Normaltasunera itzuli dira BI-30 errepidean, Zamudion, istripu baten ondorioz sei kilometroko auto-pilaketak izan ostean

Istripua izan da BI-30 errepideko 17. kilometroan, Zamudion, Galdakaorako noranzkoan, eta 6 kilometroko auto-ilarak eragin ditu.

Bi autok talka egin dute, eta bi pertsona Gurutzetako Ospitalera eraman dituzte, arin zaurituta. 

Dena dela, Trafiko Zuzendaritzak jakitera eman duenez, 09:00ak pasata, istripua amaitutzat eman dute, eta zirkulazioa bere onera itzultzen hasi da.

Arazoak sortu dira A-8 errepidean, Arrigorriagan, Donostiarako norabidean. Bi ibilgailuk talka egin dute eta auto-ilarak sortu dira Malmasin tuneletako irteeran.