Adin txikiko bat atxilotu du Ertzaintzak Agurainen, jihadismo erradikalean murgildu delakoan
EITBk jakin duenez, gaztea, Aguraingo institutuko ikaslea, aurpegia estalita eta motxila batekin ibili zen ikastetxearen inguruetan. Haren jarrerak zentroko langileen susmoak piztu zituen, eta Ertzaintzari deitu zioten. Gaur gaztearen etxebizitza miatu du Poliziak.
Ertzaintzak 16 urteko mutil bat atxilotu zuen astelehen arratsaldean Agurainen (Araba), jihadismo erradikalarekin lotura duelakoan.
Jaurlaritzako Segurtasun Sailak ohar motz bat argitaratu du haren webgunean, atxiloketaren berri emateko. Atxiloketaren arrazoia jihadismoan erredikalizatuta egotea dela aipatzen du bertan.
EITBk jakin duenez, gaztea Aguraingo Aniturri ikastetxearen inguruetan ibili izan zen, burua estalita eta motxila bat hartuta. Bere jarrerak institutuko langileen susmoak piztu zituen eta, ondorioz, Ertzaintzari deitzea erabaki zuten.
Gaztea atzeman eta motxila zabaldu zutenean, arma zuriak eta pistola simulatu bat aurkitu zituzten Ertzaintzako agenteek. Ikastetxearen inguruko iturriek EITBri adierazi diote urduritasun-uneak bizi izan zirela.
Asteartean, gaztearen etxea miatzen jardun du Poliziak Agurainen. Herriko Kale Nagusia Poliziaren ibilgailuz beteta egon da hainbat orduz. Atxilotuaren familiak urteak zeramatzan Arabako herri honetan bizitzen. Herritar batzuek EITBri jakinarazi diote gazteak itxura aldaketa nabarmena izan duela azken asteetan; bizarra utzi eta arropa ilunak janzten hasi zen.
Kasua sumariopean dago, eta arlo horretan eskumena duen Auzitegi Nazionala ari da horren instrukzioa egiten. Ertzaintza eta Polizia Nazionala elkarrekin ari dira ikerketa-lana burutzen. Ikerketaren jakitun diren iturrien arabera, Polizia Nazionala gaztearen arrastoa jarraitzen ari zen.
Zure interesekoa izan daiteke
A-1 autobidea itxi dute dute Olaztin, Irungo noranzkoan, kamioi batek izandako istripuaren ondorioz
Kamioia bidetik atera da, eta zama errepidean zabalduta geratu da. Ezbeharra 395. kilometroan gertatu da, Irungo noranzkoan. Trafiko-zirkulazioa NA-2410 bigarren mailako errepidetik bideratu du, Ziordiako irteeratik. Gainera, hainbat kilometroko auto-ilarak daude autobia horretan bertan, Villabona parean, beste istripu baten ondorioz.
Irauregi eta Karrantza arteko tren-zirkulazioa eten dute, arazo tekniko batengatik
Intzidentziak Santander-Bilbo zabalera metrikoko lineari eragiten dio, eta errepide bidezko garraio alternatiboa jarri dute.
Ehunka lagunek salatu dute Muskiz eta Abantoko herritarrak "hiltzen" ari dela Petronor
Bizkaiko bi herri horietako bizilagunak kalera atera dira ostegunean izandako bentzeno ihesaren aurka protesta egiteko. Salatu dutenez, agintariek "berandu" hartu zituzten prebentzio neurriak, bentzeno maila altuak goizean atzeman zituzten arren. Jaurlaritzari neurriak eskatu dizkiote, halakorik berriro gerta ez dadin.
Sei pertsona zauritu dira BI-636 errepidean, Zallan, izandako auto istripuan
Bolunburuko tuneletik gertu jazo da istripua, Kadaguako korridorean, eta zirkulazioa eten dute larrialdietarako zerbitzuak inguruan lanean ari ziren bitartean. Dena dela, 13:35 aldera ireki dute berriro.
Gizon bat atxilotu dute Bilbon, gaueko aisialdirako lokal batean edalontzi batekin gizon bat larri zauritzeagatik
Biktima ospitalera eraman behar izan zuten, masailalbo-hezurrean eta begi batean zauriak zituelako, eta atxilotua epailearen esku uzteko zain dago.
Tolosako Ospitalea 2031rako egongo da eraikita
Erietxea eraikitzeko proiektua esleitu du Jaurlaritzak, 107,6 milioiko inbertsioarekin. Ospitalea udalerriko sarreran kokatuko da, ia 8.500 metro koadroko lursail batean. Ospitalizazioko 90 ohe izango ditu eta 380 profesionalek jardungo dute bertan.
Martxoak 3 elkarteak "Espainiako Erresumak 1976ko gertakariengatik duen erantzukizuna onartzea" eskatu du
Biktimen elkarteak omenaldia egin die "martxoaren 3ko garra bizirik mantendu dutenei".
Gizon bat atxilotu dute Cadizen emaztea hiltzea leporatuta
Emakumearen gorpua haren etxean aurkitu zuten, Puerto de Santa Marian.
Sute batek palet biltegi bat kiskali du Galdakaon
Ostiral gauean piztu den sute batek palet biltegi bat kiskali du Galdakaon, Artola auzoan. 23:30 aldera piztu da sua, eta suhiltzaileek ordu eta erdi behar izan dute sua itzaltzeko. Ez da inor zauritu.
Sei pertsona zauritu dira Galdakaon, taberna bateko sabai faltsua erorita
Gertaera 19:15ak aldera izan da, Agirre Lehendakariaren kaleko taberna batean.