Zabaldu dute Zumaia eta Getaria arteko errepidea, olatu handiengatik itxita egon ostean
Itsasgora izan den unean egon da itxita, Pedro denboraleak eragin dituen olatu handiengatik. Ostiral goizeko itsasgoraren garaian ere, 05:00etatik 07:00etara, 4 metro inguruko olatuek joko dutela itsas-bazterra espero da.
Zabalik dago Zumaia eta Getaria arteko N-634 errepidea, arratsaldeko itsasgoraren garaian itxita egon ondoren. Izan ere, Eusko Jaurlaritzako Segurtasun Sailak itxi egin du 5 metrotik gorako olatuak errepideraino iristen zirelako.
Pedro denboralearen ondorioz, hainbat abisu hori ezarri dira gaurko eta biharko Gipuzkoa eta Bizkaiko kostaldean.
Alde batetik, nabigaziorako abisu horia ere ezarrita dago ostiral goizeko 09:00ak arte lehenengo 2 militan. Itsas barnean 4-5 metroko olatuak espero dira.
Bestetik, ostiral goizean 05:00etatik 07:00etara abisu horia jarriko da indarrean kostaldeko inpaktuagatik; hain zuzen ere, itsasoa gorengo mailan izango den tartean. Goizaldeko 06:21ean izango da itsasgora eta une horretako olatuak 4 metrotik gorakoak izan daitezkeela espero dute.
Pedro denboraleak haize zakarra, zaparrada batzuk eta olatu handiak utzi ditu Euskal Herrian ostegun honetan baina, orduak aurrera egin ahala, urruntzen ari da. Ondorioz, hurrengo orduetan prezipitazioak urritzen joango dira eta ostarteak zabaltzen hasiko dira.
Haizea ere baretzen joango da eta norabidea aldatuko du mendebaldetik iparraldera.
Zure interesekoa izan daiteke
Baionan, Aturri ibaiak gainezka egin du itsasgorarekin, azken egunetako erauntsien eraginez
Aturri ibaiak gainezka egin du ostegun honetan Baionan. Azken egunetan pilatu den euriak eta itsasgorak bat egin dutenean, goizeko zein arratsaldeko seiak bueltan, ibaia bere bidetik irten da. Goizean urak eragin dituen eragozpenak ikusita, arratsalderako Baionako Herriko Etxeak zentzuz jokatzeko eta ibai ingurura ez hurbiltzeko deia egin badu ere, azkenean ez da eragozpen nabarmenik egon.
Barne ministerioak polizia-babesa jarri dio Espainiako Poliziaren buruaren sexu erasoak salatu dituen emakumeari
Kereila jarri zuen egun berean, hau da, asteartean bertan, bere izen-abizenak zabaldu zituzten WhatsAppeko hainbat polizia taldetan, bere abokatuak deitoratu duenez. Horrek antsietatea areagotu dio, eta oso ahul dago.
Amatatu dute Sopuertako enpresa batean piztutako sutea
Sua La Sota auzoan piztu da, eta ez da inor zauritu.
Irungo eta Hondarribiko bizilagunei Hendaian gaizki aparkatzeagatik jarritako isun-iruzur baten berri eman dute
Eusko Jaurlaritzako Segurtasun Sailak ostegun honetan jakitera eman duenez, biktimei arau-hausteen inguruko jakinarazpena iritsi zaie postontzira, uda garaian Hendaian gaizki aparkatzeagatik.
Jaiotzek gora, abagune kontua da ala joera aldatu egin da?
Lehenengoz 2011tik jaiotzek gora egin dute Euskadin: 2025ean aurreko urtean baino % 3 haur gehiago jaio ziren. Unai Martin demografoak zergatiak argitu eta sakoneko joera ote den azaldu du.
Alberto Martinezek medikuekin negoziatzeko edo eskumena Euskadiri lagatzeko eskatu dio Ministerioari
Osasun sailburuak ohartarazi duenez, ministerioak erantzukizunak bere gain hartzen ez baditu, Euskadik osasun-kudeaketaren eskumena eskatuko du.
Bizkaiko Karate Federazioaren presidentea kargutik kendu dute, kudeaketa txarra eta irregulartasunak egitea egotzita
Andoni Lopezi jarduerarik gabeko klubak sortzea leporatzen diote 11 klubek, bere botoei esker hauteskundeak irabazten jarraitzeko. Gainera, salatu dute Federazioko idazkari gisa kontratatu zuela emaztea, lanaldi erdian, 23.000 euroko soldatarekin. Hortaz, bien artean Federazioaren aurrekontuaren erdia eramaten zuten etxera.
Kamioi bat matxuratu da A-15 errepidean, Berastegin, eta errei bat itxi dute Iruñerako noranzkoan
Lehen unean errepidea guztiz itxi badute ere, minutu batzuk geroago errei bat zabaldu dute.
Furgoneta bat atzeman dute Donostian, pertsonen trafikoan ziharduelakoan
Asiar jatorriko hainbat pertsona zeramatzan furgoneta bat atzeman zuen atzo goizaldean Donostiako Udaltzaingoak.