Puentek dio Adamuzen hautsi zen erraila berria zela, eta argitzeko dagoela soldadura hautsi ote zen
Era berean, ez da baztertzen gurpiletan "akatsa" izatea, nahiz eta CIAFek, oraingoz, errailaren hausturaren aukera lehenetsi.
Puente. Argazkia: EFE
Oscar Puente Espainiako Garraio ministroak adierazi duenez, Adamuzeko (Kordoba) tren istripua gertatu zen trenbideko errail berri bat apurtu zen, "soldaduraren alboan", eta hausturaren arrazoia aztertu beharko dutela gaineratu du.
Puentek TVE1en egindako elkarrizketa batean adierazi duenez, "soldaduraren ondoan hautsi izana normala da, ez du esan nahi soldadura hautsi denik", baina aztertu egin beharko da.
Duela astebete errailetik atera eta Alvia batekin talka egin zuen Iryo trenaren istripuaz hitz egin du Puentek. Bere esanetan, "badirudi (erraila) bihurritu dela", baina oraindik ez dute zehaztu istripua horren ondorioz gertatu zen ala erraila istripuaren ondorioz apurtu zen.
CIAFen ikerketa
Tren Istripuen Ikerketa Batzordea (CIAF) ikertzen ari da ezbeharra, eta argitu nahi du zergatik atera ote zen errailetik zuzengune batean, abiadura muga gainditu gabe.
Puentek berretsi duenez, hainbat hipotesi daude mahai gainean, eta ez du baztertu gurpilen huts-egitea izatea.
CIAFek, hala ere, uste du trenbidea hautsi zela, aurreko bagoietan eta aurretik igarotako trenetan aurkitutako markak aintzat hartuta.
Erraila "behar bezala identifikatuta" dago, "berria da, 2023an ekoitzia", 2024an hornitua eta 2025eko maiatzean eta ekainean instalatua, jakinarazi du ministroak.
Era berean, dagozkion ikuskatzeak egin zaizkiola azpimarratu du.
Nornahi izan horren erantzule
Ministroak ukatu egin du informazioa ezkutatu izana —PPk hori leporatzen dio—, eta, eskatzen erantzukizunei dagokienez, ohartarazi du erantzuleak bere gain hartuko duela ardura, eta bera bada "erantzunkizunen bat duena", hala egingo duela.
"Nik ez dut inoiz gezurrik esan", esan du. Gainera, esan du berdin diola arazoa "trenarena, trenbidearena edo katenariarena izan", "zer gertatu den" jakin nahi duela, berriro gerta ez dadin: "Hori da axola zaidan gauza bakarra".
Baten batek ez badu ondo jokatu, ordain dezala
Ildo horretan, argi utzi nahi izan du baten batek ondo jokatu ez badu "ordaindu" egin beharko duela. "Norbaiten ekintzek edo ekintza ezak gertakari horiek eragitea ekarri badu, edo horien ondorioak larriagotzea ekarri badu, erori behar dena eror dadila", ohartarazi du.
Zure interesekoa izan daiteke
EAEko Justizia Auzitegi Nagusiak euskara-eskakizuna baliogabetu du Donostiako Udaleko bi teknikari lanpostutarako
Euskal Autonomia Erkidegoko Auzitegi Nagusiaren arabera, deitutako plaza guztietan edo ia guztietan hizkuntza-eskakizunak ezartzeak "ez ditu bateragarri egiten erabiltzaileen arreta eta euskararen erabilera, eta hizkuntza ez jakin arren enplegu publikora sartzeko izangaiek duten eskubidea".
EAEko udalekuak gainbegiratzeko hiru ikuskatzaile kontratatuko dituzte
Eusko Jaurlaritzak ikuskatzaile talde espezifiko bat sortuko du eta oraingoz hiru kide izango ditu, bana Araban, Bizkaian eta Gipuzkoan.
Mendiko Eskolako ikasleak ostiralean itzuliko dira eskolara, haize bortitzak teilatua bota ostean
Denboralearen ondorioz, Mendiko Eskolako (Amurrio) eraikin nagusiko teilatuaren zati bat erori zen. Zorionez, ez zen zauriturik izan. Horrenbestez, eskolak datorren ostiralean hasiko dira normaltasunez.
Nafarroako Auzitegi Nagusiak berriro ireki du Lleidara ezkontzeko saldu omen zuten neska adingabearen auziaren gaineko ikerketa
Ministerio Fiskalak esandakoaren ildotik, Auzitegiko Lehen Sekzioak uste du kriminalitate zantzu argiak daudela, eta uste du auzia artxibatzeko "oso goiz" dela oraindik. Besteak beste, gurasoek 2025eko urtarrilean 14 urteko neskatoa beste bikote bati haien 21 urteko semearekin ezkontzeko saldu izanaren zantzuak daude.
260 pertsonak dute Kawasaki gaixotasuna EAEn, gehienak 5 urtetik beherakoak
Gaitzak odol-hodi txiki eta ertainak hantzea eragiten du, eta haurtzaroan garatzen da nagusiki. Ez da oso ohikoa, baina larria izan daiteke; izan ere, garaiz diagnostikatzen eta tratatzen ez bada, bihotzeko ondorioak eragin ditzake.
LABek eskola segregazioari buruzko mahaia utzi du, eta euskara aldarrikatu du inklusiorako tresna gisa
Sindikatuak salatu du Hezkuntza Sailak ez duela orain arte lan proposamenik aurkeztu.
Zardoya Otis zegoen Herrerako pabilioietako bat hustu dute
Jolastokietako 4 pabiloian bizi ziren 30 lagunetatik 5ek soilik igaro dute gaua bertan, eta guztiak alde eginda zeuden Ertzaintza iristerako.
Puentek ez du baztertu Rodaliesen zerbitzuko gaurko gorabeherak "zibereraso" batek eragin izana
Hipotesi hori mahai gainean dagoela aitortu du Espainiako ministroak, zerbitzua ohikoan jarduten ari zelako eta "oso denbora gutxian bi aldiz eten" delako.
Auto-ilara luzeak AP-8an, Deba parean, hainbat ibilgailuk izandako istripuaren ondorioz
Istripua izan da AP-8 autobidean, Deba parean eta Bilborako noranzkoan, eta hainbat pertsona zauritu dira, errei bat itxi dute eta auto-ilarak sortu dira autobidean.