'Corralitoa' indarrean dago Grezian eta tentsioak gora egin du Europan
'Corralitoa' abiatu da Grezian, eta Atenasko Gobernuaren eta hartzekodunen arteko tentsioak gora egin du, eta horrek bigarren mailan utzi ditu igandeko referenduma prestatzeko lanak.
Aurreneko ilarak eguerdian izan dira kutxa automatikoen aurrean. Igandean argitaratutako dekretuaren arabera, egunean 60 euro soilik ateratzeko aukera izango dute greziarrek.
Kaleetan, itxura batean, normaltasuna da nagusi, baina lehenengo arazoak berehala azaldu dira.
Aurreneko kaltedunak, erretirodunak
Pentsioak kobratu behar zituzten erretirodunek, baina, arazo logistikoak tarteko, ezin izan dute kobratu, nahiz eta ordainketa horiek ?corralito?tik at utzi dituen Gobernuak.
Horrela, aurreneko kaltedunak dira; izan ere, erretirodun askok ez dute kreditu-txartelik ordainketak egin ahal izateko.
Baiezko botoa emateko deialdiak
Politika alorrean, dagoeneko ez dute irtenbide bat berehala bilatzeko itxaropenik.
Elkarrizketak ez direla eten esan du Atenasko Exekutiboak, baina ezohiko beste goi-bilera bat deitzeko ?taxuzko arrazoirik ez dago?, Angela Merkel Alemaniako kantzilerrak Berlinen egindako adierazpenen arabera. ?Referenduma egin arte ez du zentzurik?, erantsi du Merkelek.
Jean-Claude Juncker Europako Batzordeko presidentea Merkel baino askoz esplizituagoa izan da hartzekodunen proposamenaren aldeko botoa eskatzeko orduan.
Baietz bozkatzeko eskatu die Junckerrek greziarrei prentsaurrekoan, eta Alexis Tsipras Greziako lehen ministroari ?herriari egia esateko? eskatu dio. ?Grezia eurotik irtetea ez da inoiz aukera izan, eta ez da izango?, gaineratu du.
Ezezkoaren aldeko manifestariak Atenasko Syntagma plazan. Argazkia: EFE
Milaka greziarrek ?ezezkoaren? aldeko manifestazioan parte hartu dute
Atenasko Syntagma plaza mukuru bete dute milaka greziarrek, igandeko referendumean ?ezezkoa? eta Gobernua babesteko.
Elkarretaratzean parte-hartzaileak euroan jarraitzearen alde agertu dira, baina beste Europa batean. Poliziaren arabera, gutxienez 13.000 lagunek parte hartu dute manifestazioan.
Astearte honetan Greziak NDFri ez diola ordainduko iradoki du Tsiprasek
Bestalde, astearte honetan Greziak Nazioarteko Diru Funtsari maileguaren 1.600 milioi euroak ez dizkiola ordainduko aditzera eman du Tsiprasek.
Erakundeekin akordio batera heltzeko borrokatu zirela adierazi du Greziako lehen ministroak. Hala ere, negoziazioek astelehenean jarraituko dutela uste du, nahiz eta igandeko referendumean ?ezezkoak? irabazi.
Nazioarteko hartzekodunek (Europako Batzordea, Europako Banku Zentrala eta Nazioarteko Diru Funtsa) Grezia eurotik kaleratzeko aukera baztertu du Tsiprasek, ?kostu handiegia? litzatekeelako.
Beldurra burtsetan
Ibex 35 indizeak % 4,56 egin du behera. Grezia eurotik ateratzeko aukerak ikara zabaldu du. 2012ko abuztuaz geroztik izan den saiorik txarrena izan da.
Greziako ?corralito?ak Europako burtsa nagusiak ikaratu ditu. Horrela, Parisek eta Frankfurtek % 3 baino gehiago galdu dute. Londresek % 2 baino gutxiago egin du behera, eta Milanek eta Lisboak, aldiz, % 5 baino gehiago.
Hala eta guztiz ere, Luis de Guindos Espainiako Ekonomia ministroa lasai agertu da Greziaren krisiaren aurrean, eta herrialdea ?inoiz baino hobeto? dagoela nabarmendu du, kutsatzeko arriskutik kanpo. Horren arabera, Espainiak ez du kontingentzia plan berezirik prestatu Grezia eurotik irten eta gero sor daitekeen egoerari aurre egiteko. Horren ustez, Espainiaren hazkunde ekonomikoa, enplegua, erreformak eta finantza sistemaren kaudimena dira ?berme onenak?.
Albiste gehiago mundua
Hiru hildako eta 10 zauritu inguru utzi ditu Kajiki tifoiak Vietnamen
Kajiki tifoia "oso indartsu eta arriskutsutzat" jo dute Vietnamgo agintariek. Nghe An eta Ha Tinh probintzien artean jo du lurra, 90 eta 117 km/h arteko haizeekin eta 150 km/h-ko ufadekin.
Hondar-ekaitz ikusgarri batek Arizonako Phoenix hiria estali du
Ekaitzarekin batera, tximista ugari eta 110 km/h-tik gorako haize-boladak izan dira. AEBtako aireportu garrantzitsuenetakoa den Sky Harbor Nazioarteko Aireportuan hainbat hegaldi bertan behera utzi behar izan dituzte.
Mikel Ayestaran: "Ez dago itxaropen handirik bahituak askatzeko negoziazioen inguruan"
Israelgo Segurtasun Kontseiluaren gaurko bileran bi gai nagusi izango dituzte mahai gainean: Gazako hiriaren inbasioa eta bahituak askatzeko negoziazioak. Nahiz eta Hamasek bitartekarien azken proposamena onartu, Netanyahuk baldintzak aldatu ditu eta bahitu guztiak batera askatzea eta Hamas armagabetzea eskatzen ditu. Familiek badakite euren azken aukera dela, eta hainbat protesta deitu dituzte gaurko.
Sozialistek ez dute Bayrouren konfiantza mozioa babestuko, eta Frantziako Gobernuaren etorkizuna kolokan jarri dute
Aurrerakoiak eta ultraeskuindarrak irailaren 8an ados jarriz gero, Exekutiboak dimisioa aurkeztu beharko du.
Helikoptero bat urmael batean erori da Frantzian, sute bat itzaltzeko ura hartzen ari zenean
Istripua Rosporden herrian gertatu da, Frantziako Finistere departamentuan, sute bat itzaltzeko lanetan ari zen helikoptero bat ura kargatzera joan denean. Maniobra egiten ari zela biraka hasi da eta azkenean uretara erori da. Zorionez, bi bidaiariak onik atera dira.
Gazan kazetarien hilketengatik justizia eskatu du NBEk
Gutxienez 245 kazetari palestinar hil dituzte Gazan 2023ko urriaren 7an gerra hasi zenetik, bertako Gobernuaren arabera.
Bayrouren hordagoa: bere Gobernua erorarazi lezakeen konfiantza mozioa egin du
Urte politikoaren hasiera malkartsu dator Frantziako Estatuan, bereziki aurrekontuak direla eta. François Bayrou lehen ministroak 40.000 milioi euroko murrizketak iragarri zituen 2026ko kontuetarako, eta hautsak harrotu zituen. Gauzak horrela, gaur jakinarazi du konfiantza mozioa egingo duela Asanblea Nazionalean, irailaren 8an.
Londresko Notting Hill auzoa musikaz eta kolorez bete da, urtero lez, inauteria ospatzeko
Musika afrokaribarra eta kolore askotako karrozak protagonistak izan dira gaur Londresko Notting Hill auzoan. Erresuma Batuan jai-eguna da gaur, eta milaka pertsona hurbildu dira inauteriez gozatzeko.
Mikel Ayestaran: “Gosete-larrialdia deklaratzeak ez du egoera lasaitu, tankeak eta hegazkinak etengabe ari dira lanean”
EITBk Ekialde Hurbilean duen berriemaleak kontatu duenez, Israelek Gaza osoa bereganatzeko asmoekin jarraitzen du. Gaza hiriburutik kanporatu nahi dituen herritarrak hegoaldera bidali nahi ditu, Nasser ospitalea dagoen ingurura. Alabaina, inguru horretan erasoek ez dute etenik. Gaur, abuztuak 25, 20 lagun hil ditu, tartean, 5 kazetari.
Gutxienez 20 pertsona hil dira, tartean bost kazetari, Israelek Gazako Nasser ospitaleari egindako erasoan
Erasoetako batek hildakoak eta zaurituak erreskatatzera zihoazen anbulantziak jo ditu. Halaber, Israelgo Armadak seigarren kazetari bat hil du Al Mayasi inguruan, Gazako hegoaldean.