Santurtzik Euskal Eskola Publikoaren jaia ospatuko du igandean "Ehunetan" lelopean
Musika, kultura, gastronomia, jolasak eta haur, gazte zein helduentzako jarduerak izango dira, eskola publiko inklusibo, euskaldun eta berritzaile bat aldarrikatzeko bidean.
Euskal Eskola Publikoaren Jaiaren 33. edizioa ospatuko dute bihar, igandea, Santurtzin, "Ehunetan" lelopean. Bertan, kultur jarduerak, musika, ikuskizunak eta tailerrak izango dira, besteak beste, "Euskal Eskola Publikoa indartzeko eta ospatzeko bidean". Aurreko edizioetan bezala, ospakizunak helburu du eskola publikoa euskal hezkuntza sistemaren ardatz gisa aldarrikatzea.
"Komunitate hau osatzen dugun milaka pertsonen elkargunea izateaz gain, Eskola Publikoa ahalduntzea du helburu jaiak, eta egun aproposa bihurtu da Euskal Eskola Publikoaren berezko ezaugarriak ezagutarazteko: guztiona da, euskararen eta euskal kulturaren sustatzaile da, herrian errotua dago eta hezkuntza komunitatearen eta komunitate berritzailearen parte-hartzean oinarritua dago", adierazi zuten antolatzaileek aurkezpenean.
Urduñaren lekukoa hartu ondoren, biharko festa erraldoiak lau gune izango ditu:
Las Viñas Eskola
Las Viñas Eskola jaiaren gune nagusietako bat izango da. Egitaraua 11:00etan hasiko da, Loa eta Laiaren emanaldiarekin. 13:00etan, Sardina freskue antzerki musikatuaren txanda iritsiko da, eta 16:00etan, berriz, Go!azenen ikuskizuna, EITBren eskutik.
Gernika parkea
Gernika parkeak gastronomia eta musika uztartuko ditu, eta bazkari herrikoia hartuko du. Tiketak Gernika parkean bertan erosi ahalko dira. Halaber, Deiedra igoko da taula gainera 13:30ean, eta Bion Proyect, 15:00etan.
Parke Nagusia
Parke Nagusiak proposamen ugari bilduko ditu egun osoan zehar. Familiek PAIren jolasak, Jokairen joko mitologikoak, Makusi gunea, Athletic Fundazioaren puzgarriak eta tailerrak izango dituzte bertan etxeko guztien gozamenerako.
Gainera, Berria egunkariaren gunea egongo da, eta Asier Kidamenek magia saioa eskainiko du.
Portua
Agertoki nagusian, 12:30ean, Porrotx, Marimotots, Pupu eta Lore arituko dira, Zerua lapurtu dute ikuskizunarekin. Arratsaldean, 17:00etan, NAZen kontzertua egongo da, eta 18:30ean, Tapia eta Leturiarena.
Egun osoan hainbat jarduera izango dira, hala nola EROSKIren Elikadura Eskolaren gunea, herri kirolen erakustaldiak, Euskal Eskola Publikoaz Harro gunea, Kaiku Baserri Txokoa, BBK Jolasak...
Animazioa kaleetan
Santurtziko kaleetan zehar, Euskal Eskola Publikoaz Harro plataformak antolatutako kalejira egongo da, Reperkusion feminista batukadak lagunduta.
Zure interesekoa izan daiteke
Sutea piztu da Barrundiako zereal-finka batean
Suhiltzaileak lanean izan dira sua kontrolatzeko. Sutearen ondorioz, A-3022 errepidea itxi behar izan dute bi noranzkoetan.
Euskal Selekzioaren ofizialtasuna aldarrikatu dute ehunka herritarrek, Irun eta Hendaia artean
'Ofizialtasuna. Euskal Herritik mundura!' lelopean, Euskal Selekzioaren ofizialtasuna eskatu dute ehunka herritarrek, Irun eta Hendaia lotzen dituen zubian. Gure Eskuk, 7baietz eta Gu ere bai! taldeek deitu dute ekitaldia. Besteak beste, EAJko eta EH Bilduko ordezkariak izan dira bertan.
Baionan dena prest, bost egunez zuri eta gorriz janzteko
Bihar, uztailak 15, hasiko dira bestak, eta igandera arte, uztailak 19, ia milioi bat pertsona gerturatuko dira Lapurdiko hiriburura. Tradizioari jarraituz, arratsaldeko 17:00etan hasiko dira jaiak, herriko etxeko balkoitik hiriko giltzak botatzearekin batera. Ostiraletik aurrera, bestagunera sartzeko 15 euro ordaindu beharko dira.
Baso-sute bat piztu da Goizuetan
Aitasemegi parajean piztutako suteak larreak eta pagadi bat hartu ditu; oraingoz, ez da zauriturik izan.
Erraldoien azken dantza sanferminei agur esateko
Bederatzi eguneko festaren ondoren, Erraldoi eta Buruhandien Konpartsak azken dantza egin du Iruñeko Udaletxeko plazan, Ezpeleta jauregira itzuli aurretik. Haur eta helduek hunkituta agurtu dituzte erraldoiak, buruhandiak, kilikiak eta zaldikoak, datorren urtera arte.
Euskal Selekzioa-Palestina futbol partidan bildutako diruarekin dohaintza solidarioa egin dute
Partida horretan bildutakoarekin (600.000 eurotik gora) dohaintza solidarioa egin die Euskadiko Futbol Federazioak Mugarik Gabeko Medikuei, Gazara laguntza humanitarioa bidaltzeko.
Intentsitate altuko bigarren sexu-eraso bat izan da sanferminetan
Hala baieztatu du Joseba Asiron Iruñeko alkateak astearte goizean. Honekin, aurtengo jaietako bigarrena litzateke. Guztira, 25 salaketa egon dira; 22, ukituengatik.
Naturaren legea, Cabarcenon: Zambi elefante eme mitikoa hil egin da, taldekideen arteko borroka baten ostean
50 urteko Zambi 1994an iritsi zen Cabarcenora, Alemaniatik, eta parkeko emeen artean zaharrenetako bat zen. Gatazka astelehen honetan gertatu zen, kideen arteko hierarkia ezartzeko borroka batean; horrelako liskarrak ohikoak izaten dira. Lau kume izan zituen Zambik Chisco bere bikotekidearekin batera, eta biak ala biak funtsezkoak izan ziren parkeko ugalketa-programa arrakastatsuan.
Heriotza kopuruak % 3,7 egin du gora Euskadin 2025ean, 23.214 hildakorekin
Eustatek argitaratutako datuen arabera, 2024an baino 822 heriotza gehiago izan dira 2025ean Euskal Autonomia Erkidegoan, eta gorakada horrek EAEko hiru lurraldeetan eragina izan du. Heriotza-tasaren hazkunde hori 80 urtetik gorakoen taldean izan da bereziki, eta tumoreak dira heriotza-kausa nagusia.
Entzierroetako hesia kentzen hasi dira Iruñean, sanferminetako jaien amaieraren atarian
Sanferminetako zortzigarren eta azken entzierroa amaitu bezain pronto, hesia osatzen duten 2.700 taulak kentzen hasi dira Hermanos Aldaz zurgindegiko langileak. 365 egun besterik ez dira falta 2027ko sanferminetarako!