Eusko Legebiltzarrak "ikasle kalteberak bidez kokatzea" lortzeko bidean aurrera egiteko eskatu du
Ganberak EAJren eta PSE-EEren zuzenketa bat onartu du, eskola plangintza eta zonifikazioa indartzearen alde egiten duena, eskola inklusiboagoa bultzatzeko. PPren ekimena atzera bota dute, baita Sumarren osoko zuzenketa ere.
Eusko Legebiltzarrak EAJren eta PSE-EEren zuzenketa bat onartu du, Hezkuntzako Euskal Zerbitzu Publikoan ikasle kalteberen banaketa bidezkoagoa izan dadin aurrerapausoak emateko beharra defendatuz.
Eztabaida PPk aurkeztutako legez besteko proposamen baten ondorioz gertatu da, eta azkenean baztertu egin da, Voxen ordezkariaren babesa baino ez zuelako. Popularren ekimenak Eusko Jaurlaritzari eskatzen zion hezkuntzako zonifikazio-sisteman "benetako distantzia eta irisgarritasun efektiboa" berma zedin plazak esleitzean, baita zona arteko eskaerak baimentzeko aukera aztertzeko ere, hurbiltasunak eta garraio publikoak justifikatzen zutenean.
Sumar taldearen osoko zuzenketa ere ez da aurrera atera; zuzenketak ikastetxe publiko batean plaza bat nahi duen edozein ikasle bertara sar dadin bermatzea eskatzen zuen. Horretarako, hezkuntza-eskaintza programatzea planteatzen zuen, eragin-eremu bakoitzean eta Derrigorrezko Hezkuntzako etapa guztietan plaza publiko nahikoak bermatzeko. Halaber, eskola-eremuak konfiguratzeko irisgarritasun-irizpideak sartzea proposatzen zuen, garraio publikoan lotura ona duten ikastetxe publikoek zona arteko eskaerak jaso ahal izateko, eskolatzeko lurralde-batzordeen bermearekin eta ikastetxeen eta familien parte-hartzearekin.
Beste atal batean, Sumarrek Hezkuntza Sailari eskatzen zion neurriak har zitzala ikasleak beren eragin-eremutik kanpoko ikastetxe pribatu zein itunduetara masiboki joan ez daitezen, eskola-segregazioa kroniko bihur ez dadin eta gizarte-mailan homogeneoak diren edo bizitegi-ingurunetik urrun dauden errenta handiko zentroak ezarri ez daitezen.
Azkenean onartutako zuzenketak, EAJren eta PSE-EEren aldeko 39 boto eta oposizioaren kontrako 37 boto jaso ditu eta Eskola Bikaina Denontzat ekimenaren esparruan eskola inklusibo, ekitatibo eta kalitatezkoa sustatzen jarraitzeko eskatzen dio Hezkuntza Sailari. Testuak hezkuntza-plangintza eta eskola-zonifikazio egokiaren eta ikasle guztien beharretara egokitutzearen alde egiten du.
Gainera, plangintza horrek ikasle kalteberak bidez kokaturik egon daitezen bermatzea eta eskola publikoaren eredua indartzea eskatzen du, Hezkuntzari buruzko 17/2023 Legean ezarritakoaren ildotik.
Zure interesekoa izan daiteke
?fmt=webp-alpha&qlt=80)
Aske gelditu dira Vito Quilesen ekitaldi baten harira izandako istiluengatik atxilotutako 28 pertsonak
Horietako hamaseiri desordena publikoaren delitua leporatu diete. Gainerako hamabiei, horrez gainera, agintaritzaren agenteen aurkako atentatua ere egotzi diete.
Eutanasia-eskaerak % 61 igo dira Euskadin, eta prozesuaren batez besteko iraupena 39,4 egunera jaitsi da
Ostegun honetan argitaratutako urteko txostenaren arabera, 2025ean 107 eskaera onartu ziren, 78 prestazio gauzatu ziren eta 31 pertsona hil ziren prozesua bukatu baino lehen.
Hiru pertsona ikertu dituzte Bizkaian, genero-indarkeriaren biktima baten datuak lortzeko guardia zibilena egiteagatik
Ikertuetako batek harreman sentimentala zuen emakumearekin, eta harekin bizi zen Barakaldon.
Gizon bat atxilotu dute Donostian, Egia auzoan izandako sexu-erasoaren egilea delakoan
Donostiako Udaleko Bozeramaileen Batzordeak elkarretaratzea deitu du biharko, 11:45ean, Alderdi Ederreko lorategietan.
Foruzaingoko lankideek minean bat egin eta babesa eman diete hildako bost agenteen familiei
Foruzainen hil-kapera izango da gaur Iruñeko San Alberto beilatokian. Etengabea da bertan goizean goizetik, senide, lagun eta lankideen joan-etorria. Istripuan zauritutako kamioiko gidariari sendagiria eman diote, baina shock egoeran dago.
Gasteizko Fournier lantegi zaharrean bizi ziren hiru lagun aterarazi dituzte, inguru horretan astebetean egin den bigarren kaleratzean
Ertzaintzak eta Gasteizko Udaltzaingoak, epailearen aginduz, Heraclio Fournier kaleko industria-nabean zeuden hiru pertsona aterarazi dituzte, baldintza eskasak eta segurtasun falta argudiatuta.
"Bizi Natura" saioaren unerik onenak: 2026ko ekainaren 3a, asteazkena
Oraingo honetan, Bizi Naturaren kamerek katagorrien, flamenkoen, txorien janlekuen, orkatzen eta abarren irudiak eskaini dizkigute.
Ibar auziko epaileak beste hilabete bat eman dio fiskalari lekuko berri bati buruzko erabakia har dezan
Pablo Ibarren defentsaren arabera, lekukoak erailketak egin zituzten bi pertsonak identifikatu zituen, eta horrek errugabetu egingo luke Ibar.
Minutu bateko isilune hunkigarria Nafarroako Parlamentuan, hildako bost foruzainen omenez
Gaurko saioaren hasieran, Unai Hualde Ganberako presidenteak Bozeramaileen Batzordean goizeko lehen orduan onartutako adierazpen instituzionala irakurri du, gertaerak eragindako "mina eta atsekabea" erakusten duen testua. Hildako bost foruzainak omentzeko Nafarroako Gobernuak zein Foruzaingoak antolatutako ekitaldi instituzionalekin bat egin du Ganberak.
Euskal Herriko mediku eta pediatrek pantailek arrisku larriak dakartzatela ohartarazi dute, eta ikasgeletan mugikorrik ez izatea eskatu
Altxa Burua mugimenduarekin batera, sendagileek eta pediatrek txosten bateratua plazaratu dute, lehenengoz. Lan horretan, pantailen aurrean denbora luzez egoteak adingabeengan dakarren eragin negatiboa aztertu dute; alde batetik, buru osasuna aipatu dute: loaren nahasmenduak, antsietatea... Bestetik, erabilera gehiegizkoak obesitatea, ikusmen-arazoak eta hizkuntzaren atzerapenak eragin ditzakeela ohartarazi dute.