Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
Adingabe bat, futbol partida batean; artxiboko irudia. Argazkia: Orain
Basauri Bea eta Portugalete futbol taldeei ezarritako betoa bertan behera utzi du Bizkaiko Arbitroen Batzordeak. Klub horien partidetarako epaileak ez izendatzea erabaki zuen Batzordeak, talde horien hainbat partidetan epaileek jasotako erasoen ondorioz. Betoa kenduta, berriro izendatuko dituzte epaileak talde horiek jokatzen dituzten partidetarako.
Ohar batean Batzordeak adierazi duenez, bi klubekin bildu ondoren, "egoera bideratuta" dagoela, eta futbol taldeek konpromisoa hartu dutela "elkargokideen aurkako erasorik ez errepikatzeko neurriak hartzeko".
Hala ere, inplikatutako hirugarren taldearentzat, Berangoko Karabiganentzat, betoa mantentzen da, klub hau ez baita epaileekin harremanetan jarri.
Batzordeak ohartarazi du beto protokolo hau berriro aplikatuko duela arbitroen aurkako eraso gehiago izanez gero.
Zure interesekoa izan daiteke
'Gernika' Euskadira lekualdatzea, arazo teknikoa ala politikoa?
Picassoren 'Gernika' Euskadira ekartzea arazo teknikoa da ala politikoa? Hortxe dago koxka, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz esaterakoan artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuentzat kalteak eragiteko arriskua handiegia da eta ez du merezi; beste batzuentzat, aldiz, egin izan dira halakoak lehen ere eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.
Alzheimerraren aurkako tratamendu berriak ikertuko dituen teknologia kuantikoko lehen proiektua bultzatu du Euskadik
Alzheimerrari aurre egiteko jomuga terapeutiko berriak identifikatzen lagunduko du IBM Quantum superordenagailu kuantikoak. Ikerketa berritzaile horren buru Eusko Jaurlaritzako Osasun Saila da, Basque Quantum, Biobizkaia, Osakidetza eta IBM Cleveland Clinic erakundeekin lankidetzan.
Zelan eragingo du trafikoan Itzuliaren Galdakaoko etapak?
Etapa Galdakaotik abiatuko da eta bertan amaituko da. Lasterketak Busturialdea zeharkatu, Jatako igoera gainditu eta amaiera ikusgarria izango du Txorierrin.
Donostiako Apezpikutzak Koruko Andra Maria basilikan Tokischa rap-abeslariak grabatutako bideoa kentzeko eskatu du
Gotzaindegiak "sakonki deitoratzen du espazio sakratuak desegoki erabiltzea", eta "oihartzun erraldoia" izan duen edukia grabatzeko baimenik ez zuela eman azpimarratu du.
Apirilak 8, Ijito Herriaren Nazioarteko Eguna Euskal Herrian
Ijito Herriaren Nazioarteko Egunaren kari, hainbat ekimen eta elkateratze egiten dira urtero Euskal Herrian. Aurten, Otxarkoaga auzoan (Bilbo), ijitoen bandera margotu dute auzoko banku batean; lehena da EAEn.
Espetxera bidali dute Berrizen emaztea labankadaz larri zauritzeagatik atxilotutako gizona
Biktimak, 38 urteko emakumeak, zainketa intentsiboetako unitatean jarraitzen du. Arma zuriz eraso egin zion bikotekideak, familiak duen etxebizitzan bertan, eta lau seme-alaben aurrean. Emakumea Gurutzetako Ospitalera eraman zuten zauri larriekin, helikopteroz. Halaber, biktimaren alabetako bat, 15 urteko adingabea, arin zauritu zuen aitak.