Begiak kaltetu dituzu eklipsean? Medikuarengana joateko alerta-seinaleak
Erretinak ez du minik sentitzen eta kaltea ez da berehalakoan igartzen. Eguzki-eklipsea behatu eta ondorengo 4-12 ordutan heltzen dira lehenengo sintomak. Ezagutu ezazu alarma-seinaleak.
Agian eklipseari zuzenean begiratzeko gomendio guztiak jarraitu zenituen, baina despiste batean betaurrekoak kendu zenituen behar baino lehenago. Une horretan ezer nabaritzen ez bazenuen ere, erradiazioak erretina kaltetzen du minik eragin gabe. Funtsezkoa da lehen kalte-zantzuak ezagutzeak medikuarengana garaiz joateko.
Homologatu gabeko betaurrekoekin eklipseari zuzenean begiratzearen ondorioz erretinan sortutako kalteari eguzki-erretinopatia esaten zaio. Osakidetzak eta Espainiako Gobernuko Osasun Ministerioak ohartarazi dute ez duela berehalako minik eragiten, erretinak ez duelako minaren hartzailerik, baina lehen sintomak behaketatik 4-12 ordura agertzen dira.
Zeintzuk dira eklipsea behatu osteko alarma-seinaleak?
AEBko Oftalmologiako Ameriketako Akademiaren (AAO) eta Erresuma Batuko Osasun Zerbitzu Nazionalaren (NHS) arabera, hauek dira eguzki-erretinopatia baten alerta-seinaleak:
- Puntu itsua edo orban moduko bat ikusmenaren erdian: eremu ilun, gris edo garden bat agertzen da begi bat edo biak ikusteko gune zehatzean.
- Ikusmen lausoa edo murriztua: bat-batean garbitasuna edo ikusmen-zorroztasuna galtzen da, eta zailagoa da xehetasunak fokatzea, irakurtzea edo aurpegiak ezagutzea.
- Ikusmen-distortsioa: lerro zuzenak okertuak, kurbatuak edo uhinduak ikusten dira.
- Kolorearen pertzepzioaren alterazioa: koloreek intentsitatea galtzen dute, deslai, itzalita edo ñabardura alteratuekin hautematen dira.
- Argiarekiko sentiberatasuna (fotofobia): pantailen distiraren edo giro-argi arruntaren aurrean, deserosotasuna edo molestia nabarmena sentitzen da.
- Zefaleak: buruko mina edo begi-orbitaren inguruan aurkitutako ondoez arina.
Ba al dago begiko kaltea sendatzeko tratamendurik?
Sintoma horietako edozeinen aurrean, Osakidetzak ohiko osasun-zerbitzuekin edo larrialdi oftalmologikoko zerbitzuekin kontsultatzea aholkatzen du. Horrekin lotuta, Osakidetzak arreta oftalmologikoa indartuko du egun hauetan, eklipsea behatzeko behaketa desegokien ondorioz kontsulta kopurua handitzea espero delakoan. Horrela, hiru lurralde historikoetako erreferentziazko ospitaleetako larrialdietan oftalmologiako espezialistak egotea bermatuko da.
Zuzeneko behaketaren ondoriozko erretiniar kaltea "lesioa da, oro har ez mingarria, larria eta itzulezina izan daitekeena", "Evaluación Rápida de Riesgo del Trío de Eclipses 2026-2028" izeneko dokumentu ofizialean Espainiako Osasun Ministerioak gogoratu duenez. Ez dago tratamendu mediko edo kirurgiko espezifikorik, baina detekzio goiztiarra funtsezkoa da lesioa mugatzeko.
Zure interesekoa izan daiteke
30 pertsona baino gehiago artatu dituzte Osakidetzan eklipsearen ondorengo lehen orduetan, ikusmenean egindako balizko lesioengatik
Orain arte ez da "lesio larririk" atzeman herritarren artean. Artatutako lehen pertsonek "orban beltzak" edo "argitxoak" zituzten euren ikuseremuan, eta horietako batzuek "azkura" eta "min arina" ere zuten.
'Gaurik' laburrena, 11.000 metroko altueran
Iberiaren hegaldi berezi batek eklipsearen irudirik garbienak lortu zituen bart, hodei arriskurik gabe eta garbi-garbi, Palentziako probintzia zeharkatzen ari zela.
Emozioa eta ilusioa herritarren artean eklipsearen ondoren
Euskal Herrian, eguzki-eklipsea emozioz, harriduraz eta jai-giroan bizi izan dute, bereziki fenomenoa ikusteko jende ugari bildu den tokietan. Fenomenoaz gozatzeko aukera izan dutenek esperientzia paregabe eta historikotzat jo dute, ahaztezina.
Euskal Herria liluratuta gelditu da eguzki eklipse historikoarekin
EITBko kamerak euskal geografia osoan zehar egon dira esperientzia honen segundo bakoitza erregistratzeko.
Kontsumok eguzki-eklipsea ikusteko zazpi betaurreko modelo erretiratu ditu, begietako lesioak eragin ditzaketelako
Merkatutik kendutako azken modeloa Mó-ren 2508-RS003 da, Multiopticas markakoa, ilunegia delako.
Bilboko Konpartsak txosnak muntatzen hasi da eta 600 jarduera baino gehiago aurkeztu ditu Aste Nagusirako
Konpartsek hamar egun izango dituzte Areatza eraldatzeko, abuztuaren 22an Marijaia iritsi baino lehen. Bilboko Konpartsek azpimarratu dute ez dutela inolako erasorik onartuko jaietan, eta babesa adierazi diete manteroei eta ikuskizunetako teknikariei.
61 urteko gizon bat hil da Barakaldoko igerilekuetan
Sorosleek eta larrialdi-zerbitzuek suspertze-maniobrak egin dizkiote bainulariari, baina ezin izan dute haren bizitza salbatu.
67 urteko gizon bat hil da Allotz urtegian
Beste bainulari batzuek gizona uretatik atera dute eta bihotz-biriketako bizkortze maniobrak egin dizkiote larrialdi zerbitzuak iritsi diren arte, baina ezin izan dute ezer egin haren bizitza salbatzeko.
Eklipsearen ostean, gera zaitez zerura begira: Pertseiden izar-jasa dator
Aurtengo Ilberriak bolido distiratsuagoak ikusteko aukera eskainiko du, aurreko urteetan baino argitasun handiagoarekin.