Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Nafarroako Justizia Auzitegi Nagusiko Lan Arloko Salak berretsi egin du Burlatako lanbide-zentro bateko arduradun bat kaleratzea bidezkoa izan zela. Desgaitasuna duten hiru langileri sexu-jazarpena egiteagatik kaleratu zuten.
Kaleratutako pertsonak, auzitegian errekurtsoa jarri zuenak, taldeko arduradun kategoria zeukan. 2014ko uztailaren 3an hasi zen enpresan lanean eta 2024ko urriaren 31an kaleratu zuten "hutsegite oso larria" egiteagatik.
Kaleratze-gutunean bere mendeko ziren hiru langileren aurka egindako sexu-jazarpeneko ekintzak aipatzen ziren. Kaleratzea erabaki aurretik, enpresa barruko sexu-jazarpenerako batzordeak ikerketa bat egin zuen, horretarako prestatutako jarduera-protokoloaren zehaztapenak jarraituz. Batzordeak sexu-jazarpenaren zantzuak aurkitu zituen.
Horrez gainera, biktimetako batek salaketa bat jarri zuen, eta, horren ondorioz, 2.400 euroko isuna ezarri zio Iruñeko Zigor Arloko 4 zenbakiko Epaitegiak 2025eko ekainaren 9an, lan esparruko sexu-jazarpeneko delitu egile gisa. Bi urtez biktimarengana hurbiltzeko edo harekin komunikatzeko debekua ere ezarri zitzaion.
Beste alde batetik, lan-arloko jurisdikzioan, Iruñeko Lan Arloko 3 zenbakiko Epaitegiak ezetsi egin zuen langileak kaleratzearen aurka jarritako demanda 2025eko ekainean. Diziplinazko kaleratzea bidezkotzat jo zuen epaitegi horrek eta, beraz, kalte-galerengatik eskatzen zuen kalte-ordaina ukatu zion.
Azken prozesu horretan jarritako errekurtsoa osorik ezetsi du orain, Nafarroako Justizia Auzitegi Nagusiko Lan Arloko Salak. Auzitegiak bere erabakian azpimarratu duenez, egitateek "gaitzespen etiko eta moral handiena merezi dute", eta aipatzen du demanda jarri zuen kaleratutako pertsona "bere posizio hierarkikoaz eta emakume langileen kalteberatasunaz" baliatu zela. Beraz, demandatzailearen jokabidearen eta kaleratze-zehapenaren artean "erabateko egokitasuna" dagoela uste du.
Zure interesekoa izan daiteke
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.
Ikastetxe publikoen itxierak "lanpostuen amortizazioa" duela helburu salatu dute sindikatuek
Steilasek, ELAk eta CCOOk adierazi dutenez, Eusko Jaurlaritzak hurrengo ikasturtean ikastetxe batzuk fusionatu eta itxi nahi izatea "Hezkuntza Sailak azken urteotan darabilen utzikeriaren isla da". Gainera, gogor kritikatu dute Segregazioaren aurkako Mahaia "ekiteko asmorik" ez duela, lau aldiz bildu den arren.
Albiste izango dira: iraungitako txertoak, traktoreak kalera Bilbon, Gasteizen eta Iruñean eta Iran eta AEBren arteko tentsioa
Gaurkoan Orain-en albiste izango direnen laburpena, bi hitzetan.