'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Euskaltegietako matrikulazio kanpaina ostegun honetan abiatu da, eta berritasun nagusia 'Euskara Bonua' da. Mekanismo horrek matrikularen kostua eta laguntzak eskatzeko izapideek dakarten burokrazia murrizten du, eta, gainera, malgutasuna eskaintzen die ikasleei.
Bonuari esker, euskara ikasten hasten direnek 120 euroko ordainketa bakarra egin eta lau urteko epea izango dute hasierako mailatik B1 mailara aurrera egiteko. Bestalde, aurreko ikasturteetan ikasten hasi direnek pixkanaka egingo dute sistema berrirako trantsizioa.
Eusko Jaurlaritzako Kultura eta Hizkuntza Politikako sailburu Ibone Bengoetxeak kanpaina aurkezteko ekitaldian parte hartu du Gasteizen, eta nabarmendu du 'Euskara Bonua'k sarbidea errazten duela, jarraitutasuna bultzatzen duela eta gero eta herritar gehiago "euskararen erabiltzaile independente" bihurtzea bilatzen duela.
Ekimen hori Eusko Jaurlaritzak euskararen ezagutza zabaltzeko duen estrategiaren barruan kokatzen da. 2022tik 2026ra bitartean, 25,1 milioi euro bideratu ditu laguntza-ildo ezberdinetara, eta 43.500 lagunek jaso dituzte laguntza horiek.
Umorezko mezuak
Azken hiru urteetan 100.000 pertsona igaro dira euskaltegietatik, eta orain erronka ez da gero eta pertsona gehiago hizkuntza hau ikasten hastea bakarrik, baita prozesuan aurrera egitea eta eguneroko bizitzan erabiltzeko gaitasuna lortzea ere.
Matrikulazio kanpaina berriak umoretik animatzen du urratsa ematera, honako mezu hauen bidez, besteak beste: "Euskaraz egingo duzun lehen elkarrizketa halamoduzkoa izango da. Lehen aldi guztietan bezala", "Spoilerra: inor ez zen hasi gatzaizkizu esaten", "Kaixo batek ate asko ireki ditzake" edo "Munduko hizkuntzarik bereziena, modurik errazenean irakasten dugu".
Zure interesekoa izan daiteke
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.
Salbuespenezko egoera deklaratu du berriro Bizkaiak, inoren kargura ez dauden adingabe migratzaileak hartzeko
Neurri horri esker, aldi baterako egoitza-baliabideak gaitu ahal izango dira, lurraldera iristen diren adingabeen arreta bermatzeko eta lehendik tenkatuta dagoen sarea arintzeko.
Ertzaintzak 6 pertsona atxilotu ditu Beasainen droga trafikoa eta talde kriminaleko kide izatea leporatuta
Senpere auzoko eraikin bat hustu dute, eta atxilotuez gain, 12 pertsona etxetik aterarazi dituzte. Agenteek kokaina, speeda eta saltzeko prest zegoen haxixa atzeman dituzte, besteak beste, baita garaje eta trastelekuetan lapurtutako hainbat objektu ere.
Chivitek iragarri du Ceutara iritsitako bost neska hartuko dituela Nafarroak
Nafarroako presidenteak azaldu duenez, bere Gobernuaren "politika ulertzeko" modua Ceutara iritsitako pertsona horiei "babesa" ematea da.
Albiste izango dira: Suizidioa Prebenitzeko Munduko Eguna, Yoyesen hilketaren 40. urteurrena eta medikuen greba
Gaurkoan Orain-en albiste izango direnen laburpena, bi hitzetan.
Adimen artifizialak hurrengo hamarkadan hilko gaitu?
Anthropiceko ikertzaile batek dimisioa eman du eta adimen artifizialak gizadia akabatu dezakeela ohartarazi du; enpresako beste arduradun batek, berriz, % 10 baino gehiagoan kokatu du hori gertatzeko probabilitatea.
Hainbat kilometroko auto-ilarak AP-8an Irunera bidean, Malmasingo tunela baino lehen izandako istripu baten ondorioz
Bi ibilgailuren arteko istripu bat izan da Malmasingo tunelaren aurretik, AP-8ko 114. kilometroan, Irungo noranzkoan, eta hainbat kilometroko auto-ilarak sortu dira. Erreietako bat itxita izan da.
65 urtetik gorako gizonek dituzte suizidio-ratio altuenak Hego Euskal Herrian
EITB Data azterlanaren datuek urte arteko aldakuntza gutxi dituen fenomeno bat marrazten dute, baina genero- eta adin-patroi argi batekin: suizidioaren ondoriozko heriotzak hirugarren adineko gizonen artean nabarmentzen den bitartean (36 kasu 100.000 biztanleko), pentsamendu suizidak ugariagoak dira emakume gazteenen artean.
Abuztua izan da mundu mailan inoiz erregistratu den hilabeterik beroena
Europa osoan, erregistroak daudenetik hirugarren udarik beroena izan da, 2024 eta 2022koen atzetik. Mendebaldeko Europaren kasuan, historiako beroena izan da, 2003koa gaindituz.