Hasi dira Pasaiako zubibide zaharra eta Topoaren geltoki zaharra eraisteko lanak
Lurpeko tren-saihesbide berria inauguratu eta bi egunera ekin dio Euskal Trenbide Sareak egitura eraisteari. Obrak Pasai Antxoko hirigunea biziberrituko du eta 2.800 metro koadro libratuko ditu.
Euskal Trenbide Sarea (ETS) Pasai Antxoko zubibide zaharra eta Topoaren geltoki zaharra desegiten hasi da, lurpeko trenbide-saihesbide berria inauguratu eta bi egunera. Izan ere, Altza-Galtzaraborda tren-saihesbidearen parte den lurpeko terminal berria ireki eta bi egunera hasi dira lanok. Egitura berriak harrera bikaina izan du, eta larunbatean zein igandean 6.200 bidaia baino gehiago erregistratu dira.
Susana Garcia Chueca Mugikortasun Jasangarriko sailburuak bertatik bertara ikuskatu du astelehen honetan Pasaian abiatutako lanen hasiera, eta Iñaki Arriola bere aurrekoak eta Izaskun Gomez herriko alkate ohiak hartutako konpromisoa bete dela nabarmendu du; terminal berria ireki ostean zubibide zaharra berehala eraitsiko zutela ziurtatu baitzuten.
Garcia Chuecak "kudeaketa bikainaren adibidetzat" jo du proiektua, eta obrak herritarrengan izango duen eragina gogorarazi du: "Udalerriko etxe batzuetatik metro gutxira zegoen egitura, eta bertako bizilagunek bizi-kalitate hobea izango dute bota ondoren".
12 hilabeteko iraupena lanek
Pasai Antxoko Topoaren zubibidea eraisteko lanek 12 hilabete iraungo dute. Obra zaila da, 386 metroko egitura kendu behar baitute, eta Molinao ibaiaren gaineko arku bikoitza kontserbatuko da.
Jarduketari esker hiri-hesia ezabatuko da eta 2.800 metro koadro libre geratuko dira. Etxebizitzak babesteko, inguruko eraikinak ikuskatuko dituzte eta egitura tubularrak erabiliko dituzte hautsa pilatzeko.
Zure interesekoa izan daiteke
36 urteko euskal mendizale bat larri zauritu da Asturiasen, eskalatzen ari zela harkaitz bat erorita
Antza denez, harria emakumea zegoen tokitik 300 bat metrora goragotik erori da. Garezurreko traumatismo larria izan du, eta Asturiasko Unibertsitate Ospitale Nagusira (HUCA) eraman dute.
Epailearen aurretik igarotzeko zain jarraitzen du Azpeitiko ustezko hiltzaileak
Ertzaintza haren bila ari zen asteartetik, eta azkenean, larunbat goizaldean, ustezko hiltzaileak bere burua entregatu du Ondarroako ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Ehunka lagunek harrera egin diote Freedom Flotillako ontziari Euskadin
Asteartera arte (hilak 8), Euskadin egoteko asmoa du. Egun horretan, Vigora abiatuko da, eta, ondoren, Mediterraneoko beste hainbat gunetara jarraituko du. Ontziak Bilbon egingo duen egonaldian, hainbat ekitaldi antolatu dituzte, besteak beste, hitzaldiak, emanaldiak, Palestinako azoka eta flotillako aktibistekin prentsaurrekoa.
25 urteko emakume bat atxilotu dute Eltziegon, bikotekidea harrapatzea leporatuta
Etxeko indarkeriaren esparruan hilketa-saiakera delitua egotzi diote. Gertaera larunbat goizean jazo da, 07:30ak aldera. Atxilotua polizia-etxera eraman dute eta, eginbideak amaitu ondoren, epailearen esku utziko dute.
20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
4.000 pertsona inguru bildu dira Donostiako Sagardo Egunean
Gipuzkoako 32 sagardotegitako sagardoak dastatzeko aukera eskaini dute. Trikitilari eta bertsolarien musikaz girotu dute eguna. Une hunkigarrienetako bat Jabier Ansorena eta Marian Matasen omenezko ekitaldia izan da.
Irailaren 5a Tokiko Memoria Demokratikoaren Egun izendatu dute Irunen
Irungo Udalak Tokiko Memoria Demokratikoaren Egun izendatu du irailaren 5a, Udaleko talde politiko guztien babesarekin. Kolpe militarra, gerra eta diktadura sufritu zituzten irundar guztiak oroitu dituzte gaur.
Ertzaintzak gizon bat atxilotu du Urdulizen, hiru pertsonari botilak jaurtitzea leporatuta
06:20 aldera jazo da erasoa, metro geltokitik gertu. 200 bat lagun bildu dira inguruetan. Atxilotua aurretik ere atxilotu dute antzeko gertakariengatik.
Behin-behineko espetxealdia ezarri diote Barakaldoko hilketaren susmagarriari
Barakaldoko lehen auzialdiko guardiako epaitegiak hartu du erabakia.
Hiru pertsona atxilotu dituzte Gernikan, 14 urteko neska haurdun bat ezkontzera behartzea egotzita
Hiru atxilotuak (adingabearen gurasoak eta 27 urteko gizon bat) behin-behinean aske utzi ditu epaileak. Hala ere, auzitegira joan beharko dute deitzen dituztenean. Halaber, 17 urteko mutil baten bila ari dira, haurraren ustezko aita, baina ez dute aurkitu.