4 urte eta erdiko kartzela-zigorra, ikasle adingabeekin sexu-harremanak izateko kontaktuan jarri eta mehatxatzeagatik
Auzitegiak frogatutzat jo du akusatuak sare sozialetan nortasun faltsua erabili zuela hiru ikasle harekiko konfiantza izan zezaten eta elkartzeko proposamenak egiteko, kutsu sexualeko "sedukzio-hesia" egiteko ahaleginean.
Gipuzkoako Auzitegiak 4 urte eta erdiko kartzela-zigorra ezarri dio Derrigorrezko Bigarren Hezkuntzako (DBH) irakasle bati, 16 urtetik beherakoei Internet bidez sexu-harremanak izateko helburuarekin hurbiltzeagatik (child grooming) eta mehatxuak egitea egotzita.
Epaiak, gainera, sexu-jazarpeneko delitu arin batengatik 20 eguneko lokalizazio iraunkorra eta 4 urteko zaintzapeko askatasuna barne hartzen ditu, espetxe-zigorra bete ondoren. Epaileen ustez, egiaztatu egin da akusatua 2023-2024 ikasturtean lan egiten zuen zentroko hiru ikaslerekin harremanetan jarri zela profil faltsu baten bidez sare sozial batean.
Ebazpenak jasotzen duenez, irakasleak eduki sexualeko elkarrizketak izan zituen adingabeekin, eta, bi kasutan, elkartzeko "proposamen serioak" planteatu zituen, baina ez ziren gauzatu, zentroko zuzendaritzak gertakariak antzeman zituelako. Epaian azpimarratu denez, helburua "sedukzio-hesi bat estutzea" eta balizko sexu-interakzioetarako eremua prestatzea zen.
Epaimahaiak adingabeen telefonoen bidez lortutako proba digitalen pisua nabarmendu du, eta testigantza "sendoa" egin zutela eta "eutsi" egin diotela adierazi du; horrez gain, zentroko profesionalen adierazpenak ere aintzat hartu dira. Aldiz, akusatuaren bertsioa errefusatu du, biktima bera zela argudiatu baitzuen, eta ondorioztatu du berak bilatzen zuela, helburu sexual batekin, neskak haren inguruan ibil zitezen.
Gipuzkoako Auzitegiak baldintzapeko mehatxuen delitua ere egiaztatutzat jo du. Irakasleak mezu elektroniko bat bidali zien zenbait ikasleri, eta eskatu zien biktimei elkarrizketetako pantaila-argazki guztiak ezaba zitzatela, eta mehatxu egin zien, salatuz gero, Poliziak haien dispositiboak arakatuko zituela. Epaimahaiaren ustez, helburua "ebidentziak suntsitzeko behar beste beldur ematea" zen.
Bestalde, epaiak absolbitu egin du akusatua sexu-mesedeak eskatzeko hiru delitutik eta adingabeen aurrean sexu-exhibizionismoko delitu batetik, ez duelako frogatutzat jo diruaren truke zerbait eskatu zuenik, ezta bideo esplizituak bidali zituenik ere. Ebazpenak, hala ere, azpimarratzen du konfiantzazko posizioaz baliatuta child groominga egitea oso larria dela.
EPAIKETA
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Zure interesekoa izan daiteke
Euskadi eta Nafarroa, % 95etik gorako emaitzekin Unibertsitatera Sartzeko Probatan
24.700 ikasletik gora aurkeztu dira Hego Euskal Herrian USPra, hizkuntza-ereduen arabera aldeak nabarmenak izanik: Euskadin, euskaraz ikasi dutenen %96,80k gainditu dute proba, eta gaztelaniazko ereduan %89,71k; Nafarroan, berriz, bi hizkuntza-ereduek %96tik gorako gainditze-tasak izan dituzte.
Honelakoa izango da 4.000 pertsonatik gora bilduko dituen EHUren graduazio-ekitaldia: txapelak, bertsolariak eta Palestinarekiko elkartasuna
Graduazio bateratua egingo du EHUk, estreinakoz, ostiral honetan, San Mamesen. Nøgen eta Janus Lester musika-taldeek eta Maialen Lujanbio eta Amets Arzallus bertsolariek girotuko dute ekitalditzarra.
EAEko Justizia Auzitegi Nagusiak berretsi egin du adingabeei sexu-hurbilketa egiteagatik Irungo irakasle bati ezarritako zigorra
Epaimahaiak atzera bota du irakasleak Gipuzkoako Probintzia Auzitegiaren epaiaren aurka jarritako errekurtsoa, eta 4 urte eta erdiko kartzela-zigorra bete beharko du, eta, behin irtenda, beste lau urtez egongo da zaintzapean aske. Ebazpena ez da irmoa, eta errekurritu egin daiteke, Auzitegi Nagusian bertan.
Nahi duzun karrerara sartzeko gutxieneko nota atera ez baduzu, zer egin?
Nahi den karreran sartzeko gutxieneko nota ez lortzeak ez ditu ate guztiak ixten, eta itxarote-zerrendak, antzeko graduak eta Lanbide Heziketa aukera baliagarriak izan daitezke. EHUko eta Batxilergoko orientatzaileek eta Lanbide Heziketako adituek adierazi dutenez, ikasleek bide alternatiboak dituzte nahi duten karrera horretan sartzeko.
Susana Miranda Osasunbideako Lehen Arretako gerenteak dimisioa eman du
Bi urte eman ditu karguan, eta bere denbora horretan, kritika ugari jaso ditu Osasunbideak, besteak beste, hitzordua eskatzeko egon diren arazoengatik eta izandako atzerapenengatik.
Iruñeko Udalak sexu-eraso bat gaitzesteko elkarretaratzea egin du
Erasoa ekainaren 5ean izan zen, ostegun goizaldean, Taconera parkean. Bertan, bi gizonek gizon gazte bati eraso egin zioten, eta sexu-abusuak egin zizkioten. Gizonetako bat espetxean dago, eta Polizia bigarrena identifikatzen saiatzen ari da.
Onik aurkitu dute Bilbon desagertutako 13 urteko neskatoa
Familiak salaketa bat aurkeztu zuen neskatoaren desagerpenagatik igandean, eta asteartean topatu dute.
Urriaren 7a jaieguna izango da 2027an, lehen Eusko Jaurlaritzaren 90. urteurrenaren omenez
Urteurrena oroitzeko 40 ekimen baino gehiagoko agenda antolatu du Jaurlaritzak eta, besteak beste, solasaldiak, erakusketak, kultur eta kirol ekitaldiak egingo dira urte osoan zehar. Horien bidez, Agirre lehendakariaren eta bere lantaldearen ondarea gogoraraziko da eta Gobernu haren sorreraren oinarri izan ziren demokrazia, askatasuna eta justizia sozialaren balioak etorkizunerantz proiektatuko dira.
Barrualde-Galdakaoko eta Gurutzetako Osakidetzako emaginek 9 eguneko greba deitu dute profesional falta salatzeko
SATSE sindikatuak ekainaren 17tik uztailaren 2ra bitarteko mobilizazioen egutegiaren berri eman du. Sindikatuaren arabera, arazoa "profesionalen kontratazio eta planifikazio falta" da. Ez da baztertzen beste ESI batzuek deialdiarekin bat egitea.
ETSk Bilboko Aste Nagusian joko du
Talde arabarra Europa parkeko oholtzara igoko da datorren abuztuaren 26an.