Varoufakisek Alemaniari bere programa ekonomikoa azalduko dio
Europako Banku Zentralak likideziaren truke Greziako bonuak onartuko ez zituela esan eta biharamunean, Yanis Varoufakis Greziako Finantza ministroa Wolfgang Schäuble Alemaniako Ekonomia ministroarekin bilduko da gaur Berlinen. Greziaren programa ekonomikoa azalduko dio Varoufakisek ministro alemaniarrari.
Yanis Varoufakis Greziako Finantza ministroak ulermena eskatu zion atzo Alemaniari, gobernu greziarraren proposamenen aurrean. Aldi berean, gogoratu zuen ez zela Grezia egoeraren errudun bakarra, eta krisiaren kudeaketan ere akatsak egon zirela nabarmendu zuen.
"Denok elkarrekin egin behar dugu arraunean eta ulertu behar dugu sistemaren krisi bat dela eta, beraz, modu sistematikoan erantzun behar zaiola arazoari, behatzarekin besteari seinalatu eta zer egiten duen galdetu beharrean", adierazi du Varoufakisek ARD telebista publikoari egindako adierazpenetan.
Ministro greziarra Mario Draghi Europako Banku Zentraleko (EBZ) presidentearekin batzartu zen atzo eta konponbideak negoziatzeko Greziaren asmoa azpimarratzeaz gain, ulermena eskatu zien solaskide guztiei.
"Bereziki alemaniarrek uler dezakete nazio harro bati ezin zaiola hainbeste denboran umiliatu, tunelaren amaierako argia ikusten utzi gabe", gaineratu zuen Varoufakisek. Greziako Finantza ministroak bihar bilera egingo du Angela Merkel Alemaniako kantzillerraren gobernuko kide batekin. "Gu izan ginen erori zen dominoko lehen pieza, baina ez gara domino efektuaren erantzule", gaineratu zuen, haren iritziz, krisiaren kudeaketane egin ziren erroreak aipatuz.
Gaur Alemaniako Finantza Ministerioan egingo den bilerak ikusmin handia sortu du, izan ere, Angela Merkel Alemaniako kantzillerrak Atenaseko Gobernu berriaren ildoaren gainean balorazioak egiteari muzin egin dio. Dena den, azpimarratu du aurreko Gobernuak hitzartutako konpromisoak bete behar dituela. "Greziari entzuteko garaia da. Eta pozik gaude bihar bi gobernuen arteko lehen bilera egingo delako", adierazi zuen Merkelek asteazken honetan egindako agerraldian.
Zure interesekoa izan daiteke
AEBk eta Saudi Arabiak Iranen aldeko miliziei eraso egin diete Iraken, drone bidezko eraso baten ondoren
Bonbardaketek Herri Mobilizazioaren Indarretako 20 kide hil eta 32 zauritu dituzte gutxienez, eta Irakek larrialdiko bilera deitu du tentsioak gora egin duelako.
Fujimorismoa itzuli da: Keiko Fujimorik presidente karguaren zina egin du
Alberto Fujimori presidente ohiaren (1990-2000) alabak laugarren saiakeran lortu du presidente izatea. Aurreko hauteskundeetan bigarren itzulian galdu zuen. Azken hamarkadan herrialdeak bizi izan duen ezegonkortasun politikoari aurre egin beharko dio, eta gobernatzeko akordioak lortu beharko ditu, ez baitu eta gehiengo osorik. Gainera, Keiko Fujimorik Trumpengana gerturatzeko asmoa duela iragarri du, eta horrek aldaketa ekar dezake politikan, Peruko ekonomiaren bazkide nagusia Txina baita.
Girondako sutea berraktibatu da fokuetako batean, eta beste 4.000 turista ebakuatu dituzte
Sutea gaur gauetik dago egonkortuta, baina agintariak fenomeno meteorologiko kaltegarrietarako prestatzen ari dira. Puntu horietako bat berriro aktibatu da haizearen norabidea aldatu da eta.
Gutxienez 18 hildako eta dozenaka zauritu utzi ditu Japon hego-mendebaldea astindu duen 7,1 indarreko lurrikarak
Kumamotoko merkataritza-gune batean leherketa izan da, eta baliteke hildako gehiago egotea. Tsunami alerta bertan behera utzi dute.
15 urteko mutil bat atxilotu dute Seattleko tiroketarekin lotura duelakoan
Gutxienez hiru pertsona hil eta lau zauritu ziren gastronomia-jaialdi ezagun batean izandako tiroketan. Poliziak bigarren susmagarri baten bila jarraitzen du.
Macronek iragarri du Landetako sutea "kontrolpean" dagoela, baina Girondakoak "oso gogor" jarraitzen duela
Girondako departamenduan piztutako sutearen harira, Eliseoko buruak esan du "borrokan" jarraitzen dutela. "Egonkortu egin da, gutxigorabehera, baina oso gogorra izaten jarraitzen du, eta oso zuhurrak izan behar gara datozen orduetan eta egunetan", ohartarazi du.
Iranen aurkako bonbardaketak gelditzeko agindu du Trumpek, akordio bat negoziatzeko
Hala ere, ohartarazi du erasoei berriro ekingo diela elkarrizketek porrot egiten badute.
Gutxienez hiru pertsona hil eta lau zauritu dira tiroketa batean Seattle hirian
Tiroketa gastronomia jaialdi batean gertatu da. Alkatearen arabera, pertsona bat atxilotu dute gertaerarekin lotura duelakoan.
Kolonoek izua zabaltzen jarraitzen dute, Israelgo Gobernuak Zisjordaniaren aurkako setioa larriagotzen duen bitartean
Israel Katz Israelgo Defentsa ministroak iragarri du "terrorismoaren aurkako" operazioak datozen asteetan ere luzatuko direla. Palestinako Aginte Nazionalak "premiazko nazioarteko interbentzioa" eskatu du.
Girondako suteak 240 etxebizitza suntsitu ditu eta 75 suhiltzaile zauritu dira
42.000 hektarea kiskali ditu jada, eta 220.000 pertsona ebakuatu behar izan dituzte. Agintariek, hala ere, baztertu egin dute Bordele husteko aukera, oraingoz. Macron presidenteak ministerio arteko bilera deitu du astelehen goizerako, krisia aztertzeko.