De Guindos: 'Espainia inoiz baino hobeto dago krisiari aurre egiteko'
Luis de Guindos Espainiako Ekonomia ministroa lasai agertu da Greziaren krisiaren aurrean eta herrialdea "inoiz baino hobeto" dagoela nabarmendu du, kutsatzeko arriskutik kanpo. Adierazi duenez, Grezia Eurotik irtengo balitz, Espainiak ez du kontingentzia plan berezirik prestatu. Haren hitzetan, Espainiaren hazkunde ekonomikoa, enplegua, erreformak eta finantza sistemaren kaudimena dira "berme onenak".
Mariano Rajok deituta, Ekonomia Gaietarako Batzordearen bilera izan dute Soraya Saenz de Santamaria presidenteordeak eta ekonomia gaietako ministroek goizean. Hura amaituta, prentsaurrekoa egin dute presidenteordeak eta De Guindosek berak.
Ekonomia ministroaren esanetan, Espainiak ezin du gehiago egin Greziako krisiaren aurrean eta egin beharrekoa azken urteetan egin duela berretsi du. Izan ere, nabarmendu duenez, erreformak dira "Espainiaren kontingentzia plan nagusia" eta horixe izango da "su-hesi onena". "Hauxe da aparteko egoera honi aurre egiteko dugun berme nagusia... Espainia inoiz baino hobeto dago, duela bi edo hiru urte baino hobeto", agertu du.
Dena dela, Greziarekin akordioa lortuko dela ziurtzat jo du, eta Europar Batasuneko gainerako kideek bezala, Espainiak Grezia euroan jarraitzean nahi duela azpimarratu du, Greziaren eta Europaren hobe beharrez.
Alemaniako eta Frantziako gobernuen bilera
Espainiak ez ezik, Alemaniako eta Frantziako gobernuetako buruek bilerak egingo dituzte astelehen honetan Greziako krisiak euren ekonomia eta merkatuetan izango dituen ondorioak aztertzeko.
Angela Merkel Alemaniako kantzilerra gainerako alderdietako buruzagiekin eta talde parlamentarioen bozeramaileekin batzartuko da eguerdian egoera aztertzeko.
Merkel, Berlingo Kantzilertzara heltzen. Argazkia: EFE
Frantzia, elkarrizketarako prest
Francois Hollande Frantziako lehen ministroak ere Ministro Kontseilua deitu du. Ondotik, prentsaurrekoa eskaini du Frantziaren jarrera azaltzeko. Agertu duenez, herrialdeak "ez du ezeren beldur izan behar" ekonomia sendoa duelako.
Greziari zuzenduta, elkarrizketarako prest agertu da Hollande. "Gu prest gaude gaur edo bihar hitz egiten jarraitzeko. Gaur gaurkoz badago akordiorako aukera, bihar greziarrek ematen duten erantzunaren menpe egongo da", zehaztu du.
"Grezia Eurogunean geratzea nahi du Frantziak eta laguntzeko prest dago, baina horretarako konponbidea topatzeko borondate argia agertu behar dute", nabarmendu du.
Zure interesekoa izan daiteke
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.
Tubos Reunidosek 88,19 milioi euroko galera ekonomikoa izan du 2026ko lehen seihilekoan
Konpainiak nazioarteko arantzelek eragindako beherakadari eta enplegu-erregulazioko espedientearen negoziazioan zehar lantegietan izandako mobilizazioei egotzi die emaitza negatibo hori.