Errusiak eta Txinak betoa jarri diote Siriako irtenbide proiektuari

Errusiak eta Txinak NBEren Segurtasun Kontseiluan Siriako Bachar Al Asad Siriako presidentearen erregimenari zigorrak jartzearen aldeko irtenbide proiektuari betoa jarri diote.

Nazio Batuen Erakundeko Segurtasun kontseiluak (uztailean Kolonbia du buru), ezin izan du Siriako indarkeria amaitzeko irtenbidean adostasun batera iritsi. Moskuk eta Pekinek kontrako botoa eman dute, Pakistanek eta Hegoafrikak ez dute botorik eman eta gainerako hamaika herrialdeek aldekoa botoa eman dute.

Aldeko botoa eman duten herrialdeak honako hauek izan dira: Estatu Batuak, Frantzia, Erresuma Batua, Alemania, Portugal, Kolonbia, Guatemala, India, Azerbaiyan eta Togo. Marokok, Nazio Batuen Erakundean herrialde arabiarren taldeko ordezkariak, ere aldeko botoa eman du.

“Oso triste nago. Sirian pasatzen ari dena zabaltzen ari da. 3.000 hildako zeuden eta betoa izan genuen, 7.000 hildako eta betoa, eta, orain, 17.000 hildakorekin ere betoa jaso dugu. Herrialde haiei noiz onartuko duten mugitzea galdetu beharko litzaieke”, esan du Gerard Araud NBEko Frantziako enbaxadoreak.

Europar Batasuna, Siriarentzako zigor berriak prestatzen

Europar Batasuna Siriako erregimenaren kontrako zigorrak indartzea prestatzen ari da, itsasontzi eta abioi susmagarriak erregistratzea barne.

Halaber, Europar Batasuna 25 bat pertsona sartzea pentsatzen ari da zigor ekonomikoak jasoko dituztenen zerrendan.