Ospetsuak Eskoziako erreferendumaren aurrean: zer bozkatuko dute?
Eskoziaren independentziaren aldeko zein kontrako kanpaina ez da politikarien kontua bakarrik. Pertsonaia ospetsu britainiarrek ere hartu dute parte, babes esplizituak edota dirua emanez.
Twitterren, gainera, ospetsuen jarrerak zehazten dituen profil bat dago: @Celebs4indy.
Eskoziaren independentziaren aurkako kanpainak ospetsu gehiago eta eragin handiagokoak bildu ditu, baina gehienak ingelesak dira eta, beraz, ezingo dute erreferendumean bozkatu.
Hona hemen erreferendumaren aurrean euren jarrera zehaztu duten hainbat ospetsu:
ESKOZIAKO INDEPENDENTZIAREN ALDE
Sean Connery: Aktore eskoziarra, zineman 007 agente sekretuarena egin zuen lehena, independentziaren aldekoen aurpegi ezagunena da. "Independentzia izateko aukera onegia da; ezin dugu galdu", esan zuen martxoan. Dena dela, ezingo du erreferendumean bozkatu, ez baita Eskozian bizi.
Ken Loach: Zinemagile ingelesak honakoa adierazi zuen otsailean: "Eskoziak alde egiten badu, adibide onaren mehatxua gertatuko litzateke, Latinoamerikan esaten duten bezala, Erresuma Batua baino hobea izango litzatekeen herrialde bat lortuko luketelako".
Gerard Butler: 300 filmaren protagonistaren esanetan, Eskozia eta Erresuma Batua herrialde "ezberdinak" dira.
Franz Ferdinand: Musika taldeak (Bilbao BBK Live jaialdiko azken edizioaren izarra) kontzertua eskaini du Edinburgon, independentziaren aldeko kanpaina babesteko.
Alan Cumming: The Good Wife telesaileko aktorea oso aktiboa izan da sare sozialetan, independentziaren alde, eta Hollywoodetik itzuli da Eskoziara, kanpainan parte hartzeko.
Vivienne Westwood: Diseinatzaile ingelesak baietzaren aldeko txapa bat jantzi zuen London Fashion Weekeko desfile batean. "Nire aberriaren aurkakoa naiz, Ingalaterrak porrotera eraman baikaitu", esan zuen.
Beste batzuk: Brian Cox, Annie Lennox, Irvine Welsh, Frankie Boyle, Alasdair Gray, Alan Bissett, Kevin Bridges, Alexander Moffat, Ken Currie eta Robbie Coltrane.
ESKOZIAKO INDEPENDENTZIAREN AURKA
JK Rowling: Harry Potterren liburuen sortzaileak (Ingalaterran jaio zen, baina Eskozian bizi da) milioi bat libera (1,25 milioi euro) eman dizkio Betther Together (Batera, hobe) kanpainari.
Paul McCartney: The Beatles taldeko kide ohia Stay Together adierazpenaren sinatzaileetako bat da. Adierazpen horrek Eskoziak Erresuma Batuan jarraitzea eskatzen du, baina, hori bai, erabakia eskoziarrena baino ez dela aitortuta.
Ewan McGregor: Eskoziako aktore ezagunena (Sean Conneryren ostean, noski) eskoziarra izateaz "harro" agertu da, baina ez dela independentista argitu du.
Mick Jagger: Rolling Stones taldeko buruak ere sinatu du Stay Together adierazpena. Zerrendako ezusteetako bat izan zen.
David Beckham: Unionisten azken fitxaketetako bat izan da. Ingalaterrako futbol selekzioko kapitain ohiak Erresuma Batuaren eta Eskoziaren arteko "lotura historikoa" ez haustea eskatu du.
David Bowie: Abeslariak otsailean, Brit Awards sariak banatzeko ekitaldian, egin zuen independentziaren aurka. "Eskozia, gera zaitez gurekin!", aldarrikatu zuen, Kate Moss modeloak ekitaldi horretan irakurritako gutun batean.
Beste batzuk: Stephen Hawking, Sting, Rod Stewart, Judi Dench, Alex Ferguson, Elena Bonham Carter, Emma Thompson, David Attenborough eta Simon Cowell.
Zure interesekoa izan daiteke
Ramon Aizarnak 300 metrora bizi izan zituen 2001ean I-11ko atentatuak: "Ikusitako guztiaren inpaktua bizitza osorako izango da"
Ramon Aizarna gipuzkoarrak, AEBn bizi den euskaldunak, World Trade Centerrera begira zegoen loft batetik ikusi zituen I-11ko Dorre Bikien aurkako atentatuak. Une hartan bertan gertatzen ari zena zuzenean kontatu zuen ETBrentzat. 25 urte geroago, berriro hitz egin dugu berarekin, historia aldatu zuen egun tragiko hura berarekin gogoratzeko.
Emma Bonino hil da, Kontsumo, Arrantza eta Laguntza Humanitarioko Europako komisario ohia, 78 urte zituela
Eragin handiko politikari italiarra izan zen. Eskubide zibilen alde borrokatu zen bere ibilbide osoan (Italian abortua legeztatzearen alde, besteak beste), eta europazale sutsua izan zen.
Albiste izango dira: I-11ko atentatuen 25. urteurrena, PISA txostenaren analisia eta Kataluniako Diada
Gaurkoan Orain-en albiste izango direnen laburpena, bi hitzetan.
25 urte, I-11tik : Horrela gertatu zen mundu osoa dardarka jarri zuen eraso terrorista
Lau bidaiari-hegazkin bahitu eta Estatu Batuen erdigunea lehertu zuen Al-Qaidak gaur 25 urte. George W. Bush AEBko orduko presidentearen erantzuna berehala etorri zen, aurrekaririk gabeko terrorismoaren aurkako gerra abiaraziz.
Ceutako krisia Espainian barne helburu politikoetarako erabiltzen ari direla salatu du Marokok
Ceutara legez kanpo sartu ziren pertsonak "ofizialki berriro hartzeko prest" dagoela dio Marokok, eta horrekin lotuta, galdera egin du: "Zein da pertsona horiek ez itzultzeko arrazoia?".
Mamdani 11Sko omenaldira joango da New Yorken, eta Trump ez da bertan izango
Alkatearen presentziak kritika eragin du biktima batzuen senideen artean; Trumpek, berriz, Pentagonoan hartuko du parte oroimen-ekitaldietan.
Trumpek 5.000 dolar agindu dizkie estatubatuarrei bere alderdiak azaroko hauteskundeak irabazten baditu
Donald Trumpek heldu bakoitzeko 5.000 dolarreko "dibidendua" agindu du, errepublikanoek azaroaren 3ko hauteskundeak irabazten badituzte eta Kongresuaren kontrolari eusten badiote.
Etxebizitza turistikoaren jarduera eta gune tentsionatuetan bigarren etxebizitzak erostea mugatu nahi ditu Europak
Etxebizitza krisia dela eta, Europa osoan dagoen arazo larriari heldu nahi dio Bruselak, eta gaur lege berri bat aurkeztu du. Besteak beste, murriztu egin nahi du etxebizitza turistikoaren jarduera eta baita gune tentsionatuetan bigarren etxebizitzak erostea.
Netanyahuk ukatu egin du Emirerriek urriaren 7ko erasoez ohartarazi izana
‘Haaretz’ egunkariak argitaratu duen informazioaren arabera, Arabiar Emirerri Batuek operazioaren berri eman zioten Israelgo lehen ministroari, eta, informazio horren aurrean, bertako oposizioak ohartarazpenei entzungor egitea leporatu dio Netanyahuri.
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.