Osasunaren Mundu Erakundeak amaitutzat eman du ebola izurria Liberian
Osasunaren Mundu Erakundeak amaitutzat eman du ebola izurritea Liberian, izan ere, ez da kasu berririk antzeman azken 42 egunetan eta hori da berrogeialdiak irauten duen denbora.
"Gaur 2015eko maiatzaren 9a, Liberia ebolatik libre dagoen herrialde gisa jo du Osasunaren Mundu Erakundeak. 42 egun igaro dira 2015eko martxoaren 28tik, laborategian baieztatutako azken gaixoa lurperatu zenetik. Ebola birusaren izurritea amaitu da Liberian", azaldu du Osasunaren Mundu Erakundeak ohar batean.
Azken gaixoarekin harremanetan egon ziren 332 pertsonek ez dute gaixotasuna garatu. Dena den, agintariek alertan jarraituko dute. Apirilean, asteko 300 analisi egin zituzten herrialdeko laborategietan eta guztiek emaitza negatiboa izan zuten.
Osasunaren Mundu Erakundearen datuen arabera, 11.000 lagun baino gehiago hil dira Liberian, Ginean eta Sierra Leonan 2013ko abenduaz geroztik. Ebolaz hildako gaixoen erdiak Liberian jazo dira, eta abuztua eta urria bitartean bizi zituen herrialdeak garairik zailenak.
Bestalde, kasu berriak agertzen ari dira oraindik Ginean eta Sierra Leonan eta litekeena da herrialde horietako gaixoak Liberiara mugitzea, herrialdeen arteko muga "ahulak" baliatuz.
"Gobernuak badaki alertan jarraitu behar duela eta nazioarteko komunitatearen babesa, esperientzia eta gaitasuna ditu", azaldu du. Gainera, Osasunaren Mundu Erakundeko langileek herrialdean segituko dute urte amaierara arte.
Zure interesekoa izan daiteke
Brexitak irabazi eta 10 urtera, "rejoin": dimisioak, ekonomia ahula eta independentismoaren gorakada Erresuma Batuan
Hamarkada bat pasa da Erresuma Batua EBtik atera zenetik, eta tarte horretan Keir Starmer dimisioa emango duen seigarren lehen ministroa da; ekonomiak ez du suspertzea lortu, eta independentismoak indarra hartu du Eskozian, Galesen eta Ipar Irlandan.
Hurrengo bi hilabeetan Irango petrolioa saltzeko baimena eman du AEBk, negoziazioak ondo doazelako
Pakistanek eta Qatarrek, Burgenstocken (Suitza) egiten ari diren negoziazioetako bitartekariek, adierazi dutenez, lehenengo saioa "giro positiboan egin da" eta "aurrerapauso pozgarriak" izan dira.
Zergatik eman du dimisioa Keir Starmerrek? Hauek dira kolokan utzi zuten polemikak
Agintariaren dimisioaren ondorioz, Erresuma Batuak zazpigarren lehen ministroa izango du hamar urtean.
Keir Starmerrek Erresuma Batuko lehen ministro kargua utziko duela iragarri du
Ordezkoa bilatzeko prozesua uztailaren 9an hasiko da, eta egun horretatik aurrera hautagaitzak aurkeztu ahal izango dira alderdia zuzentzeko eta lehen ministro kargua lortzeko. Starmerrek adierazi du bere asmoa trantsizio ordenatu bat erraztea dela, eta erreleboa modu egonkorrean gertatzea.
Abelardo de la Espriella ultraeskuindarrak irabazi ditu Kolonbiako hauteskundeak, %1eko aldearekin
Hautagai ultraeskuindarrak 250.000 boto atera dizkio Ivan Cepeda ezkertiarrari bigarren itzuliko aurre-zenbaketan, eta oposizioak 33.000 mahai inpugnatu dituela iragarri du. Gustavo Petro presidenteak adierazi du oraindik ezin duela presidente berria izendatu.
Trumpen mehatxu berrien ostean, Iranek iragarri du eten egin dituela AEBrekiko negoziazioak, baina Qatarrek dio aurrera jarraitzen dutela
JD Vance AEBko presidenteordea ari da bilera horietan AEB ordezkatzen eta Trumpek ezer esan aurretik, elkarrizketetan "aurrerapauso handiak" eman dituztela adierazi du.
Iranek Libanon "arazoak" sortzen baditu, AEBk erasoei berrekingo diela ohartarazi du Trumpek
Irango Gobernuaren ordezkaritza bat eta AEBkoaren bat Suitzako bainuetxe batean elkartu dira, Teherango programa nuklearrari eta joan den astean adostutako bakerako memorandumari buruz hitz egiteko.
AEBren eta Iranen arteko bake-negoziazioak abian dira, Libanon, Ormuzko itsasartean eta garapen nuklearrean arreta jarrita
Negoziazioak ostiralean hastea espero zen, baina Iranek bertan behera utzi zituen egun horretan, Israelek Libanoko hegoaldean egindako erasoen ondorioz. Teheranek behin-behineko akordioa osorik betetzeko eskatu du, gerrari amaiera emateko.
Starmerrek Erresuma Batuko lehen ministro kargua utziko duela iragar lezake astelehen honetan
Maiatzeko udal hauteskundeetan laboristek nabarmen egin zuten behera, eskuin muturraren mesedetan. Lehen ministroak bere gain hartu zuen porrot horren erantzukizuna, eta bere irudia kolokan dago ordutik.
Inoizko hauteskunde polarizatuenen bigarren itzulia Kolonbian
Hauteskunde aurreko aurreikuspenen arabera, Abelardo de la Espriella ultraeskuindarrak botoen % 50 inguru lor ditzake eta Ivan Cepeda ofizialistak, berriz, botoen % 44. Ikusteko dago iragarpenek asmatzen duten ala ez.