Erakundeen eta ordezkarien arteko errespetuaren alde egin du Bengoetxeak, Perez Iglesiasen Legebiltzarreko agerraldi "zakarraren" ostean
EHUko errektoreak Zientzia, Unibertsitate eta Berrikuntza sailburuari eskatu dio "deskalifikazio pertsonalak" albo batera uzteko eta unibertsitate publikoarekiko eta haren ordezkariekiko "errespetua" izateko.
Joxerramon Bengoetxea EHUko errektorea, artxiboko irudi batean. Argazkia: EFE
Unibertsitate publikoaren finantzazioaren harira, Joxerramon Bengoetxea EHUko errektorearen eta Juan Ignacio Perez Iglesias Unibertsitate sailburuaren artean sortutako polemika baretzetik urrun dagoela dirudi.
Atzo, Perez Iglesiasek Eusko Legebiltzarrean adierazitakoaren arabera, EHUko errektoreak unibertsitate publikoa "azpifinantziatuta" dagoela salatzeko emandako argudioak "egia-oste, falazia eta eufemismoetan" oinarrituta daude.
Biharamunean hedabideetara zabaldutako ohar batean, Bengoetxeak erantzun egin dio sailburuari. "Harrituta" agertu da Perez Iglesiasen agerraldi "zakarraren" aurrean eta unibertsitate publikoarekiko eta haien ordezkariekiko errespetua izan dezala eskatu dio.
Bengoetxea ezinbestekotzat jo du lankidetzaren bidea berrartzea eta "deskalifikazio pertsonalak" zein erakunde akademikoa kudeatzeko errektoretza-taldeak duen eskumenari buruzko balorazioak egitea saihestea.
Azaldu duenez, EHUren estrategia izan da "erakundearen egungo premiak modu egiaztatu eta gardenean azaltzea, une oro". 500 orrialdetik gorako txosten teknikoa dute oinarri premia horiek; txostena sailburuari berari eta bere taldeari eman zitzaion eskura azaroaren 14an Lakuan egindako bileran. Hain justu, unibertsitate publikoaren premien inguruan dauden desadostasunak bideratzeko asmoz egin zen bilera hura.
Hori dela eta, "bereziki harrigarria da", Bengoetxearen arabera, "elkarrizketa bidez harreman instituzionala bideratu eta gero, errektorea eta bere taldea deslegitimizatzea datu okerrak, manipulazioak eta egia-oste kutsuko baliabide erretorikoak erabiltzea egotzita".
Bestalde, "antzua" deritzo euskal unibertsitate publikoa demokratikoki ordezkatzen dutenen zintzotasuna eta konpromisoa ezbaian jartzea. Hori guztia dela eta, EHUko errektoretza-taldeak sailburuari eskatu dio unibertsitatearekiko, horren ordezkariekiko eta unibertsitate-komunitatearekiko behar bezalako errespetua izan dezala.
Zure interesekoa izan daiteke
Gizon bat atxilotu dute Iurretako paper fabrikan izandako sutean nahasita dagoelakoan
36 urteko gizona, enpresako langilea, atzo goizean atxilotu zuten kalteak egitea egotzita. Gaur eraman dute epailearen aurrera. Ikerketak irekita jarraitzen du.
Etxebizitza batetik erori den emakume baten heriotza ikertzen ari dira Iruñean
Gertakariak bart jazo dira, Sanduzelai auzoan. Udaltzaingoak gizon bat atxilotu du biktimarengandik urruntzeko zuen agindua urratzeagatik, eta ikerketa abiatu du erorketak eta urraketak zerikusirik duten argitzeko.
Basauriko hilketa matxistaren ustezko egilea espetxeratu dute, indarkeriaz egindako lapurreta bat egotzita
Bilboko Udaltzaingoak ostiral gauean atxilotu zuen, lapurtzeko asmoz bi gizon jotzea egotzita. Ordu batzuk lehenago, arratsaldean, beste pertsona batek haren kontrako salaketa jarri zuen, lesio larriak eragitea egotzita. Duela astebete pasatxo utzi zuen aske Bilboko Guardiako Epaitegiak.
Emakume baten gorpua aurkitu dute Zumaiako Itzurun hondartzan
Paseatzen ari zen pertsona batek aurkitu du hilotza, eta indarkeria zantzurik ez badu ere, Ertzaintzak ikerketa abiatu du gertatutakoa argitzeko.
Bi gizon atxilotu dituzte Tolosan pertsonen trafiko irregularra egotzita
Larunbat goizaldean, Ertzaintzaren patruila batek ibilgailu bat geldiarazi zuen, eta jabetu zen barruan sei pertsona zihoazela, bat maletategian. Gerora egiaztatu zutenez, bidaiariek dirua ordaindu zuten Irunera eta Parisera eramatearen truke. Gidaria eta maletategian zihoan gizasemea atxilotu, eta ertzain-etxera eraman zituzten, epailearen esku utzi aurretik egin beharreko izapideak betetzera.
Etxebizitza eraikin bat jendez hustu dute sute baten ondorioz, Ordizian
Elkarte baten tximiniak su hartu ostean, bizilagun batzuek etxetik kanpo igaro behar izan dute gaua. Inor ez da zauritu.
Primitivak hiru milioi eta erdi euro baino gehiago utzi ditu Bizkaian
Sariaren zenbatekoa bi zatik osatzen dute: 2.422.493,36 euro, kategoria bereziari dagozkionak, eta horiei 1.113.371,22 euro gehitu behar zaizkie, lehenengo kategoriakoak (sei asmatutakoak), aurreko zozketetan ez baitzegoen asmatzailerik kategoria horretan.
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.
Amaitu dira pilaketak N-1 errepidean, Andoain parean
Bi kamioik eta auto batek ezbeharra izan dute 15:15ean, Donostiarako bidean. Ibilgailu astunek guraizearena egin dute, eta bidea trabatzen geratu dira. Ilara luzeak sortu dira, baina 18:45erako konponduta zeuden arazoak, eta zirkulazioa ohikoa zen.