Osakidetzak iraungitako txertoa jarri die 253 pertsonari, gehienak haurrak
Osasun Sailak "lasaitasun-mezua" helarazi du, "adituen arabera, dosi horiek emateak ez baitu ondorio kaltegarririk". Kasu guztiak "behar bezala identifikatuta" daudela, eta familiekin "harremanetan jartzen" ari direla ziurtatu du, "zuzenean informatzeko eta beharrezko argibideak emateko".
Artxiboko irudia.
Osakidetza Euskal Osasun Zerbitzuak "duela gutxi" iraungitako txertoa jarri die 253 pertsonari, horietako gehienak haurrak. Zehazki, difteria, tetanosa, kukutxeztula, haemophilusa, polioa eta B hepatitisari aurre egiteko txerto hexabalentearen lote bati dagozkion dosiak dira oker jarri direnak.
EH Bilduk salatu du gaia, Alberto Martinez Eusko Jaurlaritzako Osasun sailburuari zuzenduta erregistratu duen galdera parlamentario baten bidez. Bertan, koalizio subiranistak ohartarazi du "dozenaka umeri" jarri zaiela iraungitako txertoa.
Salaketaren berri izan eta berahala, Osakidetzak oharra atera du, azalpenekin. Iraungitako txertoa 253 pertsonak jaso dutela baieztatu du, 12 ESItan —13 daude guztira Euskal Autonomia Erkidegoan—. "Kasu guztiak behar bezala identifikatuta daude, eta harremanetan jartzen ari dira familiekin, zuzenean informatzeko eta beharrezko argibideak emateko", zehaztu dute oharrean.
Horrekin batera, osasun arduradunek ziurtatu dute iraungitako txertoak "osasunean inolako eraginik eta ondorio kaltegarririk ez" duela, eta, beraz, "lasaitasun-mezua" helarazi diete kaltetutako familiei.
Zabaldutako agiriaren arabera, Osasun Publikoko Zuzendaritzak "agintariekin, Sendagaien eta Osasun Produktuen Espainiako Agentziarekin (AEMPS), Euskadiko Txertoen Aholku Batzordearekin (ETAB) eta fabrikatzailearekin kontsultatu du kasua", eta egindako azterketaren ondoren, "txertoaren dosi berri bat ematea" gomendatu dute adituek, "ahalik eta babes handiena ziurtatzeko".
Osasun-zentroak hasi dira jada gaur familiekin harremanetan jartzen, hitzordu berri bat emateko. "Kasu guztiak kontrolatuta daude, eta osasun publikoko erakunde adituen gomendioak betetzen ari dira", dio oharrak.
Zure interesekoa izan daiteke
Osakidetzak "dozenaka umeri" iraungitako txertoak eman dizkiela salatu du EH Bilduk
Txerto hexabalentea da, B hepatitisa bezalako sei gaixotasunetatik babesteko erabiltzen dena.
Migratzaileekin lan egiten duten elkarteen arabera, ezohiko erregularizazioak errotik aldatuko du haien egoera
Alaitz Zugasti Arrats Elkarteko abokatuaren ustez, Espainiako Gobernuak iragarri duen ezohiko erregulazioa "oso onuragarria" da. "Guretzat garrantzitsuena da behin eskaria eginda pertsona horiek lan baimena izango dutela, erresoluzioa iritsi bitartean", nabarmendu du Zugastik.
Zer dakigu Nipah birusaz? "Nazioartean hedatzeko arriskua oso txikia da"
Azken egunotan bolo-bolo dabil Indian birus oso hilgarri bat zabaldu den albistea. Miren Basaras EHUko mikrobiologia irakasleak Nipah birusa zer den, nola transmititzen den eta nazioartean zabaltzeko arriskua zein den argitu digu.
EHUko kolektibo guztien lan baldintzak hobetu direla azpimarratu du Bengoetxeak, ordezkoen auzia konponduta
Joxerramon Bengoetxea EHUko errektoreak urtebete egin du karguan, eta balantzea egiteko aprobetxatu du. Orain arteko lorpenak azpimarratu ditu, besteak beste, ordezko langileen auzia konpondu dutela, Leioako campuseko erreforma abian dela, eta euskaraz ikasteko aukera bermatzeko dihardutela.
EAEko biztanleek duela bost urte baino okerrago baloratzen dute beren osasuna, nahiz eta luzeago bizi
Osasunaren pertzepzioak okerrera egin du EAEko biztanleen artean azken bosturtekoan, Eustaten "Osasunaren Panorama" inkestaren arabera, baina Euskadiko bizi-itxaropena Europako eta Estatuko batezbestekoen gainetik dago.
Adifen kontrol zentroko softwareko akats batek eragin zuen Rodaliesen asteleheneko gorabehera
Jose Antonio Santano Espainiako Garraio idazkariak baztertu egin du gorabehera sabotaje, zibereraso edo giza akats batek eragin izana.
Espainiako Gobernuaren migratzaileen ezohiko erregularizazioaren gakoak
Ministroen Kontseiluak Espainiako Estatuan bizi diren migratzaileen egoera legala erregularizatzeko izapideak hasi ditu. Neurria errege-dekretu bidez aterako da aurrera, integrazioa indartzeko, eskubideak bermatzeko eta ezkutuko ekonomia murrizteko.
Rodalies tren zerbitzua partzialki martxan da, erabateko normaltasunetik urrun
Azken egunotan Kataluniako aldirietako tren sarean izandako arazoen ondorioz, Renferen Kataluniako bozeramaileak adierazi du "Adifeko teknikariekin lanean" ari direla trenbideko "tarteak irekitzen jarraitzeko" eta zerbitzua lehenbailehen berrezartzeko.
Getxoko auzian ikertutakoek otsailaren 25ean deklaratu beharko dute
Epaileak delitu zantzuak ikusi ditu eraikina eraisteagatik. Eraikinak babes maila lokala zuen, eta hamar pertsona ikertzen ari da; hiru EAJren zinegotziak dira.