Obama, homosexualen ezkontzen aldeko lehenengo presidentea
Barack Obama AEBetako presidentea homosexualen ezkontzak legalizatzearen alde agertu da, ABC Newsen egin dioten elkarrizketa batean. Hala ere, bere iritzi pertsonala dela eta homosexualen ezkontzan legeztatzeko eskumena estatuena dela aitortu du.
Obamak azaldu duenez, bere pentsaera aldatu egin da Gobernuan dauden homosexualekin, emaztearekin eta alabekin hitz egin ondoren. Dena dela, azkenaldian Alderdi Demokratako agintariek eta Joe Biden presidenteordeak berak presioa egin diote ezkontza horien alde ager zedin.
"Nire erabakiengatik bizitza arriskatzen duten soldadu, pilotu eta marineak ezkondu ezin dutelako atsekabetuta sentitzen direla ohartu nintzenean konturatu nintzen garrantzitsua zela pauso bat ematea eta sexu bereko pertsonek ezkontzeko eskubidea izan behar dutela aldarrikatzea", adierazi du presidenteak.
Obamak esan du bere iritzi pertsonala dela, baina estatubatuar gehiagok iritziarekin bat egitea espero duela, izan ere, bere alabak ere eroso sentitzen omen dira lagunen guraso homosexualekin.
2004an ez zuen gauza bera esaten
Obamak azpimarratu du Michelle emaztea ere iritzi berekoa dela. Orain arte, aldiz, Obama sexu bereko bi pertsonen batasun zibilaren alde agertu izan da, baina "matrimonio" gisa onartu gabe.
Obamak 2004an, Senaturako hauteskundeetan, esan zuen kristaua zela eta matrimonioa "emakumearen eta gizonen arteko lotura sakratua" zela. 2008ko hauteskundeetarako kanpainan matrimonio izendatzearen kontra agertu zen, baina batasun zibilen alde egin zuen.
Aurrekanpaina
Presidenteak hauteskundeei egingo die aurre azaroan, beraz, ezkontza homosexualen aldeko jarrerak eragina izan dezake emaitzetan. Asteartean Ipar Karolinako herritarrek ezkontza horien kontra bozkatu zuten.
Alderdi Errepublikanoko hautagai izango denak, Mitt Romneyk, argi adierazi izan du ezkontza homosexualen kontrako iritzia. 2004an Massachusetts izan zen ezkontza horiek baimendu zituen lehenengo estatua eta Romneyk, bertako gobernadorea zenez, Justiziara jo zuen baimena bertan behera uzten saiatzeko.
Zure interesekoa izan daiteke
Emakume batek hondakinen artean izan du umea Venezuelan
Emakumea erreskatatzen ari zirenean hasi zen erditzen, kaosaren eta hondamendiaren erdian. Erreskate-taldeen lanari esker, ama eta jaioberria bizirik atera zituzten. Gertakari horrek itxaropena piztu du, tragediaren kontrapuntua baita; erreskate-taldeak erlojuaren aurka ari dira lanean, lurrikarak izan ostean hondakinen artean harrapatuta geratu diren pertsonak bizirik erreskatatzeko.
Erlojuaren aurka bila ari dira Venezuelan, lurrikararen ostean bizirik atera direnak erreskatatzeko
Ameriketako Estatu Batuek (AEB) laguntza taldeak eta baliabide logistikoak zabalduko dituzte Venezuelan bi lurrikara bortitzek eragindako kalteei aurre egiteko. Ehunka hildako eta milaka zauritu zenbatu dituzte jada.
Bi lurrikara gogorrek Venezuela astindu dute eta, gutxienez, 235 hildako eta 4.300 zauritu utzi dituzte
Venezuelako agintariek larrialdi egoera ezarri dute, eta nazioarteari laguntza eskatu diote. AEBko Zerbitzu Geologikoaren arabera, hildakoen kopurua 10.000 eta 100.000 artekoa izan liteke.
Honela jazo dira Venezuelako lurrikarak: bi seismo, minutu bat baino gutxiagoan
Dardara indartsu horiek 280 eraikin ingururi eragin diete, batez ere La Guaira estatuan, eskualde kaltetuena izan baita. Horrez gain, kalte handiak izan dira Caraballedako eta Hondartza Handiko eremuetan. Lurrikara bortitzen ondoren, 30 erreplika izan dira, bereziki La Guaira, Caracas eta Yaracuy estatuak astindu dituztenak.
Euskal jatorriko emakume bat hil da eta beste bi euskal herritar daude desagertuta Venezuelako lurrikaren ostean
Hainbat orduz bila aritu ostean, Alazne Solabarrietaren familiak haren heriotza baieztatu du. Bestalde, Bilboko Venezuelarren Plataformak euskal jatorriko beste emakume baten desagerpenaren berri eman du. Gainera, EITBk jakin ahal izan du ez dagoela 67 urteko bizkaitar jatorriko gizon baten berririk.
Mikel Moreno, Caracasen bizi den euskal herritarra: "Eroritako eraikin, zubi eta zuhaitz asko ikusi ditugu"
Mikel La Guairan zegoen lurrikara hasi denean, eta, Agustin, Caracasen. Mikelek etxera itzultzea erabaki du, hiriburura. Ordubetean egiten den ibilbidea osatzeko, ordea, bost ordu behar izan ditu. Ez du ikusitakoa ahaztuko. Erreplikak behin eta berriz nabaritzen dituzte, eta nazioarteko laguntza eskatu dute egoerari aurre egiteko.
Venezuelarekin bat egin du munduak, eta gobernu askok laguntza eskaini dute lurrikaren ostean
Albistearen berri izan orduko mundu osoko gobernu eta erakundeek babesa eta laguntza eskaini diete Venezuelako gobernuari eta herritarrei.
Agustin Otxotorena, Venezuelan bizi den euskal herritarra: "Egunak argitzen duenean, gauza latzak ikusiko ditugu"
Agustin Otxotorena Venezuelan bizi den euskaldunari elkarrizketa egin diote Egun Onen, bertan izan diren lurrikarak direla eta. Dioenez, hainbat eraikin erori dira, baina oraindik gaua da han, hortaz, ezin dute balantzerik egin oraindik.
Europa itolarrian, beroaren ondorioz
Kontinenteak egunak daramatza ezohiko tenperatura altuak jasaten. Beroari aurre egiteko egokituta ez dauden herrialdeak dira gehienak eta herritarrak ahal duten moduan ari dira egun hauek igarotzen. Okerrena, gainera, etortzeko dago herrialde horietan.
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.