Kamioi bat gurutzatu da AP-8 autobidean, Oiartzunen, eta auto-ilara luzeak sortu dira Irunera bidean
Bi errei itxi behar izan dituzte, eta, ondorioz, lau kilometrorainoko auto-ilarak sortu dira. Halaber, Donostiarako noranzkoan ere arretaz gidatzea gomendatzen du Segurtasun Sailak, kamioiaren zati batzuk errepidera erori direlako.
Kamioi bat irauli eta gurutzatuta gelditu da AP-8 autobidean, Oiartzunen, eta hiru erreietako bi itxi behar izan dituzte Irunera bidean, Eusko Jaurlaritzako Segurtasun Sailak jakinarazi duenez.
Istripuaren ondorioz, 4 kilometrorainoko auto-ilarak sortu dira. Hasiera batean autobidea erabat itxita egon bada ere, eskuineko erreia zabaldu dute.
Larrialdi zerbitzuak lanean ari dira ezbeharra izan duen ibilgailua bidetik kentzeko.
Halaber, Donostiarako noranzkoan ere arretaz gidatzea gomendatzen du Segurtasun Sailak, kamioiaren zati batzuk errepidera erori direlako.
Zure interesekoa izan daiteke
Herritarren erdiek baino gehiagok uste dute bizi dugun egoera nahiko lasaia dela
Iritziak emateko askatasunaren inguruan ere galdetu du EITB Focusek. Galdetutakoen herenak esan du nahiago duela zenbait gairen inguruan iritzirik ez ematea jendaurrean. % 62,7k esan dute ez dutela arazorik iritzia lasai emateko.
Akusazio partikularrek 25 urteko espetxe zigorra eskatu dute Lukas Agirreren hilketaren bi akusatu nagusientzat
Hiru urteko kartzela zigor eskaria egin dute hirugarren akusatuarentzat, ikerketa oztopatzeagatik. Akusazio partikularren ustez, gertakariak "frogatuta" daude eta hilketaren egiletza "eztabaidaezina" da. Defentsek absoluzioa eskatu dute. Hiru akusatuetatik bik azken hitza baliatu dute Agirren familiari doluminak emateko.
Normaltasuna bueltatu da Txorierrira, Arrontegin izandako istripuak auto-ilarak eragin ostean
Istripua 14:00ak aldera gertatu da BI-30 errepidean, Bilborako noranzkoan, eta lau ibilgailu izan dira tartean. Istripuaren ondorioz, bi errei itxita egon dira hainbat orduz, eta horrek nabarmen zaildu du Bilboko eremurako sarbide nagusietako bateko zirkulazioa.
Erretzea eta bozgorailuak erabiltzea debekatuta egongo da aurrerantzean Donostiako hondartzetan
Astelehenean hasiko da hondartzen denboraldia Gipuzkoako hiriburuan. Udalak 100 eta 750 euro bitarteko isunak jarriko ditu arau hausteengatik.
Bizkaian, Burgosen eta Toledon jarduten zuen eta ketamina eta fentaniloa banatzen zituen sare kriminal bat desegin dute
Makrooperazioaren ondorioz, 16 pertsona atxilotu dituzte (horietako 8 Bizkaian), eta substantzia estupefazienteen 160.000 dosi inguru atzeman dituzte, tartean 18,5 kilo ketamina. Aizundu gabe, 2.400.000 euroko balioa izango luke horrek guztiak merkatu beltzean.
Baxoan matematikako azterketak euskaraz egiten badituzte zuzendu egingo dizkietela iradoki dio Frantziak Seaskari
Hori dela eta, Seaskak bertan behera utzi du ekainaren 6an Bordelen egiteko deituta zuen elkarretaratzea.
D'Anjouk laguntza eskatu dio oposizioari aurrekontuak aurrera ateratzeko, "hauteskunde aurreko testuinguruan"
Noël d'Anjou Eusko Jaurlaritzako Ogasun eta Finantza sailburuak 2027ko Aurrekontu Proiektua osatzeko lankidetza, elkarrizketa eta konpromisoaren alde egiteko deia egin du, eztabaida politikoa baldintzatu dezakeen hauteskunde aurreko testuinguruan. D'Anjouk Eusko Legebiltzarreko kontrol saioan egin ditu adierazpen horiek, bere talde parlamentarioaren (EAJ-PNV) galderei erantzunez.
Tabakoaren erradiografia Euskadin: emakume erretzaile gehiago eta kontsumitzeko modu berriak
Gero eta jende gutxiagok kontsumitzen du tabakoa EAEn, baina bilakaera positibo horren atzean errealitate konplexuago bat dago, kontsumoaren jaitsiera ez baita homogeneoa sexuaren eta adinaren arabera. 55-74 urteko emakumeen eguneroko kontsumoa hazi egin da azken boladan, eta gazteek kontsumitzeko ohiturak aldatuko dituzte.
Albiste izango da: EITB Focus, agur bero itogarriari eta kontrol saioa Eusko Legebiltzarrean
Orainek gaur landuko dituen albiste nagusien laburpena.
Barinatxe hondartzara sartzeko arrapala itxita egongo da, luizi arriskua dagoelako
Sopelako Udalak itxita izango du sarbidea Barinatxe hondartzako arrapalatik, mendi-hegalean luiziak gertatzeko arriskua baitago. Oinezkoak eskaileretatik bakarrik jaitsi ahalko dira bertara.