Erreboltariak 'lurperatzearekin' mehatxatu du Gadafik

Muamar Gadafiren erregimena erreboltariak gaindituko dituela ziur agertu da eta "lurperatzearekin" mehatxatu ditu, Libiako telebistak pantailan idatzita zabaldutako mezuaren arabera.

"Herriaren Batzorde Nagusiak (Gobernuak) Libiako herria agurtzen du. Ziur gaude irabaziko dugula, horretarako edozein prezio ordaintzeko prest gaude", zioen mezuak. Era berean, erreboltariak Al Kaidari eta atzerriko herrialdeei lotuta daudela errepikatu dute.

Gadafiren aldeko Armadak aurrera egin arren, erreboltariek ekialdeko lur gehienak eta mendebaldeko batzuk kontrolatzen dituzte. Bitartean, Gadafiren eskuetan dauden hirietan errepresioa gero eta bortitzagoa da.