30 pertsona inguru bizi ziren okupatutako pabilioi bat hustu dute Donostian
Ertzaintzaren jarduera istilurik eta gorabeherarik gabe amaitu da, barruan zeuden pertsonak euren kabuz atera direlako kaleratze agindua gauzatu baino lehen.
Herrerako pabiloi okupatuetako bat, Donostian. Argazkia: EITB
Donostiako Herrera auzoko pabilioi okupatuetako batean bizi ziren 30 pertsona inguru etxegabetu dituzte, gaur goizean kaleratze agindua bete egin baita. Ertzaintzaren jarduna istilurik gabe amaitu da, barruan zeuden pertsonak goizaldean euren kabuz atera direlako kaleratze agindua gauzatu baino lehen. Ondoren, eraikina zigilatu dute.
Eusko Jaurlaritzako Segurtasun Sailak jakinarazi duenez, ertzainak 08:00etarako joan dira, eta 09:00etan, segizio judiziala agertu denerako, ez zegoen inor barruan Jolastokieta kaleko 4. zenbakian.
10:00etan amaitu da operazioa, batere istilurik gabe eta ertzainek ez dute inor identifikatu.
Herritarron Harrera Sareak deituta, hainbat lagun babesa ematera bertaratu dira. Salatu dutenez, atzo jaso zuten kaleratze agindua eta boluntarioek jakinarazi behar izan diete 30 gazte horiei gaur kaleratu egingo zituztela. Halaber, kale gorrian gelditu direla eta ez dietela bizitegi alternatibarik eskaini nabarmendu dute.
Zure interesekoa izan daiteke
Donostiatik Bilboko aireportura goizeko lehen orduan joateko autobus zerbitzua izango da urte osoan
Zergatik izaten ari dira etxegabetzeak, maizterrak alokairua ordainduta ere?
"Gehiegizko prezioan erosi ezean, kalera": Erandion etxegabetzeko arriskuan dauden familien beldurra
Zientzialarien arabera, datozen hilabeteetan beroak ohi baino 451.000 heriotza gehiago eragingo ditu
Milaka protestarik "Ayusoren atikoa" Maricarmeni ematea eskatu dute
Anbulantzian etxegabetu dute 87 urteko Maricarmen, Madrilen
Emakume bat odoletan aurkitu dute kotxe batean Gasteizen, bikotekideak eraso ondoren
Gizon bat eta emakume bat espetxera bidali dituzte Gipuzkoan, adin txikiko senide bat prostituitzea egotzita
