Bi atxilotu Andoainen lapurtzera sartu ziren etxe bateko jabea itotzen saiatzeagatik
Bi biktimak esnatu egin ziren etxeko atea behin eta berriz jotzen ari zirela ikustean, eta atea irekitzean, beltzez jantzitako ezezagun bat gainera etorri zitzaien.
Ertzaintzako agenteek bi gizon atxilotu dituzte, Andoaingo landa-etxebizitza batean lapurreta egiten saiatzea eta etxean bizi den bikoteari eraso egitea leporatuta; izan ere, erasotzaileetako bat maizterra lanpara baten kablearekin itotzen saiatu zen.
Eusko Jaurlaritzako Segurtasun Sailak jakitera eman duenez, ostegunean, 20:00ak aldera, izan zen gertakaria. Une horretan bi biktimak esnatu egin ziren, behin eta berriz etxeko atea jotzen zutela ikusita.
Bizilagunen baten premia izan zitekeela pentsatu zuen gizonak, eta, ireki zuenean, beltzez jantzitako ezezagun bat ikusi zuen. Ezezagun hori gainera etorri zitzaion eta lurrera erorarazi zuen. Aldi berean, borroka hasi zen, eta lapurrak jo egin zuen eta lanpara baten kableaz itotzen saiatu zen.
Gertatzen ari zenaz ohartzean, emakumea bere bikotekideari lagundu zion eta ezezagunari makulu batekin behin eta berriz kolpeak ematen hasi zitzaion. Une horretan, beste pertsona bat etxean indarrez sartu zen eta erasotzaileari laguntzen saiatu zen, baina, emakumea telefonoz gertakariaren berri ematen ari zela ikusita, etxebizitzatik alde egin zuen.
Bere aldetik, lehen erasotzaileak etxeko bi bizilagunak jipoitzen jarraitu zuen, baina haiek geldiaraztea lortu zuten, polizia patruila bat etxera iritsi zen arte.
Agenteek erasotzailea atxilotu zuten. Biktimek hainbat kolpe eta zauri zituztela eta osasun laguntza behar zutela ikusi zuten.
Aldi berean, Udaltzaingoko talde batek eta Ertzaintzako beste batek ihes egindako bigarren susmagarriarekin egin zuten topo, eta hura ere atxilotu zuten.
Atxilotuak, 24 eta 25 urtekoak, Ertzaintzaren egoitzara eraman zituzten, indarkeriaz egindako lapurreta delitua leporatuta, beharrezko eginbide polizialak egiteko eta, behin amaituta, epailearen esku uzteko.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.