Gadafi: 'Mendebaldeak ez du sekula bakerik izango'
Muamar Gadagfi Libiako buruzagiak mehatxuak egin ditu Mendebaldearen kontra, Nazio Batuen Erakundeak militarki esku-hartzea onartu baino ordu batzuk lehenago.
NBEren ebazpenaren berri izan aurretik, diktadoreak Mediterranioa igarotzen duten hegazkin eta itsasontzi zibilen kontra erasoak egiteko mehatxua egin du, Libiaren kontrako "ekintza militarrak" gertatzen badira. Era berean, Benghaziren kontra eraso handi bat egingo duela iragarri du iraultzaileek ez badute amore ematen. Gainera, Mendebaldeak ez duela "sekula bakerik izango" esan du.
Atzo, Gadafik iragarri zuen su-etena emango zuela larunbatetik aurrera errebeldeen "errendizioa" errazteko; orain, ikusteko dago NBEren erabakiaren berri izanda, zer egingo duen.
Epe horixe eman du Libiako erregimenak iraultza amaitzeko, gaur gauean tropak Benghazira iritsiko direla eta errenditzen ez direnekin "gupidarik" ez dutela izango jakinarazi baitu Gadafik.
Buruzagi libiarrak berretsi du "bonbardaketa handiak" egingo dituztela hiri horren kontra eta ez dutela "traidoreekiko errukirik izango". Franco Gerra Zibilean Madrilera sartu zenean bezala sartuko omen da Gadafiren Armada Benghazi hirira.
"Libiarrak haien artean hilko dira"
NBEren erabakiaren berri izan eta berehala, Jaled Keem Libiako Atzerri Gaietarako ministroak esan du herrialderen batek iraultzaileei armak ematen badizkie "libiarrak haien artean hiltzeko" laguntza emango duela.
Libiako estatuko telebistan eman duten prentsaurreko batean Keemek azaldu duenez, NBEren ebazpena "modu positiboan" aztertuko dute eta "herrialde osoko zibilak babestuz" erantzungo diote.
"Gure Armadaren eta segurtasun indarren helburua zibilak babestea eta elikagaiak eta sendagaiak helaraztea izango da", gaineratu du.
Zure interesekoa izan daiteke
Ebolagatik hildakoak 100 baino gehiago dira Afrikako Batasunaren arabera, eta larrialdi kontinentala ezarri du
Afrikako Batasuneko osasun publikoko agentziak ohartarazi duenez, ebola agerraldia Kongoko Errepublika Demokratikoko ingurune konplexu batean atzeman dute: mugikortasun handiko ingurua da eta osasun sistema, berriz, ahula.
Osasunaren Mundu Erakundeak ohartarazi du egungo finantzaketa ez dela nahikoa etorkizuneko pandemia "are handiagoei" aurre egiteko
Egoera oso bestelakoa da duela hamar urtekoarekin alderatuta: mundua zatituago dago, zorpetuago eta herritarrak babesteko gaitasun txikiagoarekin. Ondorioz, osasun krisien ondorioak are suntsitzaileagoak izan litezke gizartean eta ekonomian.
Amnesty Internationalek ohartarazi du iaz heriotza-zigorrak % 78 igo zirela, 1981tik hona izandako kopururik handienera iritsi arte
2.707 kasu erregistratu ziren 2025ean, erakundeak 44 urtetan erregistratutako kopururik handiena. Exekuzio horien ia % 80 Iranen burutu ziren.
"Hondius" gurutzaontzia Rotterdamera iritsi da, garbiketa eta desinfekzio lanetarako
Itsasontzian zihoazen 27 lagunei osasun probak egingo dizkiete eta berrogeialdia egin beharko dute.
91 lagun hil dira dagoeneko Kongoko Errepublika Demokratikoan, ustez ebolak jota
Kongoko Errepublika Demokratikoko Osasun Ministerioaren arabera, kutsatutakoak, berriz, 350 dira.
Gazara zihoan beste flotilla bateko itsasontziak atzeman ditu Israelgo Armadak
Joan den ostegunean Turkiatik atera ziren ontziak. Israelgo Itsas Armadak ontzidia osatzen duten 57 ontzietatik 10 geldiarazi dituelakoan daude.
Txinak urtean gutxienez 17.000 milioi dolar gastatuko ditu AEBetako nekazaritza-produktuetan
Etxe Zuriak ohar batean jakitera eman duenez, bi buruzagiek lortu dituzten akordioak "mundu osoko enpresen eta kontsumitzaileen egonkortasuna eta konfiantza hobetuko dute".
Kubako Gobernuak gida bat zabaldu du eraso militar baten aurrean babesteko
"Babestu, eutsi, biziraun eta garaitu" dokumentuak hainbat gomendio biltzen ditu, hala nola edateko urarekin, elikagaiekin, irratiarekin, linternekin, botikinekin eta higiene-gaiekin motxila bat prestatzea. Horrez gain, aireko alarma-seinaleei eman beharreko arretaren berri jasotzen da.
OMEk "nazioarteko osasun publikoko larrialdia" deklaratu du Kongon eta Ugandan atzemandako ebola agerraldia dela eta
Zortzi kasu baieztatu dira Kongon, eta 246 kasu susmagarri eta 80 heriotza posible daude. Ugandan ere baieztatu dituzte kasuak.
'Hondius' ontzian bidaiatu zuen kanadar batek positibo eman du hantabirusean
Kasu honekin, jada 12 dira hantabirusak kutsatutako gurutzaontziko bidaiariak. Bestalde, Madrilen ospitaleratutako 70 urteko espainiarra egonkor dago eta hobera egiten ari da. Ez dago infomaziorik Frantzian oso larri ospitaleratuta dagoen 65 urteko emakumearen inguruan.