Makinisten sindikatuak bibrazioak antzeman zituen trenbidean, baina segurtasunean eraginik ez zutela esan dute
Ikerketa independenteak eskatu ditu sindikatuak, eta Adamuzeko ezbeharraren ondoren makinistek izandako jokabide “eredugarria” defendatu du.
Semaf makinisten sindikatuak astearte honetan azaldu duenez, trenbidearen azpiegituraren mantentze-lanen protokoloa berrikustea eskatu zuen bidaiarien erosotasunagatik eta trenei eragiten zien kalteagatik, baina ez segurtasun ezaren zantzuak zeudelako.
Sindikatuaren idazkari nagusi Diego Martinek Onda Cero irratian egindako elkarrizketa batean adierazi duenez, Semafek gutun bat bidali zien tren-azpiegituraren arduradunei, 2025eko abuztuan, lineetan "irregulartasunak" eta "bibrazioak" areagotu zirela egiaztatu ondoren, zerbitzua liberalizatu eta operadore berriak sartu ondoren trenbideak gehiago erabili zirelako.
Martinek azpimarratu duenez, sindikatuak ez zuen arriskutsutzat jotzen bidea. “Segurtasun ezaren zantzurik txikiena egon izan balitz, zerbitzua geldiaraziko genukeen”, esan du.
Ezbeharraren arrazoien inguruan hipotesirik zabaldu gabe, ikerketak autonomiaz eta independentziaz egin daitezela eskatu du.
Era berean, Iryoko trenaren makinisten jokabidea defendatu du, eta “eredugarritzat” jo ditu, larrialdiko balaztatzea aktibatu baitute, protokoloari jarraituz. "Harrapaketa bat izan daiteke, katenariaren krokadura bat ere... Edozer. Protokoloek markatzen dutena egin zuten, eta modu eredugarrian jokatu zuten. Arazoa da ez zutela inoiz horrela amaitzea espero. Guztia segundo gutxitan gertatu zen", gaineratu du.
Zure interesekoa izan daiteke
Behin-behineko espetxealdia ezarri diote adingabeen sexu-askatasunaren aurkako delituak egotzita atxilotutako Romo FCko entrenatzaileari
Ertzaintzak Bilboko diskoteka bat itxi du, segurtasun "gabeziak" atzeman ostean
Blocus mugimenduarekin lotutako hamar bat lagun atxilotu dituzte Valentzian, Bilbon eta Malagan
Delitu kopuruak % 1,2 egin du behera Araban, Bizkaian eta Gipuzkoan irailera bitartean
Bilboko eta Donostiako dendak egurrezko panelekin babestu dira Blocus taldeak iragarritako istiluen aurrean
Nafarroan modu irregularrean bildutako 88 kilo perretxiko konfiskatu dituzte
Emakume bat etxegabetu dute Arrigorriagan, adingabeko alabarekin batera, bertan bizitzen 21 urte eman ostean
Gau Beltza: Euskal Herriko gau ilunenaren pertsonaiak eta elementuak
Patinete elektrikoak EAEko garraio publikoan sartu ahal izango dira
