Ertzaintzak segurtasuna indartu du Bilbon, Athletic-Sporting Portugal arrisku handiko partida dela eta
Zale portugaldarrak ezin izango dira San Mamesera sartu, aurreko partida batean material piroteknikoa erabiltzeagatik zigortuta daudelako. Halere, 1.500 bat jarraitzaile inguru iritsi dira Bilbora, sarrerarik gabe.
Segurtasun dispositibo berezia ezarri du Ertzaintzak gaur Bilbon, Kirol Ikuskizunetako Indarkeriaren Aurkako Batzorde Nazionalak Athletic eta Sporting Portugal taldeen arteko partida arrisku handikoa izendatu ondoren. 21:00etan hasiko da norgehiagoka, San Mamesen.
Zale portugaldarrek ezingo dute estadiora sartu, aurreko partida batean material piroteknikoa erabiltzeagatik zigortuta baitaude. Halere, 1.500 bat jarraitzaile Bilbora iritsi dira gaur, sarrerarik gabe.
Radio Euskadin egin dioten elkarrizketan, Bingen Zupiria Eusko Jaurlaritzako Segurtasun sailburuak baieztatu du "agente kopuru garrantzitsua" aktibatuko dutela, San Mames inguruan segurtasuna zaintzeko. Zehaztu du ez direla debekatuko "modu ordenatuan" egindako “animazio ekintzak”.
Isunak, bengalen erabileragatik
Halaber, Zupiriak jakinarazi du Euskadi-Palestina partidaren harira, Kirol Ikuskizunetako Indarkeriaren Aurkako Batzorde Nazionalak isun bana proposatu dituela Euskadiko Futbol Federazioaren eta partidan bengala bat bota zuen zalearen kontra; futbol federazioarentzat 60.000 eurokoa, San Mames inguruan bengalekin izan ziren arazoengatik, eta zalearentzat 10.000 eurokoa, bengala bat bota eta pertsona bat zauritzeagatik.
Sailburuaren arabera, bengalen gaia kezka iturri da Segurtasun Sailean. "Ertzainburuek behin eta berriro adierazten didate kezkatuta daudela, bengala horiek kalte egiten dutelako eta zenbait girotan asko erabiltzen direlako", azaldu du.
Esan duenez, "pertsonen segurtasuna" dago jokoan. "Hemen arriskua dago. Ez da bengalen aurka egotea egoteagatik. Pertsonen segurtasunaren aurkako jokabidea da eta zenbait kasutan errazegi erabiltzen dira".
Zure interesekoa izan daiteke
Adimen artifizialarekin sortutako irudi sexualizatuak debekatu ditu Europar Batasunak
Irudi sexualizatuak nahiz haurren sexu-abusuarekin lotutako edukiak sortzeko helburu bakarra duten adimen artifizialeko sistemak debekatuta egongo dira 2026ko abenduaren 2az geroztik. Grok X sare sozialeko AAko tresnak sortutako hika-mikaren ondoren adostu dute neurria.
Horrelakoa izango da MV Hondiusen bidaia Kanariar Uharteetara
Hantabirus kasuak dituen itsasontziaren bidaia maiatzaren 9an, larunbatean, iritsiko da Kanarietara, zehazki, Granadillako industria-portura. Hortik, tripulatzaileak Tenerife Hegoaldeko Nazioarteko aireportura eramango dituzte.
Gutxienez sei kilometroko auto-ilarak AP-8 autobidean, Usurbilen, Irunerako noranzkoan
Lau autok istripua izan dute, eta erreietako bat itxita dago AP-8 autobidean, Usurbil parean, Irunerako noranzkoan. Bigarren istripu batek are gehiago zaildu du egoera, eta auto-ilara luzeak sortzen ari dira Irunerako noranzkoan.
Albiste izango dira: hantabirusaren azken ordua, Tubos Reunidosko langileen batzarra eta Gabonetako Loteriaren Igorreko auzia
Gaurkoan Orain-en albiste izango direnen laburpena, bi hitzetan.
Matxura baten ondorioz, bi gaixo zeramatzan hegazkin medikalizatuak geldialdia egin behar izan du Kanaria Handian
Bigarren hegazkina Herbereetara heldu da. Munduko Osasun Erakundearen zuzendari nagusiak azpimarratu duenez, osasun publikorako arrisku orokorrak "txikia izaten jarraitzen du". Gurutzaontzia, bere aldetik, Kanaria Uharteetara bidean da jada, eta hiru egun barru porturatzea aurreikusita dago.
Gutxienez 79 lagunek salaketa jarri dute Arratiko Zekorrak errugbi taldeak saldutako loteria txartelen auzian
Behar baino 225 partaidetza gehiago saldu zituela aitortu du Arratiko Zekorrak errugbi taldeak eta, horren ondorioz, 80 bat lagunek ezin izan dute saria kobratu: 10.000 euro partizipazioko; 2,2 milioi euro inguru, guztira.
Albanese "Gernika" aurrean: “Ikaragarria da, Gazan ikusi dudana ematen du”
Francesca Albanese Nazio Batuen Erakundeko Palestinarako errelatorea txundituta agertu da asteazken honetan Gernika Pablo Picassoren margolan ospetsuaren aurrean. Haren ustez, "gerra zibilaren suntsiketa" islatzen badu ere, Palestinako lurralde okupatuetan ikusitakoaren "isla" ematen du.
Trafikoa bere onera etorri da N-1 errepidean, bi kamioiren arteko istripuak auto-ilara luzeak eragin ondoren
Gasteizko noranzkoan izan da istripua, eta errei bat itxita egon da ia bi orduz. Behin ibilgailuak bidetik erretiratuta, pilaketak arintzen hasi dira.
Hantabirusak kaltetutako 'MV Hondius' gurutzaontzia larunbatean porturatuko da Kanarietan
Ontzian doazen 14 espainiarrak Madrilgo ospitale batera eramango dituzte, osasun-azterketa egitera. Oraingoz, inork ez du hantabirus gaitzaren sintomarik.
Loteria txartelak kontratuak al dira? Abokatu batek argituko digu
Arratiko Zekorrak errugbi taldeak aitortu duenez, Gabonetako Loterian behar baino 225 txartel gehiago saldu zituen, eta, beraz, 80 bat lagunek ezin izan dute saria jaso. Txartel bakoitzari 10.000 euro dagozkio, 2,2 milioi euro inguru dira guztira. Dagoeneko 21 salaketa daude. Abokatu batek argitu duenez, klubak erantzukizun zibila izan dezake, eta baita penala ere.