500 babesgune klimatiko daude Euskadin, beroaldiei aurre egiteko
Ihobe sozietate publikoak bultzatutako ekimenari esker, 11 udalerritako eremu publikoak egokitzen dira —hala nola liburutegiak eta parkeak— itzalguneak eta gune freskoak eskaintzeko. Milioi bat pertsonari baino gehiagori egiten die mesede, eta asmoa pertsona zaurgarrienak babestea da.
Euskadik 488 babesgune klimatiko ditu 11 udalerritan zehar banatuta, hala nola parkeak, liburutegiak eta gizarte-etxeak, herritarrei itzalguneak eta gune freskoak eskaintzeko muturreko bero-boladen aurrean. Bereziki pertsona zaurgarrienei zuzenduta daude, eta helburua da muturreko tenperaturek osasunean dituzten ondorio kaltegarriak arintzea.
Hiru hiriburuez gain (Gasteiz, Bilbo eta Donostia), honako herri hauek ere batu dira sarera: Amurrio (Araba), Barakaldo eta Gernika (Bizkaia), eta Bergara, Hernani, Irun, Pasaia eta Tolosa (Gipuzkoa). Ekimenak milioi bat herritarri baino gehiagori egingo dio mesede.
Ihobe sozietate publikoak, Eusko Jaurlaritzaren mende dagoenak, bultzatutako ekimenak aipatutako 11 udalerritako espazio publikoak egokitzen ditu itzalguneak eta gune freskoak eskaintzeko. Horretarako, udalei babesguneak identifikatzen, sortzen eta zabaltzen laguntzeko gida bat eta bereizgarri berezi bat argitaratu ditu, edonork guneok erraz identifikatu ditzan.
Eragina hilkortasun tasan
Tenperaturen igoera eta muturreko bero-boladak gero eta ohikoagoak dira eta horren eragina nabaria da, baita Euskadin ere. Urrutira gabe, joan den maiatzaren amaieran izandako bero-boladak 14 lagun hiltzea eragin zuela uste da EAEn, MoMo sistemaren arabera.
Aurreikuspenak
Adituen arabera, datozen hamarkadetan askoz egun gehiago izango ditugu 35 ºC-tik gorako tenperaturekin: Bizkaian eta Gipuzkoan, urtean hiruzpalau egun izatetik 16-17 izatera pasatuko dira mende amaieran, eta Araban, berriz, 4 egunetik 20 pasatxora.
Gainera, Eusko Jaurlaritzak aurkeztutako Euskadiko Klimaren Egoera txostenaren arabera, 1970etik Euskal Herriko tenperatura 0,3 °C igo da hamarkadako. Bero-bolada egunak, batez beste, 1970-2000 aldian 4 egun izatetik azken hamarkadan (2014-2023) ia 9 izatera igaro dira.
Zure interesekoa izan daiteke
12 dira hildakoak Los Gallardoseko sutean, Almerian, eta 23, desagertutakoak
Juanma Moreno Andaluziako presidenteak eman du albistea, eta argitu du zendutako ia gehienak atzerritarrak direla. Desagertutakoen harira esan du ez direla zertan hilda egon behar, "ezta gutxiago ere". Oraingoz, Guardia Zibilak ez du biktima gehiago topatu etxez etxe egindako miaketetan.
Belarrak hazteari utzi dio Aralarren, eta abeltzainak arduratuta daude
Aralarren zelaiak lehorrak daude eta egoera kezkagarria da abeltzaintzarako, hezetasun faltagatik belarrak hazteari utzi baitio. Gaur egun, 16.000 ardi, 1.100 behor, 1.200 behi eta 400 ahuntz inguru elikatzen dira larre hauetan. Mendian baliabiderik gabe geratuz gero, kontingentzia-planak aztertuko dituzte. Egoera honek kolpe ekonomiko handia dakar lehen sektorearentzat, eta jada ondorio zuzenak izaten ari dira.
Altza eta Pasaia artean Topoaren maiztasuna bikoiztuko dute uztailaren 18tik aurrera
Saihesbide berriari esker, Amararekin lotura 7,5 minutuan behin egingo dute trenek. Martxan jarri arte, hilabetez, ibilbide berrian trebatzen egon dira 150 makinista.
Linea elektrikoko zutoin baten erorketa izan daiteke Almeriako sutearen jatorria
Los Gallardos herritik gertu dagoen errepide bazter batean hasi zen sua, bi puntatan argindarra zuen kable apur bat tarteko. Haize biziaren ondorioz, bi orduan 15 kilometrotan barrena zabaldu zen sua.
Zuzendu dituzte euskaraz egindako baxoko matematikako azterketak
Proba euskaraz egiteko hautua egin zuten ikasleak zoriondu egin ditu Seaskak. "Egoera korapilatsua eta nahasgarria izan arren, ausardiaz eta erantzukizunez jokatu dute", esan du Ipar Euskal Herriko ikastolen federazioak.
Kamioien trafikoa debekatuta egongo da Euskadin abuztuaren 12an, eklipsea dela eta
CETMren arabera, neurri horrek nabarmen handituko ditu kate logistiko osoaren kostuak, eta erabakia berriz aztertzeko eskatu dio Eusko Jaurlaritzari.
Hamabi sexu-eraso salaketa eta hamar atxilotu, sanferminetako lehen lau egunetan
Aurtengo San Fermin jaiek bidearen erdia egin dutenean, Inma Jurio Nafarroako Gobernuko Barneko, Funtzio Publikoko eta Justiziako kontseilariak orain arteko segurtasun-balantzearen berri eman du.
Anderren heriotzaren gaineko erantzukizun polizialak eta politikoak argitzeko exijitu dute
Ekainaren 22an Santurtzin atxilotu eta bi egunera hil zen Ander 30 urteko gaztearen hilketa argitzeko zenbait herritarrek plataforma sortu dute. Santurtziko udaltzainek taser pistola batekin mendean hartu eta gero, ospitalean hil zen, koman egon ondoren. Ander “polizia indarkeriaren” biktima izan dela adierazi dute gaur.
Igandera arte luzatu dute beroagatik eta sute arriskuagatik EAEn ezarritako alerta laranja
Meteofrancek alerta laranja ezarri du larunbatera arte Ipar Euskal Herrian, eta Aemetek alerta laranja aktibatuko du igandean, Nafarroa erdialdean.
2026ko Sanferminek jaien bigarren hasiera bizi dute 'Txupinazo Txiki' -arekin
Sanferminetako bosgarren jai egun honetan protagonismo nagusia haurrentzat da, aurten bereziki. Lehendabiziko aldiz beraientzat propio jaurti delako txupinazoa. Ohore hori Buztintxuri Lehen Hezkuntzako hiru ikaslek jaso dute. Gari Arregui, Ane Loizate eta Ivanna Jimenez izan dira aukeratuak.