Koalizioak Tripoli bonbardatu du eta Gadafik bigarren su-etena agindu
Koalizioko indarrek bonbardaketei ekin diete berriro eta Tripoli hiriburua erasotzen ari dira "hegazkinetatik bonbak etengabe jaurtiz".
Gadafiren aldekoek eraso horiei aurre egiten ari dira aire-erasoak saihesteko artilleria erabiliz. AlJazeera telebista katearen arabera, Tripoliko zerura tiro egiten ari dira, koalizioaren hegazkinen joan-etorria gelditzeko.
Telebista kateak dioenez, tiroak Bab El Aziziya Gadafiren jauregitik eta Tripoliko hirigunetik ateratzen dira.
Hala ere, Libiako Armadako bozeramaile batek adierazi duenez, Gadafiren tropek su-etena deitu dute. Su-eten hori 21:00etatik (20:00ak Euskadin) aurrera sartu da indarrean.
Tripoliz gain, koalizioaren indarrek bost hiri eraso dituzte, Syrte Gadafiren jaioterria barne.
Matxinoak, Ajdabiyatik gertu
Matxinoak Ajdabiyara bidean dira, aliatuen bonbardaketek Muamar Gadafiren Armada ahuldu eta gero. Konkretuki, hiri estrategiko honetara daraman errepidean daude.
Matxinoek bonbardaketa gehiago egotea espero dute arerioak gehiago ahuldu eta hirira sartzeko aukera izateko. Ajdabiya erreboltarien esku izan zen duela pare bat egun Gadafiren tropek bertatik bota zituzten arte.
Matxinoak hiritik 10 kilometrora daude, gurutzebide batean, Bengasira daraman bidea eta Tobruk petroliogunera daramanaren artean.
Bestalde, eta Abdelhafid Ghoga Libiako Trantsizio Kontseiluko (CNT) bozeramaile eta presidenteordearen arabera, 8.000 pertsona hil dira iragan otsailean Muamar al Gadafiren erregimenarekin amaitzeko protestak hasi zirenetik.
Aire-eremua, itxita
Koalizioa osatzen duten herrialdeek aire-eremuaren itxiera inposatu dute Libian, adierazi du Mike Mullen AEBetako almiranteak CBS telebista-kateari emandako elkarrizketan.
Atzo arratsaldean abiatu zuten ''Egunsentiko Odisea'' izeneko operazioa. Ordutik, AEBek, Frantziak eta Erresuma Batuak airez eta itsasoz egindako erasoen ondorioz, aire-eremua inposatzea lortu dute. Horrela, NBEko Segurtasun Kontseiluak ostegunean adostutako 1973 ebazpena ezarri dute.
Nazioarteko koalizioak ez ditu erasoak eten; gaur, igandean, Frantziako eta Erresuma Batuko hegazkinek Libiako aire-defentsa sistema izan dute jomuga.
NATOk, erabaki atzeratu du erabakirik
NATOko kideen enbaxadoreek Libian esku hartzeko erabakia atzeratzea adostu dute, nahiz eta aliatuek eraso planekin aurrera egiten jarraitu duten Bruselan asteburu osoan egindako bileretan.
Hogeitazortzi herrialdeen ordezkariek ez dute, beraz, Libian esku-hartzeko akordiorik lortu "oraindik". Aliatuen iturriek hurrengo orduetan erabaki berrirki hartzea baztertu dute.
Hala ere, asmo militarrak islatzeko planen bat adostea posiblea dela argitu dute.
Zure interesekoa izan daiteke
SpaceXen kohete batek Ilargiaren kontra talka egin duela esan du NASAk, baina adierazi du ez duela arriskurik ekarriko
2025eko urtarrilean jaurtitako Falcon 9 kohete baten goiko zatiak, planifikatu gabe, talka egin du Ilargiaren gainazalarekin, eguzki-jardueraren eta grabitate-indarren konbinazio baten ondorioz.
