Zer dakigu Kordoban istripua izan duen Iryo tren-konpainiari buruz?
Iryo konpainia italiar-espainiarra abiadura handiko tren-operadore pribatu handiena da eta 2022ko azaroan hasi zuen jarduna Espainian. Astean 400 zerbitzu baino gehiago eskaintzen ditu, hiru korridore handitan banatuta: ipar-ekialdea (Madril-Zaragoza-Bartzelona-Tarragona.), hegoaldeko korridorea (Madril-Kordoba-Sevilla/Malaga) eta Levanteko korridorea (Madril-Cuenca-Valentzia/Alacant/Albacete/Murtzia).
Iryoren bulegoa, Atochan, Madrilen. Argazkia: EFE.
Igande honetan Adamuzen (Kordoba) errailetik atera den trena, Iryo 6189, Iryo konpainia italiar-espainiarrarena da. Europar Batasunak trenbidea liberalizatzeko bultzatutako prozesuaren ondorioz Renferen monopolioari amaiera eman zitzaionetik, abiadura handiko operadore pribaturik handiena bihurtu da Espainian.
Iryoren kapitala Trenitalia (% 51), Air Nostrum (% 25) eta Globalvia (% 24) konpainien artean banatzen da, eta 2022ko azaroaren 25ean hasi zen lanean Espainiako Estatuan, Madril eta Bartzelona arteko ibilbidearekin. Harrezkero, bidaiarien kuotaren araberako Espainiako merkatuko bigarren operadore gisa finkatu da.
Gaur egun, Iryo hamaika helmuga ditu Espainian, eta 400 zerbitzu baino gehiago ematen ditu astero, hiru korridore handitan banatuta: ipar-ekialdean (Madril-Zaragoza-Bartzelona-Tarragona), hegoaldeko korridorean (Madril-Kordoba-Sevilla/Malaga) eta Levanteko korridorean (Madril-Cuenca-Valentzia/Alacant/Albacete/Murtzia). Operadorearen flota osatzen dute 20 ETR 1000 (Frecciarossa 1000) trenek, Hitachik eta Alstomek fabrikatuak eta 360 km/h-ko abiadurara iristeko gai direnak.
2025 urtearen amaieran emandako behin-behineko zifren arabera, Espainian lanean hasi zenetik 18 milio txartel baino gehiago saldu ditu; merkatu kuota % 25-% 30koa da Renferekin eta Ouigorekin zuzenean lehiatzen den korridoreetan.
Adamuzeko istripua da enpresa horrekin lotutako lehen gertakari larria; izan ere, lehen hiru urteetako segurtasun historialean ez da gertakari larririk ageri.
Zure interesekoa izan daiteke
Behin-behineko espetxealdia ezarri diote adingabeen sexu-askatasunaren aurkako delituak egotzita atxilotutako Romo FCko entrenatzaileari
Ertzaintzak Bilboko diskoteka bat itxi du, segurtasun "gabeziak" atzeman ostean
Blocus mugimenduarekin lotutako hamar bat lagun atxilotu dituzte Valentzian, Bilbon eta Malagan
Delitu kopuruak % 1,2 egin du behera Araban, Bizkaian eta Gipuzkoan irailera bitartean
Bilboko eta Donostiako dendak egurrezko panelekin babestu dira Blocus taldeak iragarritako istiluen aurrean
Nafarroan modu irregularrean bildutako 88 kilo perretxiko konfiskatu dituzte
Emakume bat etxegabetu dute Arrigorriagan, adingabeko alabarekin batera, bertan bizitzen 21 urte eman ostean
Gau Beltza: Euskal Herriko gau ilunenaren pertsonaiak eta elementuak
Patinete elektrikoak EAEko garraio publikoan sartu ahal izango dira
