Legebiltzarrak Jaurlaritzari eskatu dio federazioekin lan egin dezala kirolarientzat “aseguru onuragarriagoak” aurkitzeko
PPk aseguruen kontrataziorako plataforma bat sortzea proposatu du. EH Bilduk, berriz, kiroleko osasun-arreta Osakidetzaren ardura izan dadila eskatu du. Bi proposamenak atzera bota dituzte.
Belar gaineko hockeya.
Gasteizko Legebiltzarrak EAJk eta eta PSE-EEk aurkeztutako zuzenketa bat onartu du eta Eusko Jaurlaritzari eskatu dio, Euskadiko kirol-federazioekin "ahaleginak batu eta kudeaketa partekatuz", baldintza onuragarriagoak dituzten aseguru-polizak lortzeko neurriak sustatu ditzala.
Eusko Legebiltzarreko Kultura, Euskara eta Kirol Batzordean eztabaidatu da gai hau Alderdi Popularrak eskatuta eta bertan onartu da zuzenketa.
Hain zuzen ere, PPk beste proposamen bat egin du, baina ez da onartu. Proposamen horretan Gobernuari eskatzen zion neurriak har zitzala aseguruen kontratazio bateratua egiteko plataforma bat sortzeko.
EH Bilduk egin duen zuzenketa ere atzera bota batzordeko legebiltzarkideek. Kasu honetan, Eusko Jaurlaritzari eskatzen zitzaion "istripu bat gertatuz gero, Osakidetzak bere gain hartzea kirol federatuaren, eskolaren eta unibertsitate arlokoaren osasun-laguntza". Horrez gainera, osasun sistema publikotik kanpo geratzen diren asistentziak ziurtatzeko, "beharrezko asegurua hiru aldundiekin eta federazioekin lankidetzan kontratatzeko" aukera aztertzeko eskatzen zion Jaurlaritzari "erantzukizun zibileko aseguruari arreta berezia jarrita".
Azkenik, EAJren eta PSEren zuzenketa izan da onartu dena eta Jaurlaritzari eskatu zaio "Euskal Kirol Federazioen Batasunaren barruan, federazio bakoitzaren autonomia eta jarduteko gaitasuna errespetatuz, neurriak bilatzea baldintza onuragarriagoak dituzten aseguru-polizak lortzeko, ahaleginak batuz eta kudeaketa partekatuz".
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.