Iranek eta Omanek Ormuzen nabigatzeko bide berri bat adostu dute
Itsasarteko bide berri hori egiteko akordioa lortu izanak ez du esan nahi berriro irekiko dutenik, Iranek zehaztu duenaren arabera, AEBren eta Israelen arteko erasoaldi militarraren ondorioz itxi baitzuten.
Marokok dozenaka pertsona auzipetu ditu Ceutako krisiarekin lotutako delituengatik
Marokoko Giza Eskubideen Elkartearen arabera, 34 pertsona auzipetu dituzte Tetuanen (tartean, bost adingabe) eta 52, Nadorren.
Danubiok bere sekretuak agerian utzi ditu lehortearen ondoren: mamut baten aztarnak eta nazien ontziak azalera atera dira
Danubio ibaiak, Europako bigarren luzeenak, lehorte historikoa bizi du, eta bere ur-emaria murriztu denez, iraganeko aztarna harrigarriak utzi ditu agerian: mamut baten aztarnak azaldu dira Bulgarian, eta Bigarren Mundu Gerran hondoratutako dozenaka ontzi ikusgai geratu dira Serbian.
Gutxienez 14 pertsona hil eta 27 zauritu dira Errusiak Kiev eskualdean gauez egindako erasoetan
Brovary barrutian "sute handiak" izan dira biltegi batzuetan, eta baita Velyka Dymerka, Kvitneve eta Peremoga herrietan ere. Astearte honetan, Volodimir Zelensky Ukrainako presidenteak Errusiaren aurkako operazio gehiago egitekotan zela iragarri osteko erantzun gisa egin ditu Moskuk azken erasoak.
Bruselak esan du EBk "lanak ondo" egin dituela Ceutan, eta "migrazio erreformak bizkortzeko" eskatu du
Magnus Brunner Europako Barne eta Migrazio komisarioaren hitzetan, Ceutan lehertutako krisitik ateratako ondorio nagusia da Europar Batasuneko kideek "bat eginda" kudeatu behar dituztela migrazio politikak.
EBko Barne ministroek Ceutako krisia aztertuko dute gaur, ezohiko bilera batean
Europar Batasuneko Barne Ministroen Ezohiko Kontseilua gaur bilduko da, Espainiak eskatuta eta 22 estatu kidek babestuta, Ceutako migrazio-krisia aztertzeko eta Marokotik etorritakoen gorakadari erantzun bateratua emateko.
Marokok mafiei, desinformazioari eta itzulketei buruzko gaizki-ulertuei egotzi die Ceutako krisia
Marokoko Barne Ministerioak migratzaileak Ceutan masiboki sartu izanari buruzko lehen balorazioa egin du, eta 11 pertsona hil direla adierazi du. Rabaten esanetan, giza trafikoko sareek, desinformazio kanpainek eta Espainiako Auzitegi Gorenaren epai baten interpretazio okerrak eragin dute egoera. Epai horren ondorioez ohartarazi zion Marokok Espainiari, bertako iturri baten arabera.
Ormuzko itsasartearen eta Iranen desnuklearizazioaren inguruko akordioa "berehala" helduko dela uste du Trumpek
Ameriketako Estatu Batuetako presidenteak adierazi duenez, gaur arratsaldean bilduko da Teheranekin, Golkoko zenbait herrialderen eskaeraren ostean. Irango Atzerri ministroaren arabera, ordea, Washingtonek ez du Ormuzko itsasartearen inguruko elkarrizketetan parte hartzen.
Idahoko tiroketaren osteko izua: bideo batek jendea oihuka ihesi erakusten du
Auto batetik grabatutako irudietan hainbat pertsona korrika ihesi hasten diren unea ikus daiteke, tiroketa baten berri izan ostean. Gutxienez hiru pertsona hil dira, eta bi zauritu. Ustezko erasotzailea hilda aurkitu dute bertan.