Malaysiako hegazkinarena izan litezkeen seinaleak atzeman dituzte
Australiako 'Ocean Shield' ontziak 37,5 kHz frekuentziako seinale bat atzeman du Indiako Ozeanoan eta baliteke martxoaren 8an galdu zen Malaysiako hegazkinaren kutxa beltzaren seinalea izatea, Australiako agintarien arabera. Gune berean Txinako ontzi batek 37,5 kHzko beste seinale bat antzeman du.
Txinako 'Haixun 01' ontziak birritan antzeman ditu seinaleak, ostiralean eta larunbatean. Aipaturiko ontzia Australiako kostaldetik 1.000 kilometro mendebaldera eta Java Indonesiako uharteko kostaldetik 2.000 kilometrora dago.
'Ocean Shield' ontziak beste seinale bat atzeman du Txinako ontzia dagoen tokitik 300 miliara. Australiako agintariek azaldu dutenez "gertaera akustikoa" ikertuko dute eta ondoren 'Haixun 01' ontzia dagoen tokira mugituko da ontzia.
Ontzi australiarra tokira iristen den bitartean, Australiak beste ontzi bat bidaliko du 'Haixun 01' dagoen tokira bilaketa lanak indartzeko. Halaber, Australiak hegazkinak ere bidaliko ditu aipaturiko tokira.
Txinako 'Haixun 01' ontziak 37,5 kHz frekuentziako seinale bat atzeman zuen larunbatean, eta litekeena da martxoaren 8an galdu zen Malaysiako hegazkinaren kutxa beltzaren seinalea izatea, Txinako Xinhua albiste agentziak zabaldu duenez. Itsasontzia Indiako ozeanoan lanean ari den bilaketa taldeko kide da.
Dena dela, Xinhua agentziako informazioaren arabera, oraindik baieztatzeko dago jasotako seinalea MH370 hegazkinekoa den.
Txinako Alderdi Komunistaren egunkariak argitaratu duenez, itsasontzi txinatarrak jasotako seinalea galdutako Boeing hegazkina ekoitzi zuen enpresak zabaldutako seinalea bezalakoa da.
Erreskate taldeek areagotu egin dituzte bilaketa lanak Indiako Ozeanoan, izan ere, lau aste bete dira Malaysia Airlineseko hegazkina galdu zenetik, eta kutxa beltzeko bateriak agortzear egon behar dute.
Zure interesekoa izan daiteke
AEBk ofizialki onartu du "espazioa kontrolatzeko" armak zabalduta dituela orbitan
AEBko agintariek azpimarratu dute gaitasun horrek herrialdea "defendatzeko" aukera ematen duela, euren "aurkako erasoen" aurrean.
AAren arriskua "gezurra" dela esan du Trumpek, eta klima aldaketaren "iruzurraren" pare jarri du
"Duela gutxi esaten zuten mundua desagertuko zela 'klima aldaketagatik'. Gezur horrek ez zien inoiz funtzionatu, eta orain hurrengoaren bila doaz", adierazi du AEBko presidenteak.
Nazio Batuen Erakundeak adimen artifiziala gobernatzeko eskatu die Estatuei eta enpresei: "Giza eskubide guztiak arriskuan daude"
Anthropic, OpenAI eta Google AA autoerregulatzeko segurtasun erakunde bat sortzea aztertzen ari dira, The Washington Post egunkariaren arabera. Donald Trumpek adierazi duenez, berriz, "AAk behar duen kontrol edo segurtasun mekanismo bakarra ni bezalako presidente indartsu eta argia da".
Eskoziak, Galesek eta Ipar Irlandak akordio historiko bat sinatu dute autodeterminazioaren alde
Cardiffen, Galesko hiriburuan egindako bileran independentziari buruzko erreferendumaren alde egiteko estrategia bateratua iragarri dute hiru buruzagiek.
Zentro-ezkerreko oposizioak garaipen estua lortu du Suedian, baina emaitza ez da ziurra oraindik
Hiru eserlekuren aldea baino ez du, 176 173ren kontra, eta ostiralerako espero da behin betiko emaitza, atzerritik iritsitako botoak zenbatuta. Ultraeskuinak indarra galdu du, eta Alderdi Kontserbadorearen atzetik geratu da.
Eskozia, Gales eta Ipar Irlandako liderrek independentziaren aldeko memorandum bat sinatuko dute gaur
Trumpek Irlandaren bateratzea laster gertatuko dela esan eta biharamunean iritsi da iragarpena. AEBko presidentearen adierazpenak oso kritikatuak izan dira Erresuma Batuan.
Zentro-ezkerreko oposizioko blokeak irabazi ditu Suediako hauteskundeak, inkesten arabera
Zentro-ezkerrak botoen % 51,3 eskuratu ditu eta Ulf Kristersson lehen ministro kontserbadoreak, berriz, % 46,8, SVT telebista publikoak egindako inkesta baten arabera.
AEBko Kongresuko demokratek IAren garapena geldotu nahi dute, sektoreko buruen alarmaren ostean, baina Trumpek esan du ez dela "gertatuko"
Asteartean bilera egingo dute Behe Ganberako demokratek, eta bertan "lehentasun garrantzitsu bat adimen artifizialaren inguruko ekintza izango da", aurreratu dute.
500 kolono israeldar inguru sartu dira Al Aksa meskitara juduen Urteberriko ospakizunetan
1967tik indarrean dagoen statu quoaren arabera (Israelek Ekialdeko Jerusalem okupatu zuenean), esparru hori musulmanen gurtzarako baino ez da, eta juduak bisitari gisa baino ezin dira sartu.
Ukrainak eta Errusiak elkarri eraso diote: bi pertsona hil eta dozenaka zauritu dira
Ukrainako indarrek Errusia ipar-mendebaldean eragin dituzte bi heriotzak, Nizhnekamsk udalerrian. Moskuk droneak erabiliz eraso dio Kievi, eta gutxienez bost lagun zauritu ditu. AEBren arabera, baina, bi herrialdeek nahi dute gatazka konpondu.