Homosexualen arteko ezkontzak Frantzian: Jarrera homofoboenak, agerian
Iritsi da eguna. Frantzia tradizional eta katolikoenaren oihartzun handiko protestek ez dute atzera bota Hollanden kanpaina-promesa garrantzitsuenetako bat.
Arratsaldeko 16:00 pasatxo, Frantziako Asanblea Nazionalean, alderdi politiko bakoitzak bere botoaren zergaitia azalduko du eta ondoren, sexu bereko bikoteei ezkontzen eta adoptatzen utziko dien legea onartuko da. Asanblean den ezkerreko gehiengoarekin, ezkontza homosexualak baimentzen dituen 14. herrialdea bihurtuko da Frantzia.
Textuak espero bezala egingo du aurrera, baina ezkontza homosexualen inguruan piztutako eztabaidan dago orain kezka. Legearen aurkariek Parlamentuan gerra galdutzat eman badute ere, kaleetan borrokarako prest segitzen dute. Eta badirudi azken aldiko protestek jarrera homofoboenak indartu dituztela Frantzian.
Hori gutxi ez eta azken orduetan heriotza-mehatxuak ere izan dira. Atzo Asanblea Nazionaleko presidenteak bolbora zeraman ezkutitza jaso zuen. Horrekin batera ohar bat: "gure metodoak, manifestazioak baino eraginkorragoak dira. Gerra eskatu duzue, eta gerra izango duzue" zioen oharrak.
Hollanden gobernuak espero du tentsio giroa lasaitzea behin testua onartuta, baina ezkontza homosexualen aurkarientzat, Asanblean gaur emango den bozketak ez du ezer aldatzen. Eskuinak konstituzionalera joko du aste honetan bertan eta maiatza bukaeran ezagutuko da Batzorde Konstituzionalaren erabakia. Han ere jaramonik egiten ez bazaie, familia tradizionalaren defendatzaile sutsuenek Hollanden legealdi bukaeraraino protesta egitearekin mehatxatu dute.
Zure interesekoa izan daiteke
Baso-suteek ez dute tregoarik ematen Europan
Dozenaka sutek kontinente osoa kiskali dute uda honetan. Baso Suteei buruzko Europako Informazio Sistemaren (EFFIS) datuen arabera, abuztuaren 12ra arte 576.027 hektarea erre ziren lurraldean. Hauek dira sugarren suntsipena erakusten duten satelite-irudi batzuk.
AEB eta Iran bake-elkarrizketa "estraofizialak" egiten ari dira, Trumpen arabera
Bake Memorandumean ezarritako 60 eguneko epea amaitzen den egunean, AEBko presidenteak berretsi du Iranek amore eman beharko lukeela. Horrez gainera, Oman bonbardatzearekin ere mehatxu egin du, honek Ormuzeko itsasartearen kudeaketan esku hartuko balu.
AEBk Hego Korearekin ariketa militar bateratuak murriztuko dituela iragarri du Trumpek
Estatu Batuetako presidenteak igande honetan iragarri duenez, Seulek Iranen aurkako gerrarekin bat egiteari uko egin duelako eta Kim Jong Un buruzagi iparkorearrarekin duen "harreman bikaina" duelako hartu du erabakia.
Landetako azken sutea kontrolatzea lortu dute, eta ebakuatuetako batzuk etxera itzuli ahal izango dute
Landetako prefekturako idazkari nagusiak ohartarazi duenez, baina, "sua kontrolatua egoteak ez du esan nahi itzalita dagoenik; beraz, oso erne egon behar dugu".
Bere jarrera "defentsiboa" "erasokorra" izango dela esan du Iranek eta "ezustekoak" iragarri ditu
"AEBetako indar erasotzaileetako kide bat harrapatzen edo hiltzen duen edonork 30.000 dolar (21.500 euro inguru) edo 5.000 milioi rial irandar jasoko ditu", iragarri du Hatami generalak IRNA albiste agentziak jasotako adierazpenetan.
Hamar palestinar zauritu dituzte, bi tiroz, Israelgo kolonoek Zisjordanian egindako beste erasoa batean
Aita Santuak "Zisjordaniako populazio zibil palestinarraren aurkako indarkeriak bertan behera uztea" eskatu du, eta nazioarteko komunitateari premiaz eskatu dio "bi Estatuen konponbidea aurrera eraman dezatela, bake justu eta iraunkor baterako".
Gazan "gauero 30-40 pertsona hiltzeko" deia egin du Ben Gvir Israelgo ministroak
"Uste dut hilketa selektiboak egin beharko liratekeela Gazan, gauero 30-40 pertsona desagerraraziz. Ez soilik berehalako mehatxua direnak; badira han bizitzea merezi ez duten pertsonak. Ez lukete bizi behar. Ez dira pertsonak ere", esan du Segurtasun ministroak.
Landetako suteak hobera egin du, baina oraindik ez dute kontrolpean
Suak 1.700 hektareari eragin dio jada eta 550 suhiltzaile inguru ari dira itzaltzeko lanetan. 650 lagun atera behar izan dituzte euren etxeetatik eta kanpingetatik eta 50 pertsonak gaur gauean itzultzeko baimena jaso dute.
AEBk Hamasi hitzeman dio Israel Gazatik erretiratuko dela armagabetzeak aurrera egin ahala
Jared Kushnerrek Egipton azpimarratu du 2025ean adostutako bake-plana ez dela berriro negoziatuko eta haren baldintzak beteko direla.
Landetako baso-sutea berpiztu egin da eta 1.600 hektarea erre ditu
Luglon udalerriaren hegoaldean hasi zen sua, Mont-de-Marsanetik 30 kilometrora, eta Garein ingurura zabaldu da. 700 pertsona inguru ebakuatu dituzte prebentzioz.