Zainketa aringarrien estrategia berria onartu dute
Hemendik aurrera, zainketa aringarrien protokoloa ez zaie soilik sei hilabete baino gutxiagoko biziraupena duten gaixo terminalei. Gaixotasunak eragindako sufrimendua izango da kontuan hartuko dena.
Artxiboko irudia
Zainketa aringarrien estrategia onartu du Espainiako Lurralde Arteko Osasun Kontseiluak. Berritasun nagusia da zainketa horiek ez zaizkiela bakarrik eskainiko bizitzaren azken fasean dauden gaixoei. Zabaldu egingo da arreta aringarria jasoko dutenen profila.
Osasun Sistema Nazionalaren Zainketa Aringarrien Estrategia du izena dokumentu berriak, eta 2026-2030 eperako balioko du. Arreta hori norbanakoaren eskubide gisa aitortzeko aukera indartu egingo da, patologia edo bizilekua edozein dela ere.
Berritasun nagusia da aurrerantzean zainketa aringarriak ez zaizkiela soilik emango gaixo terminalei. Gaixotasunak eragindako sufrimendua hartuko da kontuan, protokoloa noiz ezarri erabakitzerakoan. Hala, erreminta ezberdinak jarriko dira martxan, arreta aringarria behar duten gaixoak identifikatu ahal izateko, gaixoaldiaren fase ezberdinetan. Aukera egongo da zainketa aringarriak pixkanaka jasotzeko, hil urren egon aurretik.
Goizean egin dute bilera erkidegoetako osasun arduradunek, telematikoki. Amaieran, Monika Garcia Espainiako Gobernuko Osasun ministroak esan duenez, Eutanasiarako Jardunbide Egokien Gida ere gaur onartzea zen asmoa, baina erkidegoek hala eskatuta, hurrengo bilerarako utzi dute gaiaren lanketa. Esan duenez, "denbora gehiago" eskatu dute, dokumenturi "ekarpenak" egin eta ahalik eta "adostasun zabalenarekin" onartzeko. Batez ere, "gaixoei zein profesionalei segurtasun juridikoa" emango dion dokumentua ondu nahi dute.
Medikuen grebaren erdian egin da gaurko bilera. Medikuen sindikatuek ez dute onartu Pazienteen Erakundeen Plataforma estatutu markoaren aurkako grebarekin amaitzeko negoziazioetan bitartekari izatea. Ondorioz, Osasun Ministerioak greba-batzordearekin atzorako deituta zuen bilera bertan behera gelditu zen. Agertoki horrekin, Monica Garciak zuzentzen duen ministerioak beste bilera bat deitu du astelehenerako.
Zure interesekoa izan daiteke
Baso sute bat piztu da Ean
Eguerdian piztu da sua, eta 18:00ak alderako itzaltzea lortu dute. Ertzaintzak ikerketa zabaldu du, gertatutakoa argitzeko.
"Gernika" Euskadira lekualdatzea, arazo teknikoa ala politikoa?
Picassoren Gernika Euskadira ekartzea arazo teknikoa da, ala politikoa? Hortxe dago koska, eta erantzun bila, EITBk Luis Beltran arte-zaharberritzailearekin eta Fernando Castro arte-kritikariarekin hitz egin du. Bat datoz, eta biek diote artelana garraiatzeak erronka tekniko handia dakarrela berekin, kontuan izanik koadroaren egoera eta tamaina. Hori oinarri, batzuen ustez, kalteak eragiteko arriskua handiegia da, eta ez du merezi; beste batzuen aburuz, aldiz, egin, egin izan dira halakoak lehen ere, eta borondate kontua da.
Haurreskolak Partzuergoak apirilaren 13an irekiko du izena emateko epea, 8.940 plazarekin
Familiek eskabidea online zein aurrez aurre aurkeztu ahal izango dute, Haurreskolen sare publikoko edozein ikastetxetan. Izena emateko epea maiatzaren 4an amaituko da, eta behin betiko zerrendak ekainaren 26an argitaratuko dira.
Basauri eta Portugaleteko futbol taldeei ezarritako betoa kendu du Bizkaiko Arbitroen Batzordeak
Ohar batean Bizkaiko Arbitroen Batzordeak adierazi duenez, "egoera bideratutzat" eman dute, erasorik ez errepikatzeko klubek "neurriak hartzeko" konpromisoa hartu baitute. Ondorioz, Basauri Bea eta Portugaleteko hurrengo partidetarako epaileak izango dituzte. Hala ere, inplikatutako hirugarren taldearen (Berangoko Karabigane) gaineko betoak indarrean jarraituko du, klub hori ez baita arbitroekin harremanetan jarri.
19 urteko neska batek sexu-erasoa salatu du, Santurtzin
30 urteko ustezko erasotzailea atxilotu zuen Ertzaintzak eta ondoren aske utzi zuen epaileak. Udalak elkarretaratzea deitu du ostiral honetarako, 12:00etan.
Urtebetean 320.000 trafiko isun Euskadin, non egiten dira arau-hauste gehien?
AP-8 eta A-8 errepideetan izan ziren zigor gehien iaz, eta gehiegizko abiadura nagusitu zen arau-hausteen tipologiari dagokioenez.
Alzheimerraren aurkako tratamendu berriak ikertuko dituen teknologia kuantikoko lehen proiektua bultzatu du Euskadik
Alzheimerrari aurre egiteko jomuga terapeutiko berriak identifikatzen lagunduko du IBM Quantum superordenagailu kuantikoak. Ikerketa berritzaile horren buru Eusko Jaurlaritzako Osasun Saila da, Basque Quantum, Biobizkaia, Osakidetza eta IBM Cleveland Clinic erakundeekin lankidetzan.
Zelan eragingo du trafikoan Itzuliaren Galdakaoko etapak?
Etapa Galdakaotik abiatuko da eta bertan amaituko da. Lasterketak Busturialdea zeharkatu, Jatako igoera gainditu eta amaiera ikusgarria izango du Txorierrin.
Donostiako Apezpikutzak Koruko Andra Maria basilikan Tokischa rap-abeslariak grabatutako bideoa kentzeko eskatu du
Gotzaindegiak "sakonki deitoratzen du espazio sakratuak desegoki erabiltzea", eta "oihartzun erraldoia" izan duen edukia grabatzeko baimenik ez zuela eman azpimarratu du.