Istilurik ez, Voxek EHUko campusean egin duen kontzentrazioan
EHUk aurrez aurreko eskolak bertan behera utzi ditu astelehen honetan, segurtasuna bermatzeko asmoz. Izan ere, Voxek ekitaldia deituta zuen eguerdirako, campusaren inguruan, eta horren aurrean Euskal Herriko Ikasle Antolakunde Sozialistak kontramanifestazioa deitu zuen. Goizean goizetik Ertzaintzak eremua hesituta izan du eta ez da istilurik izan.
Ziurgabetasuna zen nagusi, baina, azkenean, gorabeherarik gabe egin dira astelehen honetarako Euskal Herriko Unibertsitatearen Gasteizko campusean aurreikusita zeuden bi ekitaldiak: Voxena, alde batetik, eta Euskal Herriko Ikasle Antolakunde Sozialistak antolatutako kontramanifestazioa, bestetik.
Goizeko lehen ordutik, polizia ugari izan da campusaren inguruan, bi ekitaldietako jarraitzaileak bereizteko asmoz. Ertzaintzak hesia jarri du Voxek ekitaldia egitea aurreikusita zuen eremuaren eta ikasleen antolakundeak 12:00etan deitutako elkarretaratzearen lekuaren artean, bi taldeek elkar ikus ez zezaten.
Farmazia Fakultatea aukeratu dute Voxeko kideek ekitaldia egiteko, eta 20 bat lagun bildu dira bertan. Julia Calvet eta Carlos Hernandez Hero Voxeko kideek adierazpenak egin dituzte hedabideen aurrean, eta kritikatu egin dute EHUko errektoreak Arabako campusa ixtea erabaki izana, istiluak saihesteko.
400 bat ikaslek, berriz, Farmazia Fakultatearen atzealdean egin dute protesta. Voxen "erabateko inpunitatea", Poliziaren dispositibo zabala eta Unibertsitateko errektoretzak campusa ixteko hartutako erabakia salatu dituzte.
Joxerramon Bengoetxea Euskal Herriko Unibertsitateko errektoreak, berriz, uste du erabaki egokia izan dela aurrez aurreko eskolak bertan behera uztea, alde batetik, unibertsitateak "osasun hesia" ezarri diolako Voxi, eta, bestetik, ez delako istilurik izan.
EHUko Errektoretzak gaur Gasteizko campusa ixteko hartutako erabakia EH Bilduk bakarrik babestu du. EAJk, PSEk eta PPk, irakasle talde batek eta Ikasleen Kontseiluak neurriaren aurka egin dute.
Zure interesekoa izan daiteke
Espainiako Gobernuak hartu du Ceutako krisiaren kudeaketan aginte bakarra
Espainiako Gobernuak 'Segurtasun Nazionalaren interes egoera' aldarrikatu du, eta migrazio krisiari eman beharreko erantzuna koordinatzeko aginte bakarra izan da. Angel Victor Torres Lurralde Politikako eta Memoria Demokratikoko ministroak zuzenduko du egitura.
Gizon bat atxilotu dute Irungo prostituzio-etxe batean ustez sexu-erasoa egiteagatik
Erasotzaileak, 12.000 euro eskudirutan zeramatzanak, biktima atxiki eta laguntza ematera joan zitzaion beste emakume bat jo zuen.
Adin txikiko baten irudiarekin lagun bati estortsioa egiteagatik bi pertsona atxilotu dituzte Iruñean
Mehatxu eginez ia 50 mila euro lortu zituzten. Estortsioa jasan zuen gizonak berak aurkeztu zuen salaketa, eta horren ostean atxilotu dituzte 31 urteko gizona eta 29 urteko emakumea.
Juan Mari Aburto: "Ekitaldien alkatea baino, nahiago nuke igogailuen alkate gisa oroitua izatea"
Radio Euskadin egindako adierazpenetan, Juan Mari Aburto Bilboko alkateak adierazi du Aste Nagusiaren hirugarren jardunaldian zortzi atxilotutu egon direla eta 48 salaketa jarri direla, iazko epe berean baino kopuru txikiagoak. Halaber, azaldu du bere agintaldian Bilbon ekitaldi handiak antolatu diren arren, 'igogailuen alkatea' bezala oroitua izatea gustatuko litzaiokeela, horrek herritarren bizi-kalitatea hobetzen lagundu izanaren aitorpena baita.
Zortzi atxilotu eta 55 kilo janari konfiskatu dituzte Bilboko Aste Nagusiko hirugarren egunean
Jai-esparruaren barruan, lau pertsona atxilotu dituzte ebasketagatik, bi iruzurragatik eta zazpigarren bat erresistentziagatik. Jai-eremutik kanpo pertsona bat atxilotu dute, epailearen aginduz.
Ekaitz bortitz batek ia 90 litro utzi ditu metro koadroko hiru orduan Tarragonan
Suhiltzaileek 491 intzidentzia artatu dituzte denboraleagatik Katalunian, eta gorabehera handienak Tarragonan izan dira, 434 jarduketarekin. Azken datuen arabera, 30 zauritu izan dira, eta horietatik lau erietxera eraman dituzte.
Euskadin beroari lotutako ia 300 heriotza posible erregistratu dira udan
Adinari begiratuta, hildakoen % 92k 65 urte baino gehiago zituzten, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusian, pentsio duinen alde
Aste Nagusiko giroan deitu dute manifestazioa, "jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, eta legigintzarako herri-ekimena atzera bota izana salatu dute. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.