Fiskaltzak 34 urteko zigorra eskatu du Pasaian bikotekide ohia tiroz hiltzea egotzi dioten gizonarentzat
Hilketa matxista 2024ko azaroaren 30ean gertatu zen eta gizonezkoa behin-behineko espetxealdian dago. 2026an zinpeko epaimahai batek epaituko du.
Elkarretaratzea Pasaian, emakumearen hilketa salatzeko. Argazkia: EFE
Fiskaltzak 34 urteko kartzela-zigorra eskatu du gizon batentzat, Pasaian bikotekide ohia buruan tiro eginda hiltzea egotzita. 2024ko azaroaren 30ean gertatu zen krimen matxista, eta ordutik behin-behineko espetxealdian dago gizona. 2026an epaituko du zinpeko epaimahai batek.
Ministerio Publikoaren behin-behineko akusazioaren idazkiak jasotzen duenez, gertakariak 15:00ak aldera jazo ziren, ustezko hiltzailea biktimaren etxera joan zenean, eta eskailera-buruan zain geratu zen, pistola batekin, neska-lagun ohiaren pisukidea iritsi zen arte.
Emakumea etxebizitzara sartzera zihoanean, gizonak arma bizkarrean jarri eta atea irekitzeko eskatu zion.
Biktima etxe barruan zegoela, gizonak pistolarekin apuntatu zituen bi emakumeak, sofan esertzeko agindu zien eta, beste adierazpen eta gaitzespen batzuen artean, hiltzeko mehatxua egin zion bikotekide ohiari.
Jarraian, ustez pistolaren kulatarekin sudurrean kolpe bat eman zion, izter batean tiro egin zion, arma bala gehiagorekin kargatu zuen berriro bi emakumeak apuntatzeko, eta bikotekide ohiari heriotza-mehatxuak berretsi zizkion.
Fiskaltzaren testuak argitzen duenez, une horretan haren alaba sartu zen etxebizitzan. Akusatua azkar oldartu zitzaion, atea ixteko agindu zion, beso batetik heldu zion eta sofan esertzeko eskatu zion, beste bi emakumeekin batera.
Jarraian, guztiek bakean uzteko egindako eskaerei jaramonik egin gabe, neska-lagun ohiari aurpegira tiro egin zion, hain "bat-batean eta ustekabean", ezen honek ez baitzuen "defendatzeko aukerarik izan".
Zure interesekoa izan daiteke
Manifestazioa deitu dute arratsalderako Berrizen, asteleheneko eraso matxista larria salatzeko
48 urteko gizonezkoa emaztea hiltzen saiatu zen Berrizen, eta emakumea helikopteroz eraman zuten Gurutzetako Ospitalera. Atxilotuak polizia-etxean jarraitzen du, epailearen aurrean deklaratzeko zain. Bestalde, Berangoko Udalak deituta, elkarretaratzea egingo dute arratsaldean Amaiaren hilketa salatzeko. Apirilaren 1ean bikotekideak hil omen zuen, Basaurin, baina berangoztarra zen.
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko astelehenak
Ezohiko itxura hartu du Pazko astelehenak. Eguraldi beroak hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute, Berrizen, emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.