Gasteizko bi udaltzain zigortu dituzte, adin txikiko bat atxikitzeko indar "neurrigabea" erabiltzeagatik
Gertakariak 2023ko martxoan izan ziren, Zabalgana auzoan, debekatutako eremu batean patinete elektrikoan zihoan gazte bat geldiarazi zutenean agenteek.
Arabako Probintzia Auzitegiak Gasteizko bi udaltzain zigortu ditu, 16 urteko mutil bati lesio delituak egitea egotzita. Epaileak frogatutzat eman du agenteek neurrigabeko indarkeria erabili zutela, patinete elektrikoan zihoan adin txikiko mutil bat atxikitzeko. 1.800na euroko isuna eta bien artean 4.380 euroko kalte-ordaina ordaindu beharko dituzte.
2023ko martxoan izan ziren gertakariak, Zabalgana auzoan. Debekatutako eremu batean patinete elektrikoan zihoan adingabea, "abiadura handian", eta motoan zihoazen bi udaltzainek gelditzeko eskatu zioten. Autoaren arabera, gazteak ez zuen jaramonik egin, eta ihes egiten saiatu zen. Patinetea manipulatuta zegoen, eta orduko 41 kilometroko abiadura harrapatu zezakeen.
Hainbat minuturen ondoren, gaztea geldiaraztea lortu zuten, epailearen hitzetan, "neurrigabeko indarkeria" erabilita. Lurrera bota eta esku burdinak jartzerakoan, gehiegizko presioa egin zutela dio autoak.
Halaber, sententzian jasota geratu da ez dela frogatu agenteek gaztea harrapatzea lortu zutenean, hura ihes egiten saiatu zenik, ez eta agenteei eraso egin zienik ere. Gazteari, besteak beste, sudurra hautsi zioten.
Epaia ez da behin betikoa eta apelazio helegitea jartzeko aukera dago EAEko Justizia Auzitegi Nagusian.
Salaketa
Gasteizko bi udaltzain salatu dituzte 16 urteko Aimar gaztea jipoitu izana egotzita
Zure interesekoa izan daiteke
Pertsona bat hil da Donostiako Kursaal zubiaren inguruan, ibaira erorita
Adineko gizon bat da goizean itsasora jausi eta hil dena. Kursaaleko zubia eta Ramon Maria Lili kalea lotzen dituen lekutik erori da, hain zuzen ere.
Larrialdi zerbitzuak itsasora erori den pertsona baten bila ari dira Donostian
Segurtasun Sailak esan duenez, lekuko batek jakinarazi du pertsona bat itsasora erori dela Zurriolako kai-muturrean, haize zakarra eta olatu handiak dauden lekuan. Suhiltzaileak, anbulantzia bat eta Ertzaintzaren eta udaltzaingoaren patruilak bertan daude.
Ozeanoen tenperaturak marka guztiak hautsi zituen 2025ean
Berotze ozeanikoa ez da uniformea, eta honako hauek dira gunerik beroenak: ozeano tropikala eta Hego Atlantikoa, Ipar Ozeano Barea eta Ozeano Australa, mundu osoko 31 erakundek eta 50 zientzialarik baino gehiagok egindako ikerketa baten arabera.
Venezuelak aske utzi dituen bi bilbotarrak "nahiko ondo" daude, Eusko Jaurlaritzaren arabera
Radio Euskadin egindako adierazpenetan, Jaurlaritzako Kanpo Harremanetarako idazkariak salatu du atxilotuta egon diren 15 hilabeteetan ez dituztela haien eskubideak errespetatu, eta egoera "benetan larria" pairatu dutela.
Gasteizen kalean bizi diren Maliko asilo eskatzaileak Jaurlaritzak kudeatzen dituen zentroetara eraman dituzte
Gasteizko kaleetan bizi diren Maliko 30 bat errefuxiatu Eusko Jaurlaritzako hainbat zentrotara eraman dituzte aldi baterako. Nerea Melgosa Ongizate, Gazteria eta Erronka Demografikoko sailburuak Espainiako Gobernuari eskatu dio, bere "betebeharrak" betetzeko eta Maliko asilo eskatzaileen egoera administratiboa bideratzeko.
Helduak doan euskaldundu daitezen "urrats eraginkorrak" eskatu ditu Kontseiluak Nafarroako Parlamentuan
Euskaltegiekin batera landu duten 'Euskara ezagutzeko beharra helduengan sustatzeko proposamena' proposamena aurkeztu du eta helduen “euskalduntze eta alfabetatze masiboa” defendatu du, euskararen erabilera handitzeko ezinbesteko baldintza dela uste baitu.
Eskola kiroleko jarduerak bertan behera asteburuan Gipuzkoan, denboraleagatik
Kirol Departamentuak prebentzio-neurriak aktibatu ditu ostiral honetarako, denboraleak eragin ditzakeen edozein egoeraren aurrean haur eta gazteen segurtasuna uneoro bermatzeko.
Xabier Anduagak San Sebastian martxa elkarrekin abesteko deia egin du bandera igoeran
Aurten Urrezko Danborra jasoko duen Xabier Anduaga tenor gazteak San Sebastian martxa abestuko du Konstituzio plazako oholtzan, Donostiako Orfeoiarekin batera. "Mundu guztiak nirekin abestea nahi dut, ez dut inor ni entzuten egotea nahi, baizik eta mundu guztiak gozatzea", nabarmendu du Anduagak.
"Arrazoizko tarte batean" ez da isunik jarriko V-16 baliza ez erabiltzeagatik
Espainiako Gobernuko Barne ministroaren hitzetan, bidaiarien "bizitzak salbatzea" da neurri berriaren helburua, eta ez gidariak "zigortzea eta dirua biltzea". Horregatik, egokitzeko denbora emango dutela jakinarazi du.