Hil egin da Espinosa de los Monterosen (Burgos) traktore batek harrapatutako mutiko bizkaitarra
Ezbeharra pasa den larunbatean gertatu zen, eta, harrezkero, Gurutzetako ospitalean egon da larri.
Gurutzetako ospitalea, artxiboko irudi batean. Argazkia: EITB
Hil egin da, Espinosa de los Monteros herrian (Burgos) pasa den larunbatean traktore batek harrapatu zuen 8 urteko mutiko bizkaitarra, EITBk astearte honetan baieztatu ahal izan duenez. Larri zauritutako adin txikikoa Gurutzetako ospitalera eraman zuten, eta azkenean bertan hil da.
22:30ak baino minutu batzuk lehenago gertatu zen ezbeharra, Sancho Garcia plazan, oraindik argitzeke dauden arrazoiengatik.
112 larrialdi zerbitzuak abisua jaso bezain pronto bertaratu ziren Burgoseko trafikoko Guardia Zibila, COS Guardia Zibila eta Sacyl osasun-larrialdiak. Azken horrek oinarrizko bizi-euskarriko anbulantzia bat bidali zien Espinosa de los Monteroseko EAGko medikuei eta larrialdietako unitate medikalizatu (EEU) bat ere bai.
Guardia Zibilak ikerketa abiatu du gertatutakoa argitzeko. Lehen hipotesiaren arabera, haurra korrika sartu zen errepidera eta traktorearen gidariak ez zuen ikusi. Kolpe gogorrak jasan zituen buruan eta hanketan.
Espinosa de los Monterosko Udalak minutu bateko isilunea egingo du asteazken honetan, haurra gogoan. 12:00etan izango da, Sancho Garcia plazan.
Zure interesekoa izan daiteke
Labankadaz hil dute emakume bat Madrilen, eta hilketa matxista posibletzat ikertzen ari dira
Gasteiz eta Bilbo arteko N-222 errepidea itxita dago, kamioi batek istripua izan ondoren
4.700 lagun baino gehiago txertoguneen lehen egunean
Ibai azpiko tunelaren lanak hasi dira Sestaon
Bengoetxearen ustez, azterketak berriz planteatu behar dira, adimen artifizialaren eraginez
Gaixotasun profesionaltzat jo dute ospitale batean kutsatu zen zeladore baten covid iraunkorra
Sexuak eta maila ekonomikoak eragina dute osasunerako arrisku faktore nagusietan, OMEren arabera
Frankismoari lotutako bi kaleren izenak aldatuko dituzte Gasteizen, eta Paz Diaz de Espada eta Frida Kahlo deituko dira aurrerantzean
Osakidetzako filtrazioengatik epaitutako oposiziogileak aitaginarrebak prestatutako 50 galderetatik 48 asmatu zituen, lekuko baten arabera
