Kongresuko hainbat gune zigilatu dituzte esprai toxiko bat antzeman ondoren
Kontrol saioa dute Kongresuan, eta, hain zuzen ere, Kongresuko presidenteak PPko diputatu bat kanporatu du piperbeltz gasa erakusteagatik. Gertakariaren ondotik, piperbeltz gasa "behar den guztietan" eramango duela ohartarazi du diputatu popularrak.
Kongresuan zigilatutako guneetako bat. Argazkia: EFE
Diputatuen Kongresuko komunak eta inguruko beste gune batzuk zigilatu dituzte asteazken honetan, norbaitek toki horietan esprai toxiko bat hustu duelako, Espainiako behe ganberako iturriek jakitera eman dutenez. Gertaera hori tarteko, ustez piperbeltz gasa arnastu duen emakume bat artatu behar izan dute.
Zigilatutako instalazioak Ganberaren handitze eraikinetako batean daude, Kongresuaren Jauregiaren parean. Goizeko bederatziaz geroztik kontrol saioa egiten ari dira, hain zuzen ere, Kongresuan.
Goizeko hamarretarako bost minutu falta zirenean, Francina Armengol Kongresuko presidenteak Ana Vazquez PPko diputatua hemiziklotik kanporatu du "arma" bat, hots, piperbeltz gasa erakusteagatik.
Behe ganberako iturriek azaldu dutenez, 10:26an jaso dute abisua usain handia zegoela eta emakume bat botaka zegoela ohartaraziz.
Oraingoz ez dakite zer gertatu den eta Kongresuko segurtasun kamerak aztertzen ari dira gertakariaren jatorria argitzeko.
Piperbeltz gasa berriro eramango duela ohartarazi du Ana Vazquezek (PP)
Zure interesekoa izan daiteke
Azaroaren 21ean jarriko da martxan Donostiako Topoaren lurpeko pasabidea
Maila sozioekonomiko handieneko ikasleen notak ez dira PISA txostenean gehien jaitsi direnak, ikerlan baten arabera
Zeinu hizkuntzan jakin behar dituzun bost adierazpen
Lau urteko haur txinatar batek munduko errekor berria egin du Rubiken kuboa 4 segundoan osatuta
Ceutako Tarajaleko muga lasai antzean, sarrera masiboa izateko zantzuak gorabehera
76 urteko gizon baten gorpua aurkitu dute Orozkon, baso-sute bat itzaltzera zihoazela
Hainbat estatuk Espainiako Gobernuaren aurka egin dute euskararen ofizialtasuna EBren bidez lotzen saiatzeagatik
