Bederatzi zauritu A-21 errepidean, Irunberrin, bost ibilgailuk talka eginda
Ezbeharra ostiraleko 18:17an jazo da, eta istripuan zauritutako zortzi pertsona Nafarroako Unibertsitate Ospitalera eraman dituzte. Zaurituek hainbat lesio dituzte, batez ere traumatismoak.
Talka A-21 errepidean, Irunberrin. Argazkia: Nafarroako Suhiltzaileak
Bederatzi pertsona zauritu dira ostiral arratsaldean A-21 errepidean, Irunberri parean, bost ibilgailuk talka eginda.
SOS Nafarroa 112 Larrialdiak Kudeatzeko Zentroak ostiraleko 18:17 aldera jaso du ezbeharraren berri, eta suhiltzaileak, anbulantziak, mediku talde bat eta Guardia Zibilaren patruilak bertaratu dira.
Ezbeharra A-21eko (Pirinioetako autobia) 29. kilometroan jazo da, Irunberrin, Jakarantz zihoazen bost ibilgailuk elkar jo dutenean.
Larrialdi zerbitzuek pertsona bat eraman dute Zangozako osasun-zentrora (arin zauritu da), eta zortzi pertsona Nafarroako Unibertsitate Ospitalera (Iruñea) eraman dituzte.
Zaurituek 55 eta 73 urte bitartean dituzte, eta lesioak egin dituzte, batez ere traumatismoak. Horietako lauk pronostiko erreserbatuko lesioak dituzte, eta gainerakoek, berriz, zauri arinak.
Guardia Zibilak eginbideak abiatu ditu gertatutakoa argitzeko.
Zure interesekoa izan daiteke
Jendetza dabil egunotan Getxon Kolonbiako Armadaren 'ARC Gloria' ontzia bisitatzeko
AHT batek Zaragozan jasan duen suteak Iruñeko tren zerbitzuari eragin dio
Giroa gori-gori Soleko kanpaldian: ultrek agur faxistak egin dituzte eta "Cara al sol" abestu dute
Arrazakeriaren eta faxismoaren aurrean, kultur aniztasuna aldarrikatu dute Iruñean
Durangoko jaietan Udaltzaingoaren aurkako erasoa salatu du Udalak
14 urteko ikasle batek bi irakasle tiroz zauritu ditu Frantzia hegoaldeko institutu batean
219.000 pertsonak eskatu dute hitzordua Osakidetzan gripearen aurkako txertoa hartzeko
Sute batek etxebizitza eraikin bat kiskali du Donostian
Inoizko bigarren irailik beroena izan da aurtengoa mundu mailan, Copernicusen arabera
