'Eskozia independentea munduko herrialde onenetakoa izan liteke'
Xavier Solano Eskoziako Alderdi Nazionalaren aholkulariak uste duenez, independentziarekin "Eskoziak munduko herrialde onenetakoa izateko aukera izango du", egungo egoera "ona" den arren, "hobeto" egon daitekeelako.
Aholkulari kataluniarrak Radio Euskadin egindako elkarrizketa batean azaldu duenez, erreferenduma babesteko "faktore garrantzitsuenetako bat da eskoziarrei gehien eragiten dieten erabakiak Ingalaterrako kontserbadoreek hartzen dituztela, eskoziarrek bozkatu ez zuten alderdi batek, eta, azkenean, bozkatu ez zuten gobernu baten erabakiak onartu behar dituztela". Hori horrela, "gardentasun demokratikoagatik bada ere, independentziarekin, eskoziarrek bozkatutako agintariak izango dituzte", azpimarratu du.
Eskoziaren identitate arazoez galdetuta, Solanok argi adierazi du Erresuma Batuan ez dagoela "identitate arazorik". "Erresuma Batua lau nazioren batasuna da: ingelesa, eskoziarra, galesa eta irlandarra".
Horren harira, hezkuntza sistema eta beste eskumen batzuk "nazioen esku" daudela eta Londresek hor ez duela agintzen adierazi du.
Gainera, naziotasuna aitortuta, "etorkizunaz erabakitzeko eskubidea dute automatikoki; beraz, eztabaida da Eskozia non egongo den hobeto, Erresuma Batuaren barruan ala kanpoan", ez Eskoziak erabakitzeko eskubidea duen ala ez.
Solanoren arabera, Londresen eta Edinburgoren arteko harremana "oso adeitsua" da, baina "Londresek beti jartzen ditu aurretik uhartearen hego-ekialdearen (Ingalaterra) interesak".
"Eskoziaren independentzia ez doa Erresuma Batuaren kontra, ez ditu Ingalaterrarekiko loturak apurtuko. Baina independentziarekin, Bruselan erabakitzen ez dena Edinburgon erabakiko da, Londresen erabaki beharrean", gaineratu du.
Independentziaren kontrakoek irabaziz gero Eskoziak autonomia gehiago lortzeko aukeraren inguruan, Solanok azaldu du ez dagoela egungo egoerarekin gustura dagoen alderdirik, eta independentistek galduz gero "Eskoziak botere gehiago" jasoko lituzkeela. "Ezetzak irabaziz gero, botere batzuk irabaziko ditugu, baina baietzak irabaztekotan, guztiak. Arazoa da unionistek oraindik ez dutela iragarri edo erabaki zein eskumen emango dituzten".
Zure interesekoa izan daiteke
Indonesiako zenbait aireportu berriz ireki dituzte, Anak Krakatoa sumendiaren erupzioaren ondorioz itxita egon ostean
Krakatoaren erupzioaren ondoren asteburutik itxita zeuden Jakartako aireportu nagusia eta beste lau aireportu ireki ditu berriro Indonesiak. 3.000 hegaldi eta 370.000 bidaiari inguru kaltetu dira udako oporren itzulera operazio betean. Anak Krakatoa sumendia Indonesiako hiriburutik 150 kilometrora dago eta erupzioan sartu zen ostiralean, laba eta errauts-zutabe handiak jaurtiz.
Istiluak Erresuma Batuan, ultraeskuindarrek migrazioaren aurka egindako manifestazioetan
Liskarrak izan dira bart Portsmouthen migrazioaren kontrako manifestari ultraeskuindarren eta poliziaren artean eta hainbat agente zauritu dira. Larunbatean eskuin muturreko ehunka kaputxadunek Doverreko portua blokeatu zuten, Mantxako kanaletik ontzi batean iritsitako 140 migratzaileren lekualdatzea saihesteko. Gobernu britainiarrak eta alderdi politiko guztiek manifestazioak salatu dituzte.
Europako liderrek kezkaz hartu dute AfDren garaipena: "Mehatxua da Europarentzat"
AfDk Alemaniako eskualde batean bakarrik gobernatzeko gehiengo absolutua lortu ez bazuen ere, emaitza errekorra lortu zuen igande honetan, botoen % 43,8 eskuratuta, Friedrich Merz kantzilerraren alderdiaren aurretik ( % 17,2).
Aramburu errugbi jokalari ohiari tiro egin zion akusatu nagusiak heriotzaren egilea dela aitortu du
Astelehen honetan hasi den epaiketan, akusazioak "premeditazioa" frogatu nahi du, ez zela homizidioa izan, erailketa baizik.
Milaka serbiar bildu dira Belgraden Mladicen hiletarako, EBren ohartarazpenak gorabehera
Ehunka lagun hurbildu dira Belgraden gerra-kriminal Ratko Mladicen hil-kaperara, hileta ospatu aurretik. Mladic abuztuaren 27an hil zen, 84 urte zituela, Hagako kartzela batean bizi osorako espetxe-zigorra betetzen ari zela. "Bosniako harakina" ezizenez ezaguna, Mladic 2017an kondenatu zuten genozidioagatik, gerra-krimenengatik eta gizateriaren aurkako krimenengatik, Jugoslavia ohian 1992tik 1995era bitartean izandako gerretan. Europar Batasunak Serbiari ohartarazi dio Ratko Mladici ohoreak egiteak edo hura goratzeak arrisku larrian jartzen duela EBn sartzeko prozesua.
Ormuzko itsasartean beste eremu mugatu bat ezarriko duela iragarri du Iranek
Teheranek ohartarazi duenez, bertatik bere baimenik gabe igarotzen diren ontziak zigortu egingo ditu. AEBk dioenaren kontrara, itsasartea erabat itxita dagoela azpimarratu du Iranek.
Kushner eta Witkoffek Kievera egindako lehen bisitak ez du urratsik ekarri bakerako bidean
AEBk, Ukrainak eta Europako bazkideek adostu dute datozen asteetan bilera gehiago egitea eta neguari begira Ukrainari laguntza indartzea. Lehentasunen artean daude aire-defentsarako sistema gehiago, energia-sektorerako laguntza eta hornidura osagarriak.
Susan Sarandonek salatu du hainbat zinema proiektutatik kanpo utzi dutela Israel kritikatzeagatik
Bere azken filma aurkezten ari zela, Palestinaren defentsa publikoarengatik ondoriorik bizi izan ote duen galdetu diote aktore estatubatuarrari Mostran, eta zenbaitek betatu egin dutela onartu du.
AfD ultraeskuindarrak garaipen zabala lortu du Saxonia-Anhalten, eta gehiengo osoaren atarian geratu da
Litekeena da Sahra Wagenknecht Aliantzaren (BSW) abstentzioa nahikoa izatea Alemanian alderdi ultra batek estatu batean berriro agintea hartzeko.
AEBko ordezkariak Kieven dira, ia bost urtean lehen aldiz, Zelenskirekin biltzeko
Steve Witkoff eta Jared Kushner AEBko Gobernu ordezkariak Kievera iritsi dira, Volodimir Zelenski Ukrainako presidentearekin biltzeko. Bezperan, Moskun izan ziren Vladimir Putini gerrari amaiera emateko proposamen bat aurkezteko, eta proposamen hori helaraziko diote gaur Zelenskiri.