260 pertsonak dute Kawasaki gaixotasuna EAEn, gehienak 5 urtetik beherakoak
Gaitzak odol-hodi txiki eta ertainak hantzea eragiten du, eta haurtzaroan garatzen da nagusiki. Ez da oso ohikoa, baina larria izan daiteke; izan ere, garaiz diagnostikatzen eta tratatzen ez bada, bihotzeko ondorioak eragin ditzake.
Kawasaki gaixotasuna duten 260 pertsona artatzen ditu egun Osakidetzak. Gaitz horrek, batez ere, 5 urtetik beherakoei eragiten die (213 kasu), eta ez da oso ohikoa, baina larria izan daiteke; izan ere, goiz diagnostikatzen eta tratatzen ez bada, bihotzeko ondorioak eragin ditzake.
Gaur Kawasaki Gaitzaren Nazioarteko Eguna dela eta, garaiz atzematearen garrantzia azpimarratu dute Osasun Sailak eta Osakidetzak, gaixotasunaren lehen 10 egunetan tratamendua hastea funtsezkoa baita, horrela konplikazio koronarioak izateko arriskua % 20tik % 5era murrizten baita.
Gaixotasunak —larruazaleko gongoil linfatikoen sindrome ere deitzen zaio— odol-hodi txiki eta ertainen hantura orokorra eragiten du. Haurtzaroan agertzen da nagusiki, eta arteria koronarioei eragiten die. Haurtzaroan hartutako kardiopatiaren arrazoi nagusia da.
Diagnostikoa egiteko irizpide nagusia sukar akutua luzaroan edukitzea da (gutxienez 5 egun), eta, horrekin batera, azal eta mukosei eragiten die, eta begiak gorritzea, larruazalean erupzioak sortzea, mugurdi-itxurako mihia izatea eta ezpainak pitzatzea eragin dezake, bai eta ganglio zerbikalak handitzea eta esku-oinak gorritu eta handitzea.
Osakidetzak 18 kasu detektatu zituen iaz (1 Araban, 11 Bizkaian eta 6 Gipuzkoan), horietatik 12 gizonak ziren, eta 6, emakumeak. Diagnostikatu gehienak adingabeak ziren. Guztira, 260 pertsona daude diagnostikatuta Euskadin. % 55 gizonak dira, eta gehienak (213) adingabeak.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.