Bin Laden hil zuten etxean topatutako agiriak argitaratu ditu AEBk
Osama Bin Laden Al-Qaidako burua zenaren etxean aurkitutako ehunka dokumentu argitaratu ditu gaur AEBko Gobernuak. Bin Laden AEBko indar bereziek hil zuten 2011n, Pakistanen, eta orduan atzemandako agiri batzuk sekretupean izan ditu AEBko Exekutiboak orain arte.
Inteligentzia Nazionaleko Zuzendariaren Bulegoak (ODNI) agiri batean azaldu duenez, Barack Obama AEBko presidenteak agiriak argitaratzea eskatu du segurtasun nazionalarekin zerikusia duten gaien inguruko “gardentasuna areagotzeko”.
Guztira, 103 dokumentu dira. Gehienak familiari idatzitako gutunak dira, baina Al-Qaidako beste buruzagi batzuei idatzitako mezuak ere argitaratu dituzte.
Gainera, artxibo digital ugari (ingelesez), besteak beste, Noam Chomsky filosofo eta hizkuntzalariaren testuak eta AEBko Gobernuaren dokumentuak aurkitu zituzten Bin Ladenen gotorlekuan, baita bideo-jokoen gidaliburuak ere. Al-Qaidako buruzagi ohia Abbottabadeko (Pakistan) etxe batean hil zuen AEBko Armadak.
Seymour Hersh kazetariaren ikerketa
Bin Ladenen agiri sekretuak argitaratzeko erabakia Seymour Hersh kazetariaren ikerketa bat jakitera eman eta egun batzuetara hartu dute AEBko buruek. Bin Ladenen heriotzaren inguruan Obamak gezurra esan zuela ziurtatu du Hershek ikerketan.
Obamaren hitzetan, 2011ko maiatzaren 1ean AEBko Armadaren indar bereziek egin zuten operazioa aldebakarrekoa eta sekretua izan zen.
Hershek, ostera, Bin Laden Pakistango inteligentzia zerbitzuak (ISI) harrapatu zuela esan du bere ikerketan. Dagoeneko erretiroa hartu duen AEBko inteligentziaren goi-kargudun batek emandako informazioa erabili du kazetariak ondorio horiek ateratzeko. Pakistango inteligentzia zerbitzuak Al-Qaidako buruzagi ohia entregatu behar izan zuela adierazi du Hershek.
Zure interesekoa izan daiteke
Abukeshek eta Avila deportatu dituztela baieztatu du Flotillak, Israelen atxilotuta "sei egun gogor" igaro ostean
Israelgo Atzerri Gaietarako Ministerioak iragarri du Abukeshek eta Avila deportatu dituztela, eta "probokatzaile profesional" deitu die.
Israelek Thiago Avila eta Saif Abukeshek aktibistak gaur bertan askatu, eta deportatu egingo dituzte
Israelgo inteligentzia zerbitzuak Adalah giza eskubideen aldeko erakunde eta laguntza legala ematen duen taldeari jakinarazi dionez, bi ekintzaileak "gaur bertan" askatuko dituzte, eta zaintzapean jarraituko dute, deportatuak izan arte. Adalahk egoera gertutik jarraitzen ari dela esan du, "askatzea gauzatzen dela, eta datozen egunetan deportazioa gertatzen dela ziurtatzeko".
Laboristen gainbehera Ingalaterran, Eskozian eta Galesen; populistak eta independentistak nagusi
Ingalaterran, Nigel Farageren Reform UK alderdia nagusitu da iparraldean eta erdialdean; Eskozian, SNP bosgarren agintaldia lortzeko moduan geratu da, eta Galesen, Plaid Cymruk aurrekaririk gabeko garaipena lortu du.
Europar Batasuna, nazioartean ahots bakarraren bila
Gerra hain gertu dauden eta aliantzak aldatzen ari diren honetan, Europak bere ingurura begiratzen du baina baita bere barrura ere. Izan ere, munduan izango duen lekua besteen baitan baino gehiago, bere esku dagoelako.
Putinek eta Zelenskik su-etena adostu dute maiatzaren 9tik 11rako
Era berean, herrialde bakoitzak 1.000 preso askatuko ditu.
EBren berrarmatzea: Alemaniak Europako armadarik handiena izan nahi du
Europar Batasuna berrarmatzeko moduaz eztabaidatzen ari da, AEBk kontinentean duen presentzia militarra murrizteko mehatxua egin ostean. Ane Irazabal EITBk Berlinen duen korrespontsalak egoeraren gakoak aztertu ditu EITBk ekoitzitako “Europa norabide bila” erreportaje sortako atal honetan.
AEBk eta Iranek elkarri eraso egin dioten arren, su-etenak indarrean jarraitzen duela ziurtatu du Trumpek
AEBko presidentearen arabera, bere Administrazioak Iranekin "negoziatzen" jarraitzen du Ekialde Hurbileko gatazkari amaiera emango dion akordioa lortzeko. Iranek, bere aldetik, "garaipena laster" ospatuko duela iragarri du, eta, aldi berean, Ormuzko itsasartearen "jabetza" aldarrikatu du.
Su-etena urratuta, Israelek Libano bonbardatu eta gutxienez hiru pertsona hil ditu
Israelgo eta Libanoko ordezkariek bake elkarrizketen hirugarren txanda egingo dute Washingtonen (AEB) maiatzaren 14an eta 15ean, AEBko Estatu Departamentuko funtzionario batek ostegun honetan jakitera eman duenez.
Energia nuklearra, berriztagarriak… Europa norabide bila ari da, energia-mendekotasunari aurre egiteko
Energia-mendekotasuna da Europar Batasunak aurrean duen erronka nagusietako bat. Kontsumitzen duen energiaren % 57 kanpotik dator, eta % 43 baino ez da Europan ekoizten. Frantzian, energia nuklearraren auzia eztabaida handia sortzen ari da, eta iritzi kontrajarriak eragin ditu. EITB ekoitzitako "Europa norabide bila" erreportaje-sortak aztertu duen gaietako bat da.
"Europa norabide bila" erreportaje-sortak kontinentearen egoera aztertuko du, egungo agertoki geopolitiko nahasian
Aldaketak etengabe ari dira gertatzen taula geopolitikoan, eta Europa norabide bila dabil. Mikel Reparaz EITBko Nazioarteko arlo-buruak zuzendu duen erreportaje-sorta berriak Europak aurrean dituen erronkak aztertu ditu, egungo bidegurutze geopolitikoan. Gaurtik aurrera izango da ikusgai.