa baino handiagoa (1,5 €/ kg).
Zure interesekoa izan daiteke
Ertzaintzaren aurkako salaketa jarri dute, gizonezko bati barrabiletan lesio larria eragiteagatik Sestaon
Bingen Zupiria Segurtasun sailburuak Eusko Legebiltzarreko Segurtasun Batzordean agerraldia egitea eskatu du, gertatutakoaren inguruko azalpenak emateko.
ELAk salatu du irakasleak euskalduntzeko Irale programa bertan behera utziko duela Jaurlaritzak
Begoña Pedrosa Hezkuntza sailburuak zehaztu du programarekin jarraituko dela, baina egungo "behar berrietara" egokituta. Azpimarratu du azken urteotan sistema publikora batu diren irakasleek C1 maila dutela. "Datu horrek berak bakarrik hitz egiten du".
Bilboko erdigunetik Masustegi auzora eramaten duen igogailu berria martxan da
Bilboko erdigunetik Masustegi auzora eramaten duen igogailu berria martxan da. Aldapa handiak eta eskailera ugari diren honetan, aspaldian eskatua zen igogailua estreinatu berri da. 100 metroko igoeraren ostean herri txiki batean sartzen gara, nahiz eta hirian egoten jarraitu.
Tuterako Ospitaleko mediku egoiliar batek salatu du lankide batek sexu-erasoa egin diola
Azaldu du Larrialdialdietako zerbitzuan guardian zeudela gertatu zela erasoa, eta Osasun zentroak kasua artxibatu egin zuela, "probarik ez" zegoela argudiatuta.
Lekuko batek grabatutako irudiei esker atxilotu dituzte Berriozarreko kafetegi bateko lapurrak
Inguruan garbiketa lanetan ari zen pertsona batek bi pertsona ikusi zituen kafetegian lapurreta egin eta leihotik ateratzen. Aurre ere egin zien, baina lapurrek ihes egin zuten. Hala ere, grabatu zituen irudiak funtsezkoak izan dira ikerketa burutu eta lapurretaren ustezko egileak, aita-semeak, atxilotzeko.
Arabako ikasle nerabeen % 47,3k online pornografia kontsumitu dute noizbait
Gasteizko Udalak, Vital Fundazioak eta Euskal Herriko Unibertsitateko (EHU) PSIDES ikerketa-taldeak Arabako adingabeen online pornografiaren kontsumoari buruz egindako lan batek agerian utzi duenez, Arabako adingabeek pornografiarekin lehen harremana 12 urterekin izaten dute.
Gizon bat hil da Berriobeitiko rokodromo batean, lan-istripuz
51 urteko gizona altuera handitik erori da instalazio horietan lanean ari zela.
Egoera bere onera itzuli da N-1 errepidean Andoainen, Irunerako noranzkoan, istripu baten eta auto-ilara luzeen ondoren
10:00 inguruan istripua izan da kamioi baten, autobus baten eta hiru autoren artean, eta, zauriturik izan ez bada ere, errepidea erabat itxi behar izan dute eta auto-ilara luzeak sortu dira, 6 kilometrorainokoak.
Etxebarri erretegia, Macarfi gidako 'Top of the Tops' zerrendan
Gainera, Azurmendi eta Molino de Urdaniz Euskal Autonomia Erkidegoko eta Nafarroako jatetxe onenak izendatu dituzte. Gainera, urteko bigarren irekiera onenaren aitortza eman diote Itzuli jatetxeari.
Mancisidor: "Erakundearen hizkuntza politikak orain arteko estandar altuei eutsiko die"
"Hori da orain arte izan dudan konpromiso irmoa, eta aurrerantzean ere horri eustea espero dut", nabarmendu du Mikel Mancisidor Ararteko berriak, Eider Hurtadok Radio Euskadin egindako lehen elkarrizketan.