Alec Reid apaiz iparrirlandarra hil da
Alec Reic apaiz katolikoa Dublingo erietxe batean zendu da, gaur goizaldean, 82 urte zituela. Ipar Irlandako bake prozesuaren ikurretako bat izan zen, bitartekari lan oso garrantzitsua egin zuelako gatazkaren bi aldeen artean, Gobernu britainiarraren eta mugimendu errepublikanoaren artean. IRAren desarmearen lekukoetako bat izan zen, eta Euskal Herrian ere oso ezaguna da, hemengo bake prozesuari egin dion ekarpenenarengatik. Ipar Irlandako bake prozesua bideratuta, bere ezagutzak munduko beste gatazka batzuetara helarazi zituen Reidek. Euskal Herriko bake prozesuaren alde lan handia egin zuen: Euskal elizaren bitartekaritzari esker, ETAren 2006ko su etenaren ondotik abian jarritako bake prozesuan parte hartze zuzena izan zuen. Garai hartan, egonaldi luzeak egin zituen Euskal Herrian eta isileko bilera asko egin zituen erakunde eta alderdiekin. Bake prozesu hark gerora porrot egin bazuen ere, sukaldeko lan handia egin zuen Reidek.
Erredentziotar ordenakoa zen, eta Belfast iparraldeko Clonard monasterioan igaro zituen bere bizitzako urterik gehienak, 40 urte baino gehiago. Bertatik jarraitu zuen protestanteen eta katolikoen arteko gatazka.
Tipperary (Irlanda) konderrian jaio zen, eta Irlandako bake prozesuan bere zeregina ezinbestekoa izan zen. Gerry Adams Sinn Feineko presidentearen eta John Hume SDLP alderdi laboristako buruaren artean, bitartekaritza lan mamitsua egin zuen Reidek. Isilpeko negoziazio haien ondotik etorri ziren bake prozesuaren abiapuntu izan ziren urratsak: IRAren su-etena eta Britainia Handiko Gobernuarekin abian jarri zen negoziazio prozesua.
1998ko apirilean, Ostiral Santuko Akordioa izenpetuta, indarkeria betiko desagertzeko ahaleginean lan emankorra egin zuen apaiz katolikoak. 2005ean IRAren desarmearen lekukoetako bat izan zen, Harold Good apaiz protestantearekin batera.
Mundu osoan oso ezaguna izan zen irudi bat utzi du Alec Reidek, Ipar Irlandako gatazkaren irudietako bat izan zena: 1988an, Belfasten, IRAko hainbat kideren aldeko hiletetan bi soldadu britainiar tiroz hil zituzten, eta Reid apaiza, gorpuetako baten aldamenean, belauniko jarri zen, eta azken igurtzia eman zion.
Bake prozesuren aldeko lan eskerga
Martin McGuinnes Sinn Feineko kideak Reiden ibilbidea txalotu eta haren izaera "umila" goraipatu du. Bake prozesuari egindako ekarpena "izugarria" izan dela adierazi du McGuinnesek. Bestalde, Gerry Adamsek "tristura handia" sentitzen duela adierazi du, "bake prozesuaren ikurretako bat galdu dugulako". Clonard monasteriotik, "bake prozesuaren sehaskatik", Reidek egin zuen lan eskerga nabarmendu du. "Londresek eta Dublinek elkarrizketari uko egiten zioten garaietan, Reidek hitz egitearen aldeko apustu garbia egin zuen", gaineratu du.
Zure interesekoa izan daiteke
Zentro-ezkerreko oposizioaren edo egungo eskuineko gobernuaren artean erabakiko dute gaur Suediarrek
Zentro-ezkerrekoak faborito dira inkestetan, alde txikiarekin. Azkenean, eskuinak irabaziko balu, ultraeskuina sar daiteke gobernuan.
Eskozia, Gales eta Ipar Irlandako liderrek independentziaren aldeko memorandum bat sinatuko dute
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.
Trumpek esan du "gustatuko" litzaiokeela Irlanda batzea: "Lehenago edo geroago gertatuko da"
Irlandan dago egunotan AEBko presidentea, eta bertan egin ditu adierazpen polemiko horiek. Erreakzioak erreskadan etorri dira.
BRICSeko herrialdeek Ekialde Hurbilean neurriz jokatzea eta alde bakarreko zigorrak baztertzea erabaki dute
Indian bilduta, herrialde horiek 140 puntuko adierazpen zabal bat adostea lortu dute, eta, besteak beste, elkarrekin lan egiteko konpromisoa hartu dute, "merkataritzaren eta energiaren fluxua babesteko".
Saudi Arabiak Ekialde-Mendebaldeko oliobidea itxi du, hainbat eraso jasan ostean
Azpiegitura hori da merkatu globalak hornitzeko bide nagusia Ormuzko itsasarteko egungo tentsio egoeran; egunean zazpi milioi upel petrolio gordin garraia ditzake.
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.