Azkenean ostegun gauean itxiko dute Biriatuko ordainlekua, A-63 errepideko obrak direla eta
Hasiera batean, gaur gauean itxi behar zuten, baina atzeratzea erabaki dute, iragarpen meteorologikoa dela eta. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Azkenean Biriatuko ordainlekua ostegun gauean egongo da itxita, bidea berritzeko A-63 errepidean lanak egin behar dituztela eta, Irun eta Donibane Lohizune artean. 21:00etan itxiko dute, eta ostiral goizeko 06:00etan zabalduko dute.
Hasiera batean, gaur gauean itxi behar zuten, baina iragarpen meteorologikoa dela eta, atzeratzea erabaki dute. Hala jakinarazi diote gaur arratsaldean Frantziako trafiko-arduradunek Eusko Jaurlaritzari.
Segurtasun Sailak adierazi duenez, AP-8tik Lapurdirako noranzkoan doazen autoak eta kamioiak Irunen atera beharko dira, N-121-A errepidetik Baionarako noranzkoa hartu, D810 errepidean sartu, eta, ondoren, A-63 errepidera iritsi ahal izango dira, Donibane Lohizunen.
Jaurlaritzak unean-unean emango du gorabehera horren berri, Trafikoa Kudeatzeko Euskadiko Zentroak koordinatzen dituen informazio panelen bitartez, bai eta trafikoa.euskadi.eus webgunearen, sare sozialen eta 011 telefonoaren bidez (24 orduko arreta) ere.
Zure interesekoa izan daiteke
Arrigorriagako Udalak ziurtatu du etxegabetu nahi duten familia ez dela "babesik gabe" geratuko
Bilboko Udaltzaingoak ohartarazi du "erne eta Ertzaintzarekin elkarlanean" dabilela Blocusen deialdiei erantzuteko
Makinisten sindikatuak: "Segurtasun-sistema batek huts egin zuen, eta berriro ere egoera degradatu batean lan egitera behartu zituzten langileak"
Bilbo eta Leioa lotuko dituen Itsasadarraren Bulebarra azaroan irekiko da
Fatima Bañez espainiar ministro ohia Toledoko istripuan hildako biktimetako bat da
Gizon bat atxilotu dute Getxon adingabeen sexu askatasunaren aurkako delitu bat egotzita
Tren Istripuen Ikerketa Batzordeak neurriak eskatu zituen 2024an, giza akatsak prebenitzeko
Osakidetzak programa bat bultzatu du iktusa izan dutenek ariketa fisikoa egiteko
Garcia-Pagek dio ez dutela espero hilotz gehiago aurkitzea tren-istripua gertatu zen lekuan